புதுவை சரவணன்

WITHOUT COMMENTS

2007-12-21T19:22:00.000-08:00

நெல்லை தி.மு.க இளைஞரணி மாநாடு : தி.மு.க எம்.பி புறக்கணிப்பு!

2007-12-14T20:14:00.000-08:00

திருநெல்வேலியில் தி.மு.க இளைஞரணி மாநாடு இதுவரை இல்லாத அளவிற்கு மிகவும் ஆடம்பரமாக நடந்து வருகிறது. இம்மாநாட்டில் தி.மு.கவைச் சேர்ந்த மத்திய அமைச்சர்கள், மாநில அமைச்சர்கள், மக்களவை, மாநிலங்களவை உறுப்பினர்கள், சட்டமன்ற உறுப்பினர்கள் என அனைவரும் பயபக்தியுடன் பங்கேற்றுள்ளனர். கருணாநிதி, ஸ்டாலின் உட்பட அனைத்து தி.மு.கவினரும் திருப்புமுனை மாநாடு என்று வர்ணிக்கும் இம்மாநாட்டில் தற்போது தி.மு.க எம்.பியாக இருக்கும் ஒருவர் கலந்து கொள்ளாமல் புறக்கணித்தார் என்றால் ஆச்சரியமாக இருக்கும் அல்லவா? ஆனால் அவரது பெயரைச் சொன்னால் வந்த ஆச்சரியம் எல்லாம் பறந்து போய்விடும். யார் அந்த எம்.பி ? நம்ம கலைஞரின் மனசாட்சி முரசொலி மாறனின் மகன் தயாநிதி மாறன் தான்.

சானியா மிர்சா மன்னிப்பு : இறுதி வெற்றி வகாபியிசத்துக்குத்தான்!

2007-12-14T00:40:00.000-08:00

தினத்தந்தி(14-12-2207) செய்தி. பெரிதாக்கி படிக்கவும்.

இனி இப்படிதான் சானியா காட்சி கொடுக்க வேண்டுமோ?

WITHOUT COMMENTS

2007-12-14T00:24:00.000-08:00

மலேசியா மீது பொருளாதாரத் தடை : இராமகோபாலன் அறிக்கை

2007-12-13T22:14:00.000-08:00

மலேசியாவில் இந்துக்கள் மீது அடக்குமுறையைக் கையாண்டு வரும் மலேசியாவிடமிருந்து பாமாயில் இறக்குமதியை நிறுத்த வேண்டும் என்றும், அந்நாட்டின் மீது பொருளாதாரத்தடை விதிக்க வேண்டும் என்றும் இந்து முன்னணி அமைப்பாளர் இராமகோபாலன் வலியுறுத்தியுள்ளார்.

இது குறித்து அவர் வெளியிட்டுள்ள அறிக்கை:

25.11.07 அன்று மலேசியாவில் நடைபெற்ற ஆர்ப்பாட்டத்தின் போது கோலாலம்பூரில் உள்ள பத்துமலை முருகன் கோயிலுக்கு தரிசனத்திற்காக சென்ற 400 இந்து பக்தர்களை கோயில் வளாகத்திற்குள்ளேயே சுற்றி வளைத்து அடித்து 300 போலீசார் காயப்படுத்தி யிருக்கிறார்கள்.மலேசிய இந்துக்களை பயமுறுத்து வதற்காக அவர்கள் மீது ஜாமீனில் வெளிவர முடியாத சட்டப் பிரிவுகளின் கீழ் பொய் வழக்குப் போட்டு கொடுமைப்படுத்தி வருகிறார்கள்.இனிமேல் இந்துக்கள் தங்கள் உரிமைக்கு போராடக்கூடாது என்பதற்காக அடக்கு முறையைக் கையாண்டு மலேசிய அரசு மிரட்டுகிறது. வழக்கம்போல் மலேசிய போலீசார், பக்தர்கள் தங்களை அடித்துக் கொல்ல முயன்றதாக குற்றம்சாட்டி இருக்கிறார் கள். சாதாரண இந்த வழக்கில் கீழ் கோர்ட்டில் வாதாடுவதற்கு மலேசிய நாட்டு அட்டர்னி ஜெனரல் தாமே நீதிமன்றத்திற்கு வந்து ஜாமீன் வழங்கக் கூடாது என்று வாதாடி இருக்கிறார்.

காமன்வெல்த் நாடுகளில் மலேசியா ஒரு உறுப்பு நடாக இருப்பதால் பிரிட்டன் மலேசிய அரசைக் கண்டித்து இந்திய வம்சாவளியினரான இந்துக்களை கொடுமைப்படுத்தக் கூடாது என்று வலியுறுத்த வேண்டும்.பிரிட்டனில் ஜன நாயகத்தின் மீது நம்பிக்கை உள்ள பொது மக்களும், சட்டமன்ற உறுப்பினர்களும் மலேசியாவுக்கு மூக்கணாங்கயிறு போட வேண்டும். ஐ.நா.சபையும் தனக்கு இதில் தொடர்பில்லை என்று சொல்லி தப்ப முடியாது.இந்துக்களை அடித்து விரட்ட "பூமி புத்ர' பிரச்சாரம் நடந்து வருவது வெட்கக்கேடு பாரதத்தின் மைய அரசு குரல் எழுப்புவதன் மூலம், மலேசியா மீது பொருளாதாரத் தடை விதிப்பதோடு மட்டுமல்லாமல், பாரதம் மலேசியாவிலிருந்து இறக்குமதி செய்யும் பாமாயிலை நிறுத்த வேண்டும்.இப்படி செய்வதன் மூலம் தான் மலேசிய நாட்டு அரசை வழிக்கு கொண்டு வர முடியும்.இந்துக்கள் மீது போடப்பட்ட பொய் வழக்குகளை வாபஸ்பெற மத்திய அரசு வழிவகை செய்ய வேண்டும்.

சம உரிமை, சமநீதி, சமவாய்ப்புக் கிடைப்பது அத்தியாவசியம்.இந்துக்கள் தன்மானத்துடனும், பாதுகாப்புடனும் வாழவும், மத்திய அரசு பொறுப்பு ஏற்க வேண்டும்.இந்த பிரச்சனையில் மலேசிய நாட்டுப் பிரதமரிடம் பேசி நமது பாரதப் பிரதமர் இந்துக்கள் மீதான அடக்கு முறைகளை நிறுத்திக் கொள்ளும்படி நடவடிக்கை எடுக்க வேண்டும் என்று இந்து முன்னணி கேட்டுக் கொள்கிறது.

மலேசியாவில் அடக்குமுறை : 5 தமிழர் தலைவர்கள் கைது

2007-12-13T21:53:00.000-08:00

மலேசியாவில் இந்துக்களின் வாழ்வுரிமையைக் காக்க போராடிய Hindu Raghts Action Force (HINDRAF)அமைப்பின் தலைவர்களான கங்காதரன், வசந்தகுமார், உதயகுமார், மனோகரன், கணபதிராவ் ஆகியோர் கைது செய்யப்பட்டுள்ளனர். மலேசிய உள்நாட்டு பாதுகாப்பு சட்டத்தின் கீழ் கைது செய்யப்பட்டுள்ள இவர்கள் 5 பேரும் எங்கு அடைக்கப்பட்டுள்ளனர் என்ற தகவலைக்கூட அரசு வெளியிடவில்லை. HINDRAF அமைப்பின் போரட்டத்தை முடக்குவதற்காக இதுபோன்ற அடக்குமுறைகளில் மலேசிய முஸ்லிம் அரசு இறங்கியுள்ளது.

HINDRAF அமைப்பின் தலைவர்களில் ஒருவரான வேதமூர்த்தி தமிழகத்திற்கு வந்து தமிழக முதல்வர் கருணாநிதி, தமிழ்நாடு காங்கிரஸ் கட்சி தலைவர் கிருஷ்ணசாமி, புதுச்சேரி முதல்வர் ரங்கசாமி, இந்திய கம்யூனிஸ்டு மாநிலச் செயலாளர் தா.பாண்டியன், இந்து முன்னணி நிறுவன அமைப்பாளர் இராம்.கோபாலன் ஆகியோரைச் சந்தித்து மலேசியாவில் இந்துக்கள் நடத்தும் போராட்டத்திற்கு ஆதரவு திரட்டினார்.

வேதமூர்த்தியின் இந்த முயற்சியை முறியடிப்பதற்காக மலேசிய பிரதமர் அப்துல்லா அகம்மது படாவி தனது அமைச்சரவையில் உள்ள தமிழ் அமைச்சர்களை தமிழகத்திற்கு இன்பச் சுற்றுலா அனுப்பியுள்ளார். இன்பச் சுற்றுலா வந்த இடத்தில் அவர்கள் தமிழக முதல்வர் கருணாநிதி, காங்கிரஸ் தலைவர் கிருஷ்ணசாமி, திராவிடர் கழக தலைவர் கி.வீரமணி ஆகியோரைச் சந்தித்து தமிழக தலைவர்கள் HINDRAF அமைப்பின் போரட்டத்திற்கு ஆதரவாக இல்லை என்பது போன்ற தோற்றத்தை ஏற்படுத்த முயற்சித்து வருகின்றனர். ராஜேந்திரன் என்பவர் தலைமையில் வந்துள்ள 34 தமிழ் எழுத்தாளர்கள் குழுவும் மலேசிய அரசுக்கு ஆதரவாக பேசியுள்ளனர். இவர்கள் 34 பேரும் 11-12-2207 தமிழக முதல்வரை சந்தித்தனர்.

தினமலர் நாளிதழில் வந்த செய்தி(14-12-2007)

தமிழரான மலேசிய அமைச்சர் டத்தோ சாமிவேலு மலேசிய பிரதமர் அப்துல்லா அகம்மது படாவியின் கைப்பவையாக் செயல்பட்டு வருகிறார். மலேசியாவில் தமிழர்கள் எல்லாவித உரிமைகளுடன் சந்தோஷமாக இருக்கிறார்கள் என்பதைக் காட்டுவதற்காக மலேசிய அரசுக்கு ஆதரவான சிலர் விரித்த வலையில் தமிழ் நடிகர் நடிகைகள் சிக்கியிருகிறார்கள். மலேசியாவில் தமிழர்கள் தங்கள் அடையாளத்தைக் காக்க போராடிக் கொண்டிருக்கும்போது சூது சொரணை உள்ள யாராவது குத்தாட்டம் போடுவார்களா? இந்த குத்தாட்டத்திற்கு கருணாநிதி வாழ்த்து தெரிவித்துள்ளார். சொந்த சகோதரர்களுக்கு எதிராக போராடும் அவலத்தை இங்குத் தவிர வேறு எங்கும் பார்க்க முடியாது.

ராம சேது புத்தகம் வெளியீடு

2007-12-13T05:47:00.000-08:00

சமீபத்தில் தமிழக முதல்வர் கருணாநிதி முரசொலியில் தான் எழுதிய கட்டுரைகளைத் தொகுத்து `சேது' என்ற புத்தகத்தை வெளியிட்டார். இப்போது "ராமேஸ்வரம் ராமசேது பாதுகாப்பு இயக்கம்" `ராமசேது' என்ற தலைப்பில் புத்தகம் ஒன்றை வெளிட்டுள்ளது. கேள்வி-பதில் வடிவில் தயாரிக்கப்பட்டுள்ள இப்புத்தகம் ராமர் பாலம் மட்டுமல்ல சேது சமுத்திரத் திட்டத்தைப் பற்றிய பல சந்தேகங்களுக்கு தெளிவான விடையளிக்கிறது. ஆர்.எஸ்.எஸ் மூத்த பிரச்சாரக் திரு.சூர்யநாரயண ராவ், `ராமேஸ்வரம் ராமசேது பாதுகாப்பு இயக்கத்'தின் அகிலபாரதத் தலைவர் டாக்டர். எஸ். கல்யாணராமன், செயலாளர் வழக்கறிஞர் டி.குப்புராமு, விஜயபாரதம் ஆசிரியர் நா.சடகோபன் ஆகியோர் உதவியுடன் அப்புத்தகத்தை வடிவமைக்கும் வாய்ப்பு கிடைத்ததில் மகிழ்ச்சி அடைகிறேன்.

ஆசிய வளர்ச்சி வங்கியில் முக்கிய பொறுப்பு வகித்த சரஸ்வதி நதி ஆராய்ச்சியாளர் டாக்டர். எஸ். கல்யாணராமன் வலைப்பதிவில் எனது எழுத்துக்களை படித்துவிட்டு புத்தகம் தயாரிக்கும் பொறுப்பை என்னிடம் ஒப்படைத்தார். அவருக்கு என் நன்றி. இப்புத்தகம் 11-12-2007 அன்று சென்னை தி.நகர் பா.ஜ.க அலுவலகத்தில் நடைபெற்ற பாரதி விழாவில் வெளியிடப்பட்டது.டாக்டர். எஸ். கல்யாணராமன் அவர்களும் வழக்கறிஞர் டி.குப்புராம் அவர்களும் புத்தகத்தை வெளியிட பா.ஜ.க. மாநிலத் தலைவர் இல.கணேசன் முதல் பிரதியை பெற்றுக் கொண்டார்.
விலை ரூ. 5/- பக்கங்கள் : 60
கிடக்கும் இடம் : 1, எம்.வி.நாயுடுத் தெரு, சேத்துப்பட்டு, சென்னை - 600031.

நரேந்திர மோடிக்கு ஆதரவாக இந்திரா காந்தி குடும்பத்தினர் பிரச்சாரம்

2007-12-13T05:05:00.000-08:00

நரேந்திர மோடியை ஆதரித்து இந்திரா காந்தியின் மருமகள் சஞ்சய் காந்தியின் மனைவி மேனகா கந்தியும், அவரது மகன் வருண் கந்தியும் குஜராத் மாநிலத்தில் பிரச்சாரம் செய்து வருகின்றனர். பரோடா நகரில் தாய் மேனகா காந்தியுடன் நரேந்திர மோடிக்காக வாக்குகளை சேகரிக்கும் வருண் காந்தி.

நாடாளுமன்றத் தாக்குதலில் உயிரிழந்தவர்களுக்கு 6-ம் ஆண்டு நினைவுஞ்சலி : வீரர்களின் உறவினர்கள் புறக்கணிப்பு

2007-12-13T03:33:00.000-08:00

6 ஆண்டுகளுக்கு முன்பு இதே நாளில்(13-12-2001) நமது நாடாளுமன்றம் மீது இஸ்லாமிய பயங்கரவாதிகள் தாக்குதல் நடத்தினார்கள். இந்த தாக்குதலில் இருந்து நாடாளுமன்றத்தையும் அங்கிருந்த தலைவர்களையும் காப்பாற்றுவதற்காக நமது ராணுவ வீரர்களும் டில்லி போலீசாரும் தீவிரமாக போராடினார்கள். இதில் 9 வீரர்கள் உயிரிழந்தனர். இந்த வழக்கை விசாரித்த சுப்ரீம் கோர்ட் தாக்குதலுக்குக் காரணமான முஸ்லிம் பயங்கரவாதி அப்சல் குருவுக்கு தூக்கு தண்டனை விதித்தது. முஸ்லிம் பயங்கரவாதிகளிடம் இருந்து நாடாளுமன்றத்தைக் காக்கப் போராடி உயிரிழந்த வீரர்களின் குடும்பதினர் இத்தீர்ப்பை வரவேற்றனர்.

அப்சல் குருவுக்கு தூக்கு தண்டனை விதித்ததை எதிர்த்து அவனது குடும்பத்தினர் ஜனாதிபதியிடம் கருணை மனு அளித்தனர். இந்த மனு இன்னமும் நிலுவையில் உள்ளது. அப்சல் குருவுக்கு தூக்கு தண்டனை விதித்ததை எதிர்த்து காங்கிரஸ், கம்யூனிஸ்டு போன்ற கட்சிகளும் முஸ்லிம் அமைப்புகளும் குரல் கொடுத்தன. இந்நிலையில் இன்று(13-12-2007) நாடாளுமன்றத்தில் நாடாளுமன்றத் தாக்குதலில் உயிரிழந்த வீரர்களுக்கு அஞ்சலி செலுத்தும் நிகழ்ச்சி நடைபெற்றது. இந்த நிகழ்ச்சியை உயிரிழந்த வீரர்களின் குடும்பதினர் புறக்கணித்தனர். "சுப்ரீம் கோர்ட் உத்தரவுப்படி அப்சல் குருவை உடனடியாக தூக்கிலிட வேண்டும். அப்சல் குரு விஷயத்தில் மத்திய அரசு பாரபட்சம் காட்டுகிறது" என உயிரிழந்த வீரர்களின் குடும்பதினர் வேதனை தெரிவித்துள்ளனர்.

அப்சல் குருவை தூக்கிலிடக்கோரி பயங்கரவாத எதிர்ப்பு முன்னணியினர் அதன் தலைவர் எம்.எஸ்.பிட்டா தலைமையில் நேற்று(12-12-2007) டெல்லியில் ஆர்ப்பாட்டம் நடத்தினார்கள்.

ஏற்கனவே உயிரிழந்த வீரர்களுக்கு வழங்கப்பட்ட விருதுகளை ஜனாதிபதியிடம் திரும்ப ஒப்படைத்தனர். இதைவிட ஒரு அரசுக்கு கேவலம் இருக்க முடியாது. ஆனாலும் முஸ்லிம்களின் ஓட்டுக்காக அப்சல் குருவுக்கு இத்தாலி சோனியாவின் பிடியில் இருக்கும் அரசு கருணை காட்டி வருகிறது. இப்போது அஞ்சலி நிகழ்ச்சியை புறக்கணித்து மீண்டும் மத்திய அரசிற்கு தங்கள் வேதனையை வெளிப்படுத்தி உள்ளனர். சூடு சொரணையை சோனியாவிடம் அடகு வைத்துள்ள மன்மோகன் சிங் அரசுக்கு இதெல்லாம் உறைக்காது. என்ன செய்வது நம் நாட்டின் தலைவிதி இது.

நந்திகிராம படுகொலைகள் பற்றி சென்னையில் முன்னாள் டி.ஜி.பி பிரச்சாரம்

2007-12-12T22:49:00.000-08:00

நந்திகிராமத்தில் கம்யூனிஸ்டுகள் நடத்திய படுகொலைகள் பற்றி விசாரிப்பதற்காக முன்னாள் அசாம் உயர்நீதிமன்ற நீதிபதி ராமகிருஷ்ணன் தலைமையில் 7 பேர் கொண்ட தன்னார்வ குழு அமைக்கப்பட்டது. இந்த குழுவில் பஞ்சாப் மாநில டி.ஜி.பி டோக்ராவும் இடம் பெற்றிருந்தார். இக்குழு நந்திகிராமத்திற்கு நேரடியாகச் சென்று ஆராய்ந்து அறிக்கை தயாரித்தது. இந்த அறிக்கை ஜனாதிபதிக்கும், மனித உரிமை ஆணையத்திற்கும் அனுப்பப்பட்டது.

நந்திகிராம் சென்ற உண்மை அறியும் குழுவில் இடம் பெற்றிருந்த பஞ்சாப் மாநில டி.ஜி.பி டோக்ரா நாடு முழுவதும் நந்திகிராம படுகொலைகள் பற்றி பிரச்சாரம் செய்ய திட்டமிட்டுள்ளார். 12-12-2007 அன்று சென்னையில் Justice on Trail மற்றும் chennai Media Centre தி,நகர் பா.ஜ.க அலுவலகத்தில் நடத்திய நிகழ்ச்சியில் டோக்ராவும், சமூக சேவகர் நபீசா ஹூசனும் நந்திகிராமத்தில் நடந்த படுகொலைகள், கற்பழிப்புகள் பற்றி எடுத்துரைத்தனர். இந்நிகழ்ச்சியை விஜயபாரதம் ஆசிரியர் நா.சடகோபன் தொகுத்து வழங்கினார். முன்னதாக டோக்ராவும், நபீசா ஹூசைனும் மாலை 4 மணிக்கு சென்னை பிரஸ் கிளப்பில் செய்தியாளர்களை சந்தித்தனர்.

"நந்திகிராமத்தில் வாழும் பெரும்பாமையான மக்கள் விவசாயத்தையே நம்பி வாழ்கின்றனர். மேற்கு வங்கத்தை ஆளும் கம்யூனிஸ்டு அரசு அந்த கிராமத்தில் உள்ள 4,800 ஏக்கர் நிலத்தை இந்தோனேசியாவைச் சேர்ந்த நிறுவனத்திற்கு தொழிற்சாலை அமைக்க கையகப்படுத்த முயன்றது. அதற்கு கிராம மக்கள் எதிர்ப்பு தெரிவித்தனர். இதையடுத்து ஆயிரத்திற்கும் மேற்பட்ட போலீசார் நந்திகிராமத்திற்குள் நுழைந்தனர். கம்யூனிஸ்ட் கட்சியைச் சேர்ந்தவர்களும் போலீசார்போல உடையணிந்து பயங்கரமான ஆயுதங்களுடன் கிராம மக்களைத் தாக்கினார்கள். போலீசார் கிராம மக்கள் மீது துப்பாக்கிச் சூடு நடத்தினார்கள். அதில் பலர் உயிழந்தனர். பெண்கள் பலர் கற்பழிக்கப்பட்டு கொலை செய்யப்பட்டனர்.

நந்திகிராமத்திற்குள் யாரும் நுழைய முடியாதபடி ரோட்டின் குறுக்கே கம்யூனிஸ்ட் குண்டர்கள் ஆள் உயர பள்ளம் தோண்டி வைத்துள்ளனர். அதுமட்டுமல்லாது சாலையின் நடுவே யாரும் எளிதில் செல்ல முடியாதவாறு கட்டைகள் மற்றும் கற்களை சாலையின் நடுவே குவித்து வைத்துள்ளனர். நீதிபதி ராமகிருஷ்ணன் குழுவினர் எடுத்த படங்கள். " கடந்த மார்ச் மாதம் நடந்த இந்த சம்பவம் பற்றி இதுவரை அப்பகுதி காவல் நிலையங்களில் எந்த வழக்கும் பதிவு செய்யப்படவில்லை. கொலை, கற்பழிப்புகளில் இறங்கியவர்களில் ஒருவரைக்கூட போலீசார் கைது செய்யவில்லை. முன்னாள் அசாம் உயர்நீதிமன்ற நீதிபதி ராமகிருஷ்ணன் தலைமையில் 7 பேர் கொண்ட தன்னார்வ குழுவின் ஓர் உறுப்பினர் என்ற முறையில் நந்திகிராம படுகொலைகள் பற்றி நாடு முழுவதும் பிரச்சாரம் செய்ய இருக்கிறேன்." என்று செய்தியாளர்களிடம் பேசும்போது டோக்ரா குறிப்பிட்டார். நந்திகிராமத்தில் கம்யூனிஸ்டுகள் நடத்திய கொலை, கொள்ளை, கற்பழிப்புகள் பற்றி ஊடகங்கள் மவுனம் சாதித்து வரும் நிலையில் டோக்ரா பிரச்சாரம் செய்து வருவது பாராட்டத்தக்கது. நந்திகிராம மக்களுக்கு நீதி கிடைக்க எல்லோரும் குரல் கொடுப்போம்.

விஸ்வ ஹிந்து பரிஷத் நிகழ்ச்சியில் நடிகை ராதிகா சரத்குமார்

2007-12-12T22:00:00.001-08:00

விஸ்வ ஹிந்து பரிஷத் ஆண்டுதோறும் சென்னை சேத்துப்பட்டில் உள்ள குசலாம்பாள் திருமண மண்டபத்தில் சுமார் 1000 பெண்கள் பங்கேற்கும் திருவிளக்கு பூஜையை நடத்தி வருகிறது. இந்த ஆண்டு 12-10-2007 அன்று நடைபெற்ற திருவிளக்கு பூஜை விழாவில் நடிகை ராதிகா சரத்குமார் பங்கேற்றார். இந்த செய்தி 13-10-2007 தினத்தந்தி நாளிதழில் வெளியாகியுள்ளது.

மகாகவி பாரதியாரின் 126வது பிறந்த நாள். சில காட்சிகள்......

2007-12-12T20:33:00.000-08:00

பாரதியாரின் நினைவு இல்லம் அமைந்துள்ள சென்னை திருவல்லிக்கேணியில் பாரதியின் சிலையை ஜதி பல்லக்கில் வைத்து பா.ஜ.க மாநிலத் தலைவர் இல.கணேசன், தமிழக காங்கிரஸ் கட்சியின் மூத்த தலைவர் குமரிஅனந்தன் ஆகியோர் சுமந்து வருகிறார்கள்.

ஜதி பல்லக்கில் ஊர்வலமாக வரும் மகாகவியின் சிலை முன்பு நடனமாடும் மாணவிகள்.

சென்னை மெரினா கடற்கரையில் உள்ள பாரதியின் சிலைக்கு மாலை அணிவித்து மரியாதை செலுத்தும் தமிழக அமைச்சர் க. அன்பழகன், தமிழக காங்கிரஸ் கட்சியின் மூத்த தலைவர் குமரிஅனந்தன்

பாரதி அவதரித்த எட்டையபுரம் யூனியன் அலுவலகத்தில் நடந்த பாரதி விழாவில் பாரதி வேடமணிந்த மாணவர்கள்.

மலேசியாவில் நடக்கும் போராட்டத்தின் தீவிரத்தை உணர்த்துகிறது இந்த பிஞ்சின் கடிதம்.

2007-12-11T04:41:00.000-08:00

மலேசியாவில் இந்துக்களின் அடையாளத்தைக் காப்பதற்காக் போராடும் Hindu Rights Action Force (Hindraf) அமைப்பின் பொறுப்பாளர்களுக்கு வாழ்த்து தெரிவித்து 8 வயது குழந்தை எழுதிய கடிதம். மலேசியாவில் நடக்கும் போராட்டத்தின் தீவிரத்தை உணர்த்துகிறது இந்த பிஞ்சின் கடிதம்.

மேலும் விவரங்களுக்கு : http://www.policewatchmalaysia.com/

மசூதியின் முன்பு ஜீன்ஸ் பேன்ட் - டீ சர்ட் அணிந்து கால் மேல் கால் போட்டுக்கொண்டு ஒரு முஸ்லிம் இளம் பெண் போஸ் கொடுக்கலாமா?

2007-12-11T03:28:00.000-08:00

மசூதியின் முன்பு ஜீன்ஸ் பேன்ட் - டீ சர்ட் அணிந்து கால் மேல் கால் போட்டுக்கொண்டு ஒரு முஸ்லிம் இளம் பெண் போஸ் கொடுக்கலாமா? பெண்கள் கண்டிப்பாக பர்தா அணிய வேண்டும் என கட்டுப்பாடு விதிக்கிறது இஸ்லாம். ஆனால் பிரபலமாக இருக்கும் சில இஸ்லாமிய பெண்கள் பர்தாவை துறப்பதோடு உடலை கவர்ச்சியாக காட்டும் உடைகளை அணிந்து சினிமா நடிகைகளை மிஞ்சும் அளவுக்கு பொது இடத்தில் உலா வருகின்றனர். ஹைதராபாத்தில் உள்ள மெக்கா மசூதி முன்பு 10-12-2007 அன்று டென்னிஸ் வீராங்கனை சானியா மிர்சா ஜீன்ஸ் பேன்ட் - டீ சர்ட் அணிந்து கால் மேல் கால் போட்டுக்கொண்டு ஒரு விளம்பர படத்திற்காக போஸ் கொடுத்துள்ளார்.

டென்னிஸ் ஆடுகளத்தில் சானியா அணிந்திருந்த குட்டை பாவாடை இஸ்லாமியர்களின் எதிர்ப்பு காரணமாக மினி ஸ்கர்ட்டானது. இப்போது முஸ்லிம்கள் தங்கள் உயிரைவிட பெரிதாக மதிக்கும் மசூதி முன்பு ஜீன்ஸ் பேன்ட்- டீ சர்ட் அணிந்து போஸ் கொடுத்ததை இஸ்லாமியர்கள் எப்படி எடுத்துக்கொள்ள போகிறார்கள்? முன்பு பலமுறை இஸ்லாமியர்களின் எதிர்ப்பை எதிர் கொண்ட அனுபவம் சானியாவுக்கு இருக்கிறது. தஸ்லிமாவுக்கு நேர்ந்த கதியும் சானியாவுக்கு தெரியாமல் இருக்க வாய்ப்பில்லை. அப்படி இருந்தும் சானியா இப்படி துணிவுடன் போஸ் கொடுத்திருக்கிறார். சானியாவுக்கு துணிச்சல் அதிகம்தான்.

இந்த காட்சியை மசூதி முன்பு உள்ள இரும்பு தடுப்புக்கு பின்பு இருந்து ஏராளமான முஸ்லிம்கள் ரசிக்கிறார்கள். பொதுவாக இதுபோன்ற சந்தர்ப்பங்களில் முஸ்லிம்கள் கல்லெறிவார்கள். வன்முறையில் இறங்குவார்கள். ஆனால் ஹைதராபாத்தில் முஸ்லிம்கள் அமைதியாய் ரசிக்கிறார்கள். ஆச்சரியம்தான்.

தமிழகத்திற்கு சேவையாற்றும் பா.ஜ.க முதல்வர்கள்

2007-12-10T23:53:00.000-08:00

சுனாமி அரக்கன் தமிழகத்திற்கு விஜயம் செய்து வரும் டிசம்பர் 26-ம் தேதியோடு மூன்றாண்டுகள் நிறைவடைகிறது. சுனாமி வந்ததும் பல மாநில அரசுகள் பல கோடி ரூபாய் மதிப்புள்ள உதவிகளை அறிவித்தது. பல கிராமங்களைத் தத்தெடுத்து வீடுகளை கட்டித் தருவதாக பல மாநிலங்களின் முதல்வர்கள் அறிவித்தனர். இந்த அறிவிப்புகள் எல்லாம் அலையோடு அலையாய் கடலில் கரைந்து போனது. ஆனால் மத்திய பிரதேசம், சத்தீஸ்கர், ராஜஸ்தான், குஜராத் போன்ற பா.ஜ.க ஆளும் மாநிலங்களின் முதல்வர்கள் தாங்கள் அளித்த வாக்குறுதியை காப்பாற்றி இருக்கிறார்கள்.

சேவாபாரதியின் தமிழக பொதுச்செயலாளர் கேசவ விநாயகன், சேவாபாரதி பொறுப்பாளர் சங்கரன் ஆகியோர் சத்தீஸ்கர் முதல்வர் ரமன் சிங்கிடம் வீட்டின் மாதிரியை ஒப்படைக்கின்றனர்

மத்திபிரதேச மாநில அரசு சுனாமியால் மோசமாக பாதிக்கப்பட்ட நாகப்பட்டினம் மாவட்டம் கீச்சாங்குப்பத்தில் 340 வீடுகளைக் கட்டி கொடுத்திருக்கிறது. சத்தீஸ்கர் மாநில அரசு நாகை மாவட்டம் பனங்குடியில் 125 வீடுகளைக் கட்டி கொடுத்திருக்கிறது. இதில் 40 சதவீத வீடுகள் முஸ்லிம்களுக்கு வழங்கப்பட்டுள்ளது. குஜராத் அரசு நாகை மாவட்டம் முட்டம் கிராமத்தில் 62 வீடுகளும், மேலமூவர்கரை கிராமத்தில் 88 வீடுகளையும் கட்டி கொடுத்திருகிறது. சுனாமி வந்ததும் முதன்முதலில் ரூ.5 கோடி நிதியை அன்றைய முதல்வர் ஜெயலலிதாவிடம் ஒப்படைத்தது நரேந்திர மோடி தலைமையிலான குஜராத் அரசுதான். ரமன் சிங் தலைமையிலான சத்தீஸ்கர் அரசு தற்காலிக வீடுகளைக் கட்ட 10 ரயில்வே வேகன்களில் சவுக்கு மரங்களை அனுப்பியது. அதோடு 10 ரயில்வே வேகன் அரிசியையும் அனுப்பியது. குஜராத் அரசு 3 மொபைல் மெடிக்கல் வேன்களை சுனாமி பாதித்த பகுதிகளில் மருத்துவ சேவையாற்றுவதற்காக சேவாபாரதிக்கு தந்துள்ளது.

குஜராத் முதல்வர் நரேந்திர மோடி

மத்திய பிரதேச முதல்வர் சிவரஜ்சிங் சவுகான்

மத்திய பிரதேசம், குஜராத், சத்தீஸ்கர் மாநில அரசுகளைத் தவிர வேறு எந்த அரசும்(தமிழக அரசு உட்பட) இதுவரை ஒரு வீட்டைக்கூட கட்டித்தரவில்லை. ஆனால் இந்த மாநில முதல்வர்களோ அமைச்சர்களோ சுனாமி நிவாரணப் பணிக்காக தமிழகம் வந்தால் அவர்களுக்கு புரட்டக்கால்படி தமிழக அரசு வரவேற்பும் மரியாதையும் தருவதில்லை. சத்தீஸ்கர் மாநில அரசு கட்டித் தந்துள்ள வீடுகளின் திறப்பு விழாவிற்கு அம்மாநில முதல்வர் ரமன் சிங்கை சேவாபாரதியின் நிர்வாகிகள் அழைத்துள்ளனர். அப்போது இதனைச் சொல்லி வருத்தப்பட்டுள்ளார். ஆனாலும் வீடுகள் திறப்பு விழாவிற்கு வர சம்மதித்துள்ளார். மற்ற மாநில அரசுகள் செய்யாததை பா.ஜ.க மாநில அரசுகள் செய்துள்ளது. தமிழகத்திற்கு நலப்பணிகளை நிறைவேற்றி வரும் நரேந்திர மோடி, ரமன் சிங், சிவராஜ்சிங் சவுகான் ஆகியோருக்கு தமிழக அரசு பாராட்டு விழா நடத்த வேண்டும்.

கேரள கம்யூனிஸ்டு அலுவலகத்தில் வெடிகுண்டு தயாரிப்பு

2007-12-10T08:43:00.000-08:00

கேரள மாநிலத்திலுள்ள கண்ணூர் மாவட்டம் மார்க்கிஸ்டுகளின் வன்முறைக் களம். நீங்கள் பாகிஸ்தானுக்குகூட சுலபமாக சென்று வந்துவிடலாம். கண்ணூர் மாவட்டத்திற்குள் யாரும் அவ்வளவு சுலபமாக சென்று வந்துவிட முடியாது. வானத்து நட்சத்திரங்களைக்கூட எண்ணிவிடலாம். கண்ணூரில் மார்க்கிஸ்டுகளால் கொன்று குவிக்கப்பட்டவர்களை யாரும் எண்ணிவிட முடியாது. நான் மிகைப்படுத்திக் கூறவில்லை. கண்ணூரை பற்றி அறிந்த அனைவருக்கும் இந்த உண்மையை அறிவார்கள். ஆர்.எஸ்.எஸ்க்கு மாறிவிட்டார்கள் என்பதற்காக மிக நெருங்கிய உறவினர்களைக்கூட கம்யூனிஸ்டுகள் கொன்று குவித்திருக்கிறார்கள்.

9-12-2007 அன்று கண்ணூர் மாவட்டம் கோளாரி என்ற இடத்தில் உள்ள கம்யூனிஸ்டு அலுவலகத்தில் மார்க்கிஸ்ட் தொண்டர்கள் வெடிகுண்டு தயாரித்துக் கொண்டிருந்தார்கள். அப்போது பயங்கர சத்ததுடன் குண்டு வெடித்தது. இதில் தலசேரியைச் சேர்ந்த ஷஜில்(29)மார்க்கிஸ்ட் தொண்டர் உடல் சிதறி உயிரிழந்தார். பிரபீஷ்(27), தீலிப்(28),ரஜீஷ்(27) ஆகிய மூன்று மார்க்கிஸ்ட் தொண்டர்கள் படுகாயம் அடைந்தனர். இந்த குன்டு வெடிப்பின் மூலம் கேரள கம்யூனிஸ்டு அலுவலகங்கள் வெடிகுண்டு தயாரிக்கும் தொழிற்சாலையாக செயல்படுவது அம்பலத்திற்கு வந்திருக்கிறது.

Source : Maalai Malar(Tamil evening daily) 10-12-2007

முஸ்லிம் பயங்கரவாதிகளின் பார்சல் குண்டுக்கு பலியான இந்துப் பெண்

2007-12-10T06:12:00.000-08:00

நாகப்பட்டினம் மாவட்ட இந்து முன்னணி தலைவராக் இருந்த முத்துகிருஷ்ணனின் மனைவி தங்கம் முத்துகிருஷ்ணன் சுமார் 10 ஆண்டுகளுக்கு முன்பு முஸ்லிம் பயங்கரவாதிகள் பார்சலில் அனுப்பிய குண்டு வெடித்து பலியானார். பயங்கரவாதத்திற்கு பலியான திருமதி. தங்கம் முத்துகிருஷ்ணனின் படம்.

சென்னை ஷ்ரி ராமகிருஷ்ண மடத்தின் பதிப்பக துறைக்கு வயது 100!

2007-12-10T05:46:00.000-08:00

பதிப்பகத் துறையில் சாதனை படைத்து வரும் சென்னை ஷ்ரி ராமகிருஷ்ண மடத்தின் பதிப்பகம் இந்த ஆண்டு தனது நூற்றாண்டு விழாவைக் கொண்டாடத் தயாராகி வருகிறது. சுவாமி விவேகானந்தர் ஆற்றிய ஆன்மிக உரைகளின் தொகுப்பான ''The Universe and Man'' என்ற புத்தகம்தான் சென்னை ஷ்ரி ராமகிருஷ்ண மடத்தின் பதிப்பகம் வெளியிட்ட முதல் புத்தகமாகும். இப்புத்தகம் 29-3-1908ல் வெளியிடப்பட்டது. அன்று தொடங்கிய மடத்தின் பதிப்பகப் பணி இன்றுவரை 100 ஆண்டுகளாக இடைவிடாது நடந்து வருகிறது. இது பதிப்பகத் துறையில் மிகப்பெரிய சாதனையாகும். இதுவரை 800க்கும் மேலான ஆன்மீக நூல்கள் - ஷ்ரி ராமகிருஷ்ணர்-ஷ்ரி சாரதாதேவி, சுவாமி விவேகானந்தர் மற்றும் வேதாந்தம் ஆகிய தலைப்புகளில் தமிழ், ஆங்கிலம், சம்ஸ்க்ருத மொழிகளில் வெளிடப்பட்டுள்ளன.

நூற்றாண்டு விழாவையொட்டி

1. ஷ்ரி ராமகிருஷ்ணரின் கதை,

2. ஷ்ரி சாரதாதேவியின் கதை

3. சுவாமி விவேகானந்தரின் கதை

4. ஷ்ரி ராமகிருஷ்ணரின் ஞான முரசு

5. ஷ்ரி சாரதாதேவியின் அன்பு முரசு

6. விவேகானந்தரின் வீர முரசு

7. ஷ்ரி ராமகிருஷ்ணரின் சிந்தனைத் துளிகள்

8. ஷ்ரி சாரதாதேவியின் சிந்தனைத் துளிகள்

9. சுவாமி விவேகானந்தரின் சிந்தனைத் துளிகள்

10. The Story of Sri Ramakrishna

11. Story of Sri Sarada Devi

12. Story of Sri Vivekananda

13. Thus Spake Sri Ramakrishna

14. Thus Spake the Holy mother

15. Thus Spake Vivekananda

16.Flashes from Sri Ramakrishna

17.Flashes from Sri Sarada Devi

18 .Flashes from Swami Vivekananda

ஆகிய 18 நூல்களை ரூ. 1 விலையில் ஷ்ரி ராமகிருஷ்ண மடத்தின் பதிப்பகம் வெளிடுகிறது. நூற்றாண்டு விழா காணும் ஷ்ரி ராமகிருஷ்ண மடத்தின் பதிப்பகம் மேலும் பல சாதனைகள் படைக்க வாழ்த்துவோம். வணங்குவோம்.

தந்தையின் வழியில் மகள்

2007-12-08T23:06:00.000-08:00

இன்றைய (9-12-2207)செய்தித்தாள்களில் இந்தப்படம் வந்திருக்கிறது. பாதிரியார் ஜெகத் கஸ்பர் நடத்தும் `தமிழ் மையம்' என்ற அமைப்பும் `குட்வில் கம்யூனிகேஷன்' என்ற அமைப்பும் இணைந்து கிறிஸ்துமசை முன்னிட்டு `அன்பின் காலம்' என்ற நிகழ்ச்சியை நடத்துகிறது. இந்நிகழ்ச்சி பூந்தமல்லி நெடுஞ்சாலையில் பச்சையப்பன் கல்லூரி எதிரே உள்ள செயின்ட் ஜார்ஜ் ஆங்கிலோ இந்தியன் பள்ளியில்(சென்ற ஆண்டு புத்தகக் கண்காட்சி நடந்த இடம்) 20-12-2007 முதல் 27-12-2007 வரை ஒருவார காலத்திற்கு நடக்க இருக்கிறது. இந்நிகழ்ச்சி 100 கிறிஸ்துமஸ் தாத்தாக்கள் வலம்வர இருக்கிறார்களாம். இந்த 100 கிறிஸ்துமஸ் தாத்தாக்களும் வலம்பர இருக்கும் வண்டிக்கு `சாண்டா எக்ஸ்பிரஸ்' என்று பெயரிட்டுள்ளார்கள். இந்த சாண்டா எக்ஸ்பிரஸை கடவுள் இல்லை என்று சொல்லும் கருணாநிதியின் வாரிசு கனிமொழி எம்.பி கொடியசைத்து துவக்கி வைத்தார். அதோடு பாதிரியார் ஜெகத் கஸ்பர் இந்நிகழ்ச்சிக்காக எழுதிய பாடல்கள் அடங்கிய சி.டியை கனிமொழி, நிதி அமைச்சர் ப.சிதம்பரத்தின் மகன் கார்த்திக் சிதம்பரம் ஆகியோர் வெளியிட்டனர்.
கருணாநிதி இந்து கடவுள்களை மட்டும் விமர்சித்துக் கொண்டு முஸ்லிம் மற்றும் கிறிஸ்தவ மத நிகழ்ச்சிகளில் கலந்து கொள்வார். அதே பாணியை அவரது செல்ல மகளும் பின்பற்ற ஆரம்பித்திருக்கிறார். எப்போதும் பொட்டு வைத்திருக்கும் கனிமொழி இங்கு வெறும் நெற்றியுடன் காட்சி தருகிறார். முஸ்லிம் லீக் நடத்திய இப்தார் நிகழ்ச்சியில் கஞ்சி குடிக்க சென்றபோதும் கனிமொழி பொட்டு வைக்காமல்தான் சென்றார்.
படத்தில் கவிஞரோடு(கனிமொழிதான்) இருப்பவர்களை சத்தியமாக எனக்குத் தெரியாது.

இந்த `அன்பின் காலம்' நிகழ்ச்சியை மாஃபா நிறுவனமும் இணைந்து நடத்துகிறது. மாஃபா பாண்டியராஜன் பா.ஜ.கவைவிட்டு விலகி விஜயகாந்தின் தே.மு.தி.கவுக்குச் சென்ற பிறகு அவரது மனைவி திருமதி லதா ராஜன், பாதிரியார் ஜெகத் கஸ்பருடன் இணைந்து கிறிஸ்தவ நிகழ்ச்சிகளை நடத்துவதில் அதீத ஆர்வம் காட்டி வருகிறார். சமீபத்தில் சொர்ணம்மாள் அறக்கட்டளை(மாஃபா பாண்டியராஜன் நடத்தும் அறக்கட்டளை) மகளிர் சுயஉதவி குழுக்களுக்கு விருது வழங்கும் விழாவை நடத்தியது. சுமார் 10,000 பெண்கள் கலந்து கொண்ட இவ்விழாவை பாதிரியார் ஜெகத் கஸ்பர்தான் ஒருங்கிணைத்தார்.

மலேசிய இந்துக்களுக்கு ஆதரவாக வணிகர் சங்கம் சென்னையில் ஆர்ப்பாட்டம்

2007-12-08T20:33:00.000-08:00

சென்னை மாவட்ட ஆட்சியர் அலுவலகம் அருகே மலேசிய இந்துக்களுக்கு ஆதரவாக வணிகர் சங்கத் தலைவர் வெள்ளையன் தலைமையில் சென்னை மாநகர வியபாரிகள் 8-12-2007-ம் தேதி ஆர்ப்பாட்டம் நடத்தினார்கள். "இந்தியர்களை மூன்றாம்தர குடிமக்களாக நடத்தும் மலேசிய அரசை கண்டிக்கிறோம். மலேசிய இந்தியர்களுக்கு ஆதரவாக குரல் கொடுத்த தமிழக முதல்வரைக் கண்டித்த மலேசிய அமைச்சரின் செயலைக் கண்டிக்கிறோம் .
மலேசியாவில் இருந்து பாமாயில் இறக்குமதி செய்வதை நிறுத்த வேண்டும். இந்தப் பிரச்சினையில் மத்திய அரசு தலையிட்டு இந்தியர்களின் உரிமைகளைப் பாதுகாக்க தேவையான நடவடிக்கை எடுக்க வேண்டும்" என்று இந்த ஆர்ப்பாட்டத்தில் பேசும்போது வணிகர் சங்கத் தலைவர் வெள்ளையன் குறிப்பிட்டார்.

நன்றி : தினந்தந்தி(9-12-2007)

இந்த ஆர்ப்பாட்டத்தில் வணிகர் சங்கத்தின் மாநில நிர்வாகிகள் மோகன், சந்திரன் ஜெயபால், பாலகிருஷ்ணன், தசரதன், சொரூபன், பா.ஜ.க மாநிலப் பொதுச்செயலாளர் டாக்டர் தமிழிசை சௌந்திரராஜன், விடுதலை சிறுத்தைகள் அமைப்பின் துணை பொதுச் செயலாளர் திருமாறன் ஆகியோர் கலந்து கொண்டு பேசினார்கள். இந்த பிரச்னைக்காக இரு துருவங்களாக இருக்கும் பா.ஜ.கவும், விடுதலை சிறுத்தைகளும் ஒன்றாக ஆர்ப்பாட்டம் செய்திருப்பது பாராட்டத்தக்கது.

முத்துப்பேட்டையில் சபரிமலைக்கு மாலைபோட்டிருந்த மாணவர்கள் மீது முஸ்லிம் மாணவர்கள் தாக்குதல்.

2007-12-08T03:46:00.000-08:00

திருவாரூர் மாவட்டம் முத்துப்பேட்டை முஸ்லிம்களின் ஆதிக்கம் நிறைந்த ஒரு சிறு நகரம். இது பற்றி தமிழகத்தின் காஷ்மீர் முத்துப்பேட்டை என்று ஒரு கட்டுரை எழுதியுள்ளேன். அடிக்கடி முஸ்லிம்கள் இந்துக்கள் மீது தாக்குதல் நடத்துவார்கள். ஒரு மாதத்திற்கு முன்பு முத்திரையர் சமுதாயத்தைச் சேர்ந்த இளைஞர் ஒருவர் முத்துப்பேட்டையில் கடை வைத்துள்ள முஸ்லிமிடம் சிம் கார்டு வாங்கினார். அந்த சிம் கார்டு குறிப்பிட்ட காலத்தை கடந்த பிறகும் ஆக்டிவேட் ஆகவில்லை. இதனால் அந்த சிம் கார்டை எடுத்துக்கொண்டு ஏன் இன்னும் ஆக்டிவேட் ஆகவில்லை என்று கேட்டார். இருவருக்கும் வாக்குவாதம் முற்றியது. முத்தரையர் சமுதாயத்தைச் சேர்ந்த அந்த இளைஞரை முஸ்லிம்கள் பலர் சேர்ந்து அடித்து துவைத்து விட்டனர்.

ஒரு அப்பாவி இளைஞரை முஸ்லிம்கள் அடித்துவிட்டார்கள் என்பதை கேள்விபட்ட முத்துப்பேட்டை மர்றும் அருகிலுள்ள ஜாம்பவவானோடை கிராமத்தைச் சேர்ந்த பா.ஜ.க, இந்து முன்னணி அமைப்பைச் சேர்ந்தவர்கள் தட்டிக் கேட்டிருக்கிறார்கள். ஆயுதம் எதும் இல்லாமல் சென்ற இந்து இளைஞர்களை அரிவாள், கத்தி போன்ற ஆயுதங்களால் முஸ்லிம்கள் தாக்கியிருக்கிறார்கள். இந்த திடீர் தாக்குதலில் 10-க்கும் மேற்பட்ட இந்து இளைஞர்கள் படுகாயம் அடைந்தனர். ரோட்டில் கிடந்த பாட்டில்கள், கற்களைப் பயன்படுத்தி இந்து இளைஞர்கள் எதிர் தாக்குதல் நடத்தியதால் உயிரிழப்பு ஏதும் ஏற்படவில்லை. இதன் பிறகு வழக்கம்போல முஸ்ல்லிம்களின் பணபலமும், அரசியல் பலமும் விளையாட ஆரம்பித்தது. 30-க்கும் மேற்பட்ட இந்து இளைஞர்களை கைது செய்து திருச்சி சிறையில் அடைத்துவிட்டனர். பெயருக்கு முஸ்லிம்களில் சிலரை கைது செய்து பிறகு ஜாமீனில் விட்டுவிட்டனர். கைது செய்யப்பட்ட இந்து இளைஞர்களில் 23 பேர் சென்னையில் தங்கி காலை மாலை இரு வேளையும் போலீஸ் ஸ்டேஷனில் கையெழுத்திட்டு வருகின்றனர்.

முத்துப்பேட்டையில் உள்ள அரசினர் ஆண்கள் மேல்நிலைப்பள்ளியில் ஆயிரத்திற்கும் அதிகமான மாணவர்கள் படித்து வருகின்றனர். இப்பள்ளியில் படிக்கும் இந்து மாணவர்களில் சிலர் சபரிமலைக்கு மாலை போட்டிருந்தனர். 4-12-2007-ம் தேதி மாலை போட்டிருந்த மாணவர்கள் நெற்றியில் சந்தனம் அணிந்து கழுத்தில் மாலையுடன் பள்ளிக்கு வந்தனர். அவர்களைக் கண்டதும் முஸ்லிம் மாணவர்கள் ஆத்திரத்துடன் அவர்களை தாக்கியிருக்கிறார்கள். இதில் இந்து மாணவர்கள் பலருக்கு காயம் ஏற்பட்டது. உடனே போலீசார் 9-ம் வகுப்பு படிக்கும் அய்யப்பன், மும்மது யாசர், பிளஸ்-1 படிக்கும் சுரேஷ், பிளஸ்-2 படிக்கும் அகம்மது என நான்கு மாணவர்களைப் பிடித்து அவர்களது பெற்றோர்களிடம் `இனி இதுமாதிரி நடக்காது' என்று எழுதி வாங்கிக் கொண்டு அனுப்பிவிட்டார்கள்.

முத்துப்பேட்டையில் உள்ள பள்ளியில் இந்து மாணவர்கள் மீது முஸ்லிம் மானவர்கள் தாக்குதல் நடத்துவது ஒன்றும் புதிதல்ல. பல ஆண்டுகளாக சபரிமலைக்கு மாலை போட்டு வரும் மாணவர்கள் மீது தாக்குதல் நடத்தப்பட்டு வருகிறது. சென்ற ஆண்டு நான் முத்துப்பேட்டைக்கு சென்றபோது இந்த தகவலைச் சொன்னார்கள். முத்துப்பேட்டை இந்துக்களுக்கு என்று விடிவுகாலம் பிறக்கப் போகிறதோ தெரியவில்லை.

ஒரு மாதத்திற்கு முன்பு நடந்த மோதலில் முஸ்லிம்களுக்கு ஆதரவாக செயல்பட்டு ஜாம்பவானோடையைச் சேர்ந்தவரும் திருவாரூர் மாவட்ட பா.ஜ.க தலைவருமான கருப்பு என்கிற முருகானந்தத்தை என்கவுன்டரில் போட்டுத்தள்ள முயன்றவர் இன்ஸ்பெக்டர் சேதுமணி மாதவன். இவர் இப்போது அகிலா என்ற பெண் என்ஜினியர் தற்கொலை வழக்கில் சிக்கியிருக்கிறார். இதுபற்றிய விவரங்கள் பத்திரிகைகளில் வந்து கொண்டிருக்கின்றன.

மலேசியாவில் என்ன நடக்கிறது? இந்து உரிமை நடவடிக்கை குழு தலைவர் வேதமூர்த்தி பேட்டி

2007-12-07T04:30:00.000-08:00

4-12-2007 சென்னை பிரஸ் கிளப்பிலும் அதன் பிறகு இந்து முன்னணி நிறுவன அமைப்பாளர் இராம.கோபாலன் அவர்களுடனான சந்திப்பின்போதும் மலேசிய இந்து உரிமை நடவடிக்கை குழு தலைவர் திரு.வேதமூர்த்தி மலேசியாவின் இன்றைய நிலை பற்றி கூறியவற்றின் சுருக்கம்:

150 ஆண்டுகளுக்கு முன்பு தேயிலைத் தோட்டங்களை அமைப்பதற்காக தமிழகத்தில் இருந்து பல்லாயிரம் தமிழர்கள் பிரிட்டிஷ்காரர்களால் இலங்கைக்கு அழைத்துச் செல்லப்பட்டனர். அப்படிச் சென்ற தமிழர்கள் அடர்ந்த கருவேல மரக்காடுகளை தேயிலைத் தோட்டங்களாக மாற்றினார்கள். தேயிலை உற்பத்தியில் இலங்கைக்கு மிகப்பெரிய இடத்தைப் பெற்றுத் தந்தார்கள். கிட்டத்தட்ட அதே காலகட்டத்தில் மலேசியாவிற்கும் பல்லாயிரக்கணக்கில் தமிழர்கள் பிரிட்டிஷ்காரர்களால் அழைத்துச் செல்லப்பட்டனர். அவர்கள் ரப்பர் தோட்டங்களை உருவாக்கி மலேசியாவின் பொருளாதாரத்தை உயர்த்தினார்கள்.

மலேசியாவில் தோட்டங்களில் குடியேறிய தமிழர்கள் தங்கள் குல தெய்வங்களான மாரியம்மன், காளியம்மன், கருப்பண்ணசாமி, முனியாண்டி, சுடலையாண்டி, முருகன் என்று பல கோயில்களைக் கட்டி வழிபட்டு வந்தனர். நான்கு தலைமுறைகளாக அந்த ஆலயங்கள் அங்குள்ள இந்துக்களின் வாழ்வோடு இரண்டறக் கலந்துவிட்டன. 150 ஆண்டுகள் ஆனாலும்கூட தமிழர்களை முஸ்லிம்களின் பிடியில் உள்ள மலேசிய அரசு இரண்டாம்தர குடிமக்களாகவே நடத்தி வருகிறது. மலேசியாவின் மொத்த மக்கள் தொகை இரண்டே முக்கால் கோடி. இதில் தமிழர்களின் எண்ணிக்கை 20 லட்சம்.

பிரிட்டிஷ் ஆட்சியின்போது சீனர்களும், முஸ்லிம்களும் செல்வாக்கோடு இருந்தனர். வியபாரம் முழுக்க முழுக்க அவர்கள் கையிலேயே இருந்தது. 1957ல் மலேசியாவிற்கு சுதந்திரம் கிடைத்தது. சுதந்திரத்திற்கு பிறகு அமைந்த மலேசிய அரசு `மண்ணின் மைந்தர்' கொள்கையை கடைபிடித்து வருகிறது. முஸ்லிம்களுக்கும், சீனர்களுக்கும் சலுகைகள் குவிந்தன. கல்வி, அரசு வேலைகள், வங்கி கடன்கள், அரசு கான்டிராக்ட்கள் என்று அனைத்திலும் முஸ்லிம்களுக்கும், மலாய்காரர்களுக்குமே முன்னுரிமை. வீடு கட்டி விற்கும் ரியல் எஸ்டேட் நிறுவனம்கூட முஸ்லிம்களைவிட தமிழர்களுக்கு அதிக விலைக்குதான் விற்கிறார்கள். ஓர் இந்து தொழில் தொடங்க வேண்டுமானால் யாராவது ஒரு முஸ்லிம் அல்லது மலாய்காரரோடு கூட்டு சேர்ந்துதான் ஆரம்பிக்க முடியும். இதனால் ஒரு முஸ்லிம் அல்லது மலாய் ஒரு பைசா முதலீடு செய்யாமல் இந்துக்களுடன் கூட்டு சேர்ந்து லாபத்தில் சரிபாதி பங்கு போட்டுக் கொள்கிறார்கள். முஸ்லிம்கள் மற்றும் மலாய் குழந்தைகள் படிக்கும் பள்ளிகளுக்கு அரசு அதிக நிதி ஒதுக்குகிறது. ஆனால் இந்து குழந்தைகள் படிக்கும் பள்ளிகளுக்கு நிதி எதுவும் ஒதுக்காமல் புறக்கணிக்கிறது.

கடந்த சில ஆண்டுகளாக இந்துக்களின் கோயில்கள் இடிக்கப்பட்டு வருகின்றன. போக்குவரத்திற்கு இடையூறாக இருக்கிறது. அனுமதி பெறாத கட்டடங்கள் என்று சொல்லி இந்து கோயில்களை குறி வைத்து இடித்து வருகிறது மலேசிய அரசு. புதிதாக சாலை அமைக்கும்போது மசூதி இருந்தால் சாலையின் பாதையையே மாற்றி வளைவாக போடுகிறார்கள். இந்து கோயில்கள் வந்தால் மட்டும் இடித்து விடுகிறார்கள். இதுவரை சிறிதும் பெரிதுமாக சுமார் 7,000 கோயில்கள் இடிக்கப்பட்டுள்ளன. ஆப்பில், சோனி போன்ற பல பன்னாட்டு நிறுவனங்கள் மலேசியாவில் கால் பதித்துள்ளன. ஆனால் இந்துக்கள் மட்டும் கூலி வேலை செய்து பிழைப்பு நடத்தும் துர்பாக்கிய நிலை இன்னமும் உள்ளது.
மலேசிய இந்துக்களின் இன்றைய அவலநிலைக்கு பிரிட்டிஷ் அரசு தான் காரணம். அதனால் ரூ 14 லட்சம் கோடி நஷ்ட கேட்டு பிரிட்டிஷ் அரசு மீது வழக்கு தொடர்ந்துள்ளோம். இந்துக்களின் உரிமைகளை மீட்டுத்தர வேண்டியது பிரிட்டிஷ் அரசின் கடமை. அதனால்தான் நவம்பர் 25-ம் தேதி பிரிட்டிஷ் அரசை எதிர்த்து போராட்டம் நடத்தினோம். இது 20 லட்சம் இந்துக்களின் வாழ்க்கை பிரச்சினை. இந்துக்கள் சிந்திய வியர்வையும் ரத்தமும்தான் மலேசியாவை இந்த அளவுக்கு முன்னேற்றி இருக்கிறது. இந்துக்களை இனியும் மலேசிய அரசு புறக்கணிக்க முடியாது.
(இராம.கோபாலன் உடனான சந்திப்பிற்கு பிறகு நானும் இராம.கோபாலனின் உதவியாளர் இராம.ரவிக்குமாரும் அவர் தங்கியிருந்த ஹோட்டல் அறையில் விட்டுவிட்டு திரும்பினோம்.)

இராம.கோபாலன் - வேதமூர்த்தி சந்திப்பு

2007-12-07T02:03:00.000-08:00

4- 12- 2007 அன்று மதியம் 1 மணிக்கு சென்னை சிந்தாதிரிப்பேட்டையில் உள்ள இந்து முன்னணி அலுவலகத்தில் இந்து முன்னணி நிறுவன அமைப்பாளர் இராம.கோபாலன் அவர்களை மலேசிய இந்து உரிமை நடவடிக்கை குழு தலைவர் வேதமூர்த்தி சந்தித்தார். இந்தச் சந்திப்பு மதியம் 2.30 வரை நீடித்தது. இந்தச் சந்திப்பின்போது விஜயபாரதம் வார இதழின் ஆசிரியர் நா.சடகோபன், இந்து முன்னணி சார்பில் வெளிவரும் மாத இதழான பசுத்தாய் இதழின் ஆசிரியர் கணேசன், இராம.கோபாலனின் உதவியாளர் இராம.ரவிக்குமார் ஆகியோர் உடன் இருந்தனர். இராம.கோபாலனை சந்திக்க வருவதற்கு முன் வேதமூர்த்தி சென்னை பிரஸ் கிளப்பில் பத்திரிகையாளர்களை சந்தித்தார். அப்போது இந்து முன்னணி நிறுவன அமைப்பாளர் இராம.கோபாலன் அவர்களைச் சந்திக்க இருப்பதை பத்திரிகையாளர்க்ளிடம் சொன்னார் வேதமூர்த்தி. இராம.கோபாலனை ஏன் சந்திக்க வேண்டும்? என பல நிருபர்கள் கேள்வி எழுப்பியுள்ளனர். அதற்கு அவர் "நான் முதல்வர் கலைஞர், காங்கிரஸ், கம்யூனிஸ்டு என பல தலைவர்களைச் சந்திக்கிறேன். அதுபோல இந்துத் தலைவரான இராம.கோபாலனை சந்திக்க இருக்கிறேன்" என பதிலளித்துள்ளார்.

வேதமூர்த்திக்கு இராம.கோபாலன் பொன்னாடை போர்த்துகிறார்.

வேதமூர்த்திக்கு விஜயபாரதம் ஆசிரியர் நா.சடகோபன் பொன்னாடை போர்த்துகிறார்.

சென்னை பிரஸ் கிளப்பில் இருந்து வேதமூர்த்தியை இராம.கோபாலனின் உதவியாளர் இராம.ரவிக்குமார் தன் இரு சக்கர வாகனத்திலேயே அழைத்து வந்து விட்டார். "நான் உங்களை முதலிலேயே சந்தித்து இருக்க வேண்டும். தாமதமாக சந்திக்கிறேன்" என்று கூறியபடியே இராம.கோபாலனிடம் ஆசி பெற்றார் வேதமூர்த்தி. நீக்கள் என்னை கடைசியாக சந்திப்பதுதான் சரி என்றார் இராம.கோபாலன். செனனை லயோலா கல்லூரி எதிரே உள்ள மலேசிய தூதரகத்தின் முன்பு ஆர்ப்பாட்டம் நடத்தி கைதானததற்காக இராம.கோபாலனுக்கு நன்றி தெரிவித்தார் வேதமூர்த்தி. "மலேசிய அரசின் அடக்குமுறையை எதிர்த்து துணிவுடன் போராடும் உங்களைப் பார்த்து பெருமைப்படுகிறேன். மலேசிய அரசின் கெடுபிடிகளை மீறி நவம்பர் 25-ம் தேதி 1 லட்சம் இந்துக்கள் திரண்டிருக்கிறார்கள். உங்கள் போராட்டம் வெற்றிபெற வாழ்த்துக்கள்." என்றார் இராம.கோபாலன்.

இராம.கோபாலனுடன் உரையாடுகிறார் வேதமூர்த்தி

"மலேசிய இந்து உரிமை நடவடிக்கை குழுவில் 10 பேர்தான் இருக்கிறோம். நவம்பர் 25-ம்தேதி நாங்கள் அழைப்பு விடுத்த பேரணிக்கு 20,000 பேர்தான் வருவார்கள் என்று பார்த்தோம். ஆனால் 1 லட்சம் பேர் வந்து மலேசிய அரசுக்கு அதிச்சி அளித்துவிட்டார்கள். பேரணிக்கு யாரும் வரக்கூடாது என்பதற்காக பேருந்து உள்பட அனைத்து போக்குவரத்தையும் அரசு தடை செய்து விட்டது. இந்துக்கள் யாருக்கும் பஸ், வேன் போன்ற வாகனங்களைத் தரக்கூடாது என தனியார் வாகன உரிமையாளர்களை அரசு மிரட்டியதால் அவர்கள் வாகனங்களைத் தர மறுத்து விட்டார்கள். இதனால் பேரணி ஆரம்பமாகும் இடத்தின் அருகே உள்ள மண்டபங்கள், ஹோட்டல்களில் திருமணம் மற்றும் நிகழ்ச்சிகள் நடப்பதாக அழைப்பிதழ்கள் அச்சடித்து அதனைக் காட்டி பஸ், வேன்களைப் பிடித்து பேரணிக்கு இந்துக்கள் வந்து விட்டார்கள்.
"இதற்கு சில மாதங்களுக்கு முன்பு முஸ்லிம்கள் அல்லாத மலாய்காரர்கள் பேரணி நடத்தினார்கள். போலீசார் தண்ணீரை பீய்ச்சி அடித்ததும் அவர்கள் கலைந்துச் சென்று விட்டார்கள். ஆனால் நவம்பர் 25-ம் தேதி தண்ணீர், கண்ணீர் புகை என இடைவிடாது போலீசார் பீய்ச்சி அடித்தும் இந்துக்கள் அசராமல் இறுதிவரை போராடினார்கள்.

இதனால் ஆத்திரமடைந்த அரசு பலரை கைது செய்து வழக்கு தொடர்ந்தது. என்னையும் கைது செய்ய போலீஸ் பட்டாளத்தை நிறுத்தி வைத்திருந்தார்கள். என்னை கைது செய்தால் அதனை படம் பிடிக்க மீடியாக்காரர்கள் கேமராக்களுடன் காத்திருந்தார்கள். இந்துக்களின் உரிமைகளை நிலைநாட்டும் போராட்டத்திற்கு இந்தியாவிலும், அமெரிக்கா, இங்கிலாந்து போன்ற வெளிநாடுகளிலும் ஆதரவு திரட்டுவதற்காக சிங்கப்பூர் வழியாக இந்தியா வந்துள்ளேன்" என்றார் வேதமூர்த்தி.

வேதமூர்த்தியை வாசல்வரை வந்து வழியனுப்புகிறார் இராம.கோபாலன்

4-12-2007 அன்று செய்தியாளர்கள் கூட்டத்திலும், நாங்கள் வேதமூர்த்தியுடன் இருந்த 3 மணி நேரத்தில் வந்த எல்லா தொலைபேசி அழைப்புகளிலும் "நீங்கள் ஏன் உங்கள் அமைப்புக்கு இந்து என்று பெயர் வைத்துள்ளீர்கள். தமிழர்கள் அல்லது இந்திய வம்சாவளினர் என்று பெயர் வைக்கலாமே" என எல்லோரும் சொல்லி வைத்தாற்போல கேள்வி எழுப்பினார்கள். ஒரு கட்டத்தில் என்ன எல்லோரும் இப்படி கேட்கிறார்கள் என்று சலித்துக் கொண்டார் வேதமூர்த்தி.

மருதாணி வைத்ததால் சஸ்பென்ட் : சென்னையில் கிறிஸ்தவப் பள்ளி அட்டகாசம்!

2007-12-06T20:36:00.000-08:00

சென்னை புரசைவாக்கம் தாண்டவன் தெருவில் வசிப்பவர் கணேஷ்ராம். இவர் சென்னை உயர்நீதிமன்றத்தில் வழக்கறிஞராகப் பணியாற்றி வருகிறார். இவரது மனைவி பிரபாவதியும் வழக்கறிஞர்தான். செஷன்ஸ் கோர்ட்டில் கூடுதல் அரசு வழக்கறிஞராக இருக்கிறார். இவர்களது மகன் கவுசிக் டவுட்டன் மெட்ரிக்குலேஷன் பள்ளியில் 3-ம் வகுப்பில் படித்து வருகிறான். கடந்த 19-11-2007 தேதி வழக்கம்போல பள்ளிக்குச் சென்ற கவுசிக்கிடம் உன்னை சஸ்பென்ட் செய்திருக்கிறோம் என்றுச் சொல்லி வீட்டிற்கு அனுப்பி விட்டார்கள். இதனால் அதிர்ச்சி அடைந்த கவுசிக்கின் பெற்றோர் பள்ளிக்குச் சென்று தலைமை ஆசிரியர் தியோடர், தாளாளர் வில்கின்ஸ் ஆகியோரிடம் விளக்கம் கேட்டனர்.

மருதாணியுடன் கவுசிக்

"உங்கள் மகன் கையில் மருதாணி வைத்துள்ளான். மருதாணி வைத்துக்கொண்டு பள்ளிக்கு வர அனுமதி இல்லை. எனவே அவனை 10 நாட்கள் சஸ்பென்ட் செய்துள்ளோம்" என்று கூறியுள்ளனர். அத்தோடு மருதாணி வைத்தற்காக ரூ. 500 அபராதம் கட்ட வேண்டும் வற்புறுத்தி உள்ளனர். `30-11-2007 அன்று என் மகனுக்கு தேர்வு நடக்க இருக்கிறது. இப்போது சஸ்பென்ட் செய்தால் அவன் தேர்வு எழுதமுடியாத நிலை ஏற்படும்' என்று கவுசிக்கின் தந்தை கணேஷ்ராம் கெஞ்சியும் பள்ளி நிர்வாகம் அதனை ஏற்கவில்லை.

கவுசிக்கின் தாய் வழக்கறிஞர் பிரபாவதி

" என் கணவரும் மாமனாரும் சபரிமலைக்கு செல்லவிருக்கிறார்கள். எனது மாமனார் மலைக்கு செல்வதற்காக கார்த்திகை முதல் நாளன்று அதற்கான பூஜை நடந்தது. அப்போது சாஸ்திரப்படி எல்லோருக்கும் மருதாணி வைத்தோம். என் மகன் கவுசிக்கிற்கும் வைத்தோம். கையில் உள்ள மருதாணியை எப்படி அழிக்க முடியும்? அபராதம் செலுத்தி விடுகிறோம். மகனை சஸ்பென்ட் செய்ய வேண்டாம் என்று கேட்டோம். ஆனாலும் அவர்கள் எங்களை அவமானப்படுத்தும் வகையிலேயே பேசினார்கள். இது தொடர்பாக பள்ளி நிர்வாகம் மீது நடவடிக்கை எடுக்கக்கோரி மனித உரிமை கமிஷனிலும், பள்ளிக் கல்வி துறையிலும் புகார் செய்துள்ளோம்" என்று வேதனையுடன் பத்திரிகையாளர்களிடம் பேசியுள்ளார் கவுசிக்கின் தாய் பிரபாவதி.

"மருதாணி வைத்துக்கொண்டு வந்ததற்காக கவுசிக்கை தலைமை ஆசிரியை ஒரு நாள் சஸ்பென்ட் செய்தார். பள்ளியின் விதிமுறைகளை கடைபிடிப்பதில் தலைமை ஆசிரியை கவனமாக இருப்பார்" என பத்திரிகையாளர்கள் கேட்டபோது டவுட்டன் மெட்ரிகுலேஷன் பள்ளியின் தாளாளர் வில்கின்சன் ஒப்புதல் வாக்குமூலம் அளித்துள்ளார். தமிழ் கலாசாரப்படி மருதாணி வைத்துக்கொண்டு வந்தால் சஸ்பென்ட் செய்வதுதான் பள்ளியின் விதிமுறையா? மாணவன் கவுசிக்கின் தந்தை கணேஷ்ராம் மருதாணி வைப்பது தமிழ் கலாசாரம்தானே என்று கேட்டபோது "இந்து மதப்படி நடக்க விரும்புபவர்கள் ஏன் மகனை கிறிஸ்தவ பள்ளியில் சேர்த்தீர்கள். உங்கள் மத வழக்கங்களை வீட்டிலேயே வைத்துக் கொள்ளுங்கள். அதனை பள்ளியில் புகுத்தாதீர்கள்" என்று பள்ளி நிர்வாகம் மிரட்டியுள்ளது. மகன் கவுசிக்கை சபரிமலைக்கு அழைத்துச் செல்ல திட்டமிட்டிருந்தார் கணேஷ்ராம். மருதாணி வைத்ததற்கே பள்ளி நிர்வாகம் சஸ்பென்ட் செய்ததால் மகனை வேறு பள்ளிக்கு மாற்றிவிட்டார்.

90 சதவீத இந்து மாணவர்களுடன் தமிழகத்தில் பள்ளிகூடம் நடத்தி டவுட்டன் மெட்ரிகுலேஷன் பள்ளி போன்ற பள்ளிகள் இந்துக்களிடம் இருந்து பணத்தைக் குவிக்கிறது. ஆனால் மருதாணி வைக்கக்கூடாது பொட்டு வைக்கக்கூடாது, பூ வைக்கக்கூடாது, வளையல் அணியக்கூடாது என்றெல்லாம் கட்டுப்பாடு விதித்து இந்துக்களின் மதநம்பிக்கைகளை சிதைக்கிறார்கள். அரசியல் சாசனம் வழங்கியுள்ள அடிப்படை மத சுதந்திரத்தை தடுக்கிறார்கள். ஓட்டுக்காக அதிகாரத்தில் இருக்கும் அரசியல்வாதிகள் இந்த அராஜகத்தை கண்டுகொள்வதில்லை. "இனி கிறிஸ்தவப் பள்ளியில் என் பிள்ளைகளை சேர்க்க மாட்டேன்" என ஒவ்வொரு இந்துப் பெற்றொரும் சபதம் ஏற்றால் இப்பிரச்சினயை ஒரு நொடியில் தீர்த்து விடலாம். .

தம்மம்பட்டி கொடூரத்தை 20 ஆண்டுகளுக்கு பிறகும் நம் கண் முன்னே நிறுத்துகிறது இந்தப் படம்.

2007-12-03T22:04:00.001-08:00

எனது வலைப்பதிவில் தம்மம்பட்டியில் ஹிந்துக்களுக்கு எதிராக இழைக்கப்பட்ட அநீதிகள் பற்றி எழுதியிருந்தேன். 23/03/1989 நடந்த முருகன் ஊர்வலத்தின்போது ஆர்.எஸ்.எஸ் முழுநேர ஊழியர் செல்வராஜின் வயிற்றில் தம்மம்பட்டி காவல் நிலையத்தில் எழுத்தராக பணிபுரிந்த முஸ்லிம் ஒருவர் துப்பாக்கியின் முனையில் இருக்கும் கத்தியால் குத்தினார். வயிற்றில் குத்தியதும் குடல் வெளியே வந்துவிட்டது. அதன் பிறகு அதே முஸ்லிம் எழுத்தர் செல்வராஜின் நெஞ்சில் துப்பாக்கியால் சுட்டுக் கொன்றார். இந்த தகவலை எனது பதிவில் எழுதியிருந்தேன். முஸ்லிம் எழுத்தரால் திட்டமிட்டு கொடூரமாக கொல்லப்பட்ட செல்வராஜின் படத்தை நான் தேடிக் கொண்டிருந்தேன். இன்று அந்த படம் கிடைத்தது. அதனை இங்கு பதிவிட்டுள்ளேன்.
20 ஆண்டுகளுக்கும் பிறகும் அந்த கொடூரத்தை நம் கண்முன்னே கொண்டு வந்து நிறுத்துகிறது இந்தப்படம்.

இஸ்லாமுக்கு மாற்றப்பட்ட நான்கு வன்னிய இளம்பெண்கள்!

2007-11-26T01:59:00.000-08:00

தஞ்சை மாவட்டம் அய்யம்பேட்டை பசுபதிகோயில் குச்சிபாளையம் கிராமத்தைச் சேர்ந்தவர் கலைச்செல்வன். இவருக்கு சித்ரா என்ற மனைவியும் லோகேஸ்வரி(22), அம்பிகா(20), சர்மிளா(19), பப்பி என்கிற சங்கீதா என்ற நான்கு மகள்களும் உள்ளனர். கலைச்செல்வன் 10 ஆண்டுகளுக்கு முன்பு இறந்துவிட்டார். கணவனை பறிகொடுத்துவிட்டு நான்கு மகள்களையும் சித்ரா கஷ்டப்பட்டு வளர்த்தார். 5 ஆண்டுகளுக்கு முன்பு சித்ராவின் மூத்த மகள் லோகேஸ்வரி சக்கராப்பள்ளியில் உள்ள ரஜயா கிளினிக்கில் வேலைக்கு சேர்ந்தார். இந்த கிளினிக்கை டாக்டர் ரசாக் ஜானி நடத்தி வருகிறார்.

மதம் மாற்றப்பட்ட லோகேஸ்வரி, அம்பிகா, சர்மிளா ஆகியோரின் தாய் சித்ரா

லோகேஸ்வரியின் குடும்ப பின்னணியை அறிந்த டாக்டர் ரசாக் ஜானி லோகஸ்வரியை மூளை சலவை செய்து அவரின் மற்ற சகோதரிகளில் இருவரையும் தன் கிளினிக்கில் வேலைக்கு அமர்த்தி கொண்டார். என்னிடம் வேலைக்கு சேர்ந்தால் உங்கள் திருமணச் செலவை ஏற்றுக்கொள்கிறேன் என்று ஆசைவார்த்தைகூறி அவர்களை வேலைக்கு அமர்த்தியிருக்கிறார். இவரது கிளினிக்கிற்கு வரும் தமிழ்நாடு தவ்ஹித் ஜமாத் அமைப்பினர் திட்டமிட்டு இந்தப் பெண்களை மதம் மாற்றி இருக்கிறார்கள். அய்யம்பேட்டை அருகிலுள்ள மாகாளிபுத்தைச் சேர்ந்த கார் டிரைவர் முருகானந்தத்தின் மகள் கலைச்செல்வியையும்(20) இவர்களது வலையில் விழ வைத்துவிட்டார்கள். இந்த கலைச்செல்வி சித்ராவின் உறவினர் என்பது குறிப்பிடத்தக்கது.

டாக்டர் ரசாக் ஜானி நடத்தும் ரஜயா கிளினிக்

4-11-2007 அன்று இந்த நான்கு பெண்களும் முத்துப்பேட்டைக்கு சுற்றுலா என்ற பெயரில் சென்றுள்ளனர். இவர்களோடு லோகேஸ்வரியின் கடைசி தங்கை பப்பி என்கிற சங்கீதாவையும் அழைத்துச் சென்றுள்ளனர். சங்கீதா 10 வகுப்பு படித்து வருகிறார். அவருக்கு 18 வயது பூர்த்தியாகவில்லை என்பதால் அவரை இப்போதைக்கு மதம் மாற்றினால் மூளை சலவை செய்தது வெட்டவெளிச்சமாகிவிடும் என்பதால் விட்டுவிட்டார்கள். சுற்றுலா சென்ற மகள்கள் நால்வரும் வீடு திரும்பவில்லையே என்று தாய் சித்ரா தவித்துக் கொண்டிருக்கும்போது லோகேஸ்வரி தனது தாய்க்கு போன் செய்துள்ளார். மகளிடம் இருந்து போன் என்றதும் ஆசையோடு சென்ற தாய்க்கு அதிர்ச்சி காத்திருந்தது. நாங்கள் மூவரும் கலைச்செல்வியும் முஸ்லிமாக மாறிவிட்டோம் என்று கூறியிருக்கிறார். இதைக்கேட்டதும் சித்ரா கதறி அழுதிருக்கிறார். அதன் பிறகு மெல்ல மெல்ல விஷயம் ஊர் மக்களுக்கு பரவ தங்கள் எதிர்ப்பைக் காட்டும்விதமாக கடையடைப்பு நடத்தியிருக்கிறார்கள்.

மதம் மாற்றத்திற்கு மூலகாரணமான டாக்டர் ரசாக் ஜானி

விஷயம் பெரிதாவதை உணர்ந்த முஸ்லிம் மதமாற்ற கும்பல் நான்கு பெண்களையும் சென்னை மண்ணடியில் உள்ள தமிழ்நாடு தவ்ஹித் ஜமாத் அமைப்பின் தலைமை அலுவலகத்திற்கு அழைத்துச் சென்றுவிட்டனர். இப்போது அந்த நான்கு பெண்களும் பாம்பாட்டியின் மகுடிக்கு ஆடும் பாம்பைப்போல தமிழ்நாடு தவ்ஹித் ஜமாத் அமைப்பினர் சொல்வதையே கேட்கின்றனர். அவர்களை நீதிமன்றத்தில் ஆஜர்படுத்தி ஒரு நாடகத்தையும் தமிழ்நாடு தவ்ஹித் ஜமாத் அமைப்பினர் அரங்கேற்றி இருக்கிறார்கள்.

மதம் மாற்றப்பட்ட கலைச்செல்வியின் தந்தை முருகானந்தம்

கணவனும் இல்லை. கஷ்டப்பட்டு வளர்த்த நான்கு பெண்களில் மூவரை மதம்மாற்றிவிட்டார்கள். இந்த அதிர்ச்சியில் இருக்கும் சித்ராவிடம் நண்பர்கள் உதவியிடன் பேசினேன். அவரிடம் இருந்து அழுகைதான் பதிலாக வருகிறது. அந்த அளவிற்கு அதிர்ந்து போயிருக்கிறது அந்த தாயுள்ளம். 10 வகுப்பு படிக்கும் பப்பி என்ற சங்கீதாவிடம் நவம்பர் 4-ம் தேதி எங்கு சென்றீர்கள் என்றேன். முத்துப்பேட்டைக்கும் அதிராம்பட்டினத்திற்கும் சென்றோம் என்றார். முத்துப்பேட்டையும், அதிராம்பட்டினமும் இஸ்லாமிய ராஜ்ஜியம் நடக்கும் ஊர்கள் என்பது எல்லோருக்கும் தெரியும். மதம் மாற்றப்பட்ட உங்கள் மகள்களின் போட்டோ இருக்கிறதா என்று கேட்டோம். நிறைய போட்டோக்கள் இருந்தது. எல்லாவற்றையும் எடுத்துச்சென்றுவிட்டார்கள். பள்ளிச் சான்றிதழ்கள், ரேசன் கார்டின் நகல் உள்ளிட்ட தங்களைப் பற்றிய எல்லா ஆவணங்களையும் அவர்கள் துடைத்து எடுத்துச் சென்று இருப்பதை சித்ரா அழுகையோடு எங்களிடம் சொன்னார். லோகேஸ்வரியின் பெயரில் வங்கியில் ரூ 17,000 இருந்திருக்கிறது. அதற்கான பாஸ் புத்தகத்தையும் அவர்கள் எடுத்துச் சென்றுவிட்டார்கள்.

மதம் மாற்றப்பட்ட லோகேஸ்வரி, அம்பிகா, சர்மிளா ஆகியோரின் தங்கை பப்பி என்கிற சங்கீதா

நான் அவரின் கடைசி மகள் சங்கீதாவிடம் பேசினேன். அவரின் பேச்சிலிருந்து அவரும் மற்ற சகோதரிகளுடன் செல்லவே விரும்புகிறார். சங்கீதாவுக்கு இஸ்லாம் பற்றியெல்லாம் ஒன்றும் தெரியவில்லை. அக்காவுடன் செல்லவேண்டும் என்ற ஆர்வம் மட்டுமே இருக்கிறது. ஆனால் 18 வயது ஆகவில்லை என்பதால் அவரை விட்டு வைத்திருக்கிறார்கள். 18 வயது ஆனதும் சங்கீதாவை விட்டு வைக்க மாட்டார்கள். முஸ்லிம்கள் மதம் மாற்றியதைக் கண்டித்து முழு அடைப்பு நடந்தபோது அய்யம்பேட்டை பேரூராட்சித் தலைவரான முஸ்லிம் காவல்துறையினருக்கு பிரியாணி விருந்து கொடுத்திருக்கிறார்.

மதம் மாற்றத்திற்கு மூலகாரணமான டாக்டர் ரசாக் ஜானி தஞ்சையில் உள்ள ரோகிணி மருத்துவமனை என்னும் பிரபல மருத்துவமனையிலும் பங்குதாரராக இருக்கிறார். ரோகிணி மருத்துவமனையிலும் இதுபோன்ற மதம் மாற்றம் நடந்திருக்க / நடக்க வாய்ப்பிருக்கிறது. இந்துப்பெயரில் இருப்பதால் ஏமாந்து விடாமல் எச்சரிக்கையாக இருப்பது நல்லது.

மதம் மாற்றப்பட்ட இந்த நான்கு பெண்களும் வன்னிய சமுதாயத்தைச் சேர்ந்தவர்கள். இன்று பசுபதிகோயில் குச்சிப்பாளையத்தைச் சேர்ந்த ஏழை வன்னியத் தாய் அழுகிறாள். நாளை எத்தனை தாய் மகளை பறிகொடுத்துவிட்டு அழப்போகிறார்களோ. இந்துக்கள் எச்சரிக்கையாக இருக்க வேண்டியது அவசியம். இல்லையெனில் உங்கள் அன்பு மகள் உங்களுக்கு எதிரியாக மாறிவிடுவாள்.

இது அன்னதானம் அல்ல.

2007-11-19T08:04:00.000-08:00

இது அன்னதானம் அல்ல. நந்திகிராமில் மார்க்கிஸ்ட் குண்டர்களால் சொந்த மண்ணைவிட்டு விரட்டப்பட்ட மக்களுக்கான நிவாரண முகாமின் ஒரு காட்சி. சொந்த நாட்டிலேயே ஆளும் கட்சியினரால் அகதிகளாக்கப்பட்ட காட்சி இது. பன்னாட்டு நிறுவனங்களுக்கு தாரை வார்ப்பதற்காக கிராம மக்களை விரட்டியடித்த மார்க்கிஸ்ட் குண்டர்களை யார் மன்னிப்பது? மார்க்ஸ் மன்னிப்பாரா?

WITHOUT COMMENTS

2007-11-19T07:53:00.000-08:00

முஸ்லிம் நாட்டின் தூதரகம் நடத்திய ராமாயண நாடகம்!

2007-11-19T03:34:00.000-08:00

ராமர் என்று ஒருவரே இல்லை என்கிறார் தமிழக முதல்வர் கருணாநிதி. ஆனால் சென்னை காமராஜர் அரங்கில் 18-11-2007 அன்று இந்தோனேசிய நடன குழுவினர் ராமாயணத்தை நாடகமாக நடித்துக் காட்டினார்கள். ராமர் அவதாரமெடுத்து வாழ்ந்து வழிகாட்டிய இம்மண்ணை ஆண்டு கொண்டிருப்பவர்கள் ராமரை வஞ்சித்துக் கொண்டிருக்க இஸ்லாமிய நாடான இந்தோனேசிய தூதரகம் ராமாயண நாடகத்தை நடத்தி உள்ளது கவனித்தக்கது.

ராமர் தான் என் உயிரை காப்பாற்றினார் என்று கருணாநிதியிடம் கூறுகிறார் கிருஷ்ணசாமி

கருணாநிதி ராமர் இல்லை என்று சொன்ன பிறகு அவருக்கு பல இடங்களில் ராமர் காட்சி தந்து வருகிறார். மதுரை அப்பல்லோ மருத்துவமனையில் தமிழ்நாடு காங்கிரஸ் தலைவர் கிருஷ்ணசாமியை கருணாநிதி பார்க்கச் சென்றார். அப்போது கிருஷ்ணசாமி நான் அணிந்திருந்த ராமர் உருவம் பொறித்த டாலர் தான் எண் மீது வேல் பாயாமல் தடுத்தது. ராமர்தான் என் உயிரை காப்பாற்றினார் என்று பக்தி பெருக்கோடு கூறினார்.

இப்போது இந்தோனேசிய தூதரகம் மூலம் சென்னை காமராஜர் அரங்கில் ராமர் காட்சி தந்திருக்கிறார். கருணாநிதியை தமிழக எல்லைக்கு வெளியே யாருக்கும் தெரியாது. ஆனால் ராமர் பல்லாயிரம் ஆண்டுகளுக்கும் பிறகும் உலக மக்கள் நெஞ்சங்களில் வாழ்ந்து கொண்டிருக்கிறார். இந்த உண்மையை கருணாநிதி புரிந்து கொள்ள வேண்டும்.

சென்னையில் துறவிகள் மாநாடு!

2007-11-19T02:01:00.000-08:00

சென்னை சேத்துப்பட்டில் உள்ள காஞ்சி சங்கர மடத்திற்குச் சொந்தமான சங்கராலயத்தில் தென்பாரத துறவியர்களின் மாநாடு நடைபெற்றது. 17-11-2007 அன்று நடைபெற்ற இம்மாநாட்டில் தமிழ்நாடு, கேரளா, ஆந்திரா, கர்நாடாகா போன்ற தென்மாநிலங்களில் இருந்து துறவியர்களும், மடாதிபதிகளும் பங்கேற்றனர். ராமர் பாலத்தை இடிக்காமல் காப்பாற்றுவதற்கான போராட்டத்தை வலுப்படுத்த இராமேஸ்வரம் ராமசேது பாதுகாப்பு இயக்கத்தால் இந்த மாநாடு நடத்தப்பட்டது.

பெஜாவர் சுவாமிகள் பேசுகிறார்

நவம்பர் 30 ம் தேதியிலிருந்து ராமர் பாலத்திலிருந்து எடுக்கப்பட்ட மிதக்கும் கல் ரத யாத்திரையாக நாடு முழுவதும் மக்கள் தரிசனத்திற்காக எடுத்துச் செல்லப்படும்.

டிசம்பர் 30ம் தேதி புதுடெல்லி போட் கிளப்பில் 15 லட்சம் ராம பக்தர்கள் பங்கேற்கும் டில்லி சலோ மாநாடு நடத்தப்டும்.

என்ற இரு அறிவிப்புகள் இந்த மாநாட்டிலும் மாநாட்டின் இடையில் நடந்த செய்தியாளர்கள் சந்திப்பிலும் வெளியிடப்பட்டன.

ஷ்ரீரங்கம் ஆண்டவன் சுவாமிகள் சுப்பிரமணிய சுவாமிக்கு பொன்னாடை போர்த்தி கௌரவிக்கிறார்.

விஸ்வ ஹிந்து பரிஷத்தின் அகில உலக செயல் தலைவர் எஸ்.வேதாந்தம், பொதுச் செயலாளர் டாக்டர் பிரவின்பாய் தொகாடியா, மாநிலத் துணைத் தலைவர் ஆர்.பி.வி.எஸ் மணியன், ராமேஸ்வரம் ராமசேது பாதுகாப்பு இயக்கத்தின் அகிலபாரதத் தலைவர் டாக்டர் எஸ்.கல்யாணராமன், செயலாளர் டி.குப்புராமு, ஜனதாக் கட்சித் தலைவர் சுப்பிரமணிய சுவாமி, சந்திரலேகா, ஆர்.எஸ்.எஸ்ஸின் தென்பாரத அமைப்பாளர் சேதுமாதவன், தினமலர் உரிமையாளர் ஆர்.ஆர்.கோபால்ஜி, ஷ்ரீரங்கம் ஆண்டவன் சுவாமிகள், உடுப்பி பெஜாவர் சுவாமிகள், ஹரித்வார் ஹம்ஸ்தாஸ் சுவாமிகள், பேரூர் இளைய பட்டம் மருதாச்சல அடிகளார், சிரவை ஆதினம் குமரகுருபர சுவாமிகள், ஷ்ரீபெரும்புதூர் எம்பார் ஜீயர் சுவாமிகள், கோவை காமாட்சிபுரி ஆதினம் சாக்தஷ்ரீ சிவலிங்கேஸ்வர சுவாமிகள், சதுர்வேதி சுவாமிகள், காஞ்சி ஷ்ரீ ஜெயேந்திர சரஸ்வதி சுவாமிகள் உள்ளிட்ட பலர் பங்கேற்றனர்.

ஷ்ரீபெரும்புதூர் எம்பார் ஜீயர் சுவாமிகள், சிரவை ஆதினம் ஷ்ரீமத் குமரகுருபர சுவாமிகளுடன் உரையாடும் காட்சி

மாநாட்டில் பிரவின்பாய் தொகாடியா பேசுகிறார்

இந்த மாநாடு முதல் தளத்தில் நடந்து கொண்டிருக்கும்போது இரண்டாவது தளத்தில் பிரஸ் மீட் நடந்தது. இதில் வேதாந்தம், எஸ்.கல்யாணராமன், பிரவின் பாய் தொகாடியா, மருதாச்சல அடிகளார், ஹரித்வார் ஹம்ஸ்தாஸ் சுவாமிகள், உடுப்பி பெஜாவர் சுவாமிகள், ஷ்ரீரங்கம் ஆண்டவன் சுவாமிகள் ஆகியோர் செய்தியாளர்களிடம் தங்கள் கருத்துக்களைத் தெரிவித்தனர். உடுப்பி பெஜாவர் சுவாமிகள், ஹரித்வார் ஹம்ஸ்தாஸ் சுவாமிகள் ஆகியோரின் இந்தி பேச்சை பிரவின் பாய் தொகாடியா ஆங்கிலத்தில் மொழி பெயர்த்துச் சொன்னார். பிரஸ் மீட்டில் எல்லோரும் ஆங்கிலத்தில் பேசுவதைப் பார்த்த மருதாச்சல அடிகளாரும் ஆங்கிலத்தில் பேசினார். அவரிடம் தொகாடியா தமிழில் பேசும்மாறு கேட்டுக் கொண்டார்.
எல்லோரும் பேசி முடித்ததும் ஏதாவது கேள்வி இருந்தால் கேளுங்கள் என்று தொகாடியா கேட்டார்.

சேது சமுத்திர திட்டத்திற்கும் அதன் இப்போதைய வழித்தடத்திற்கும் பா.ஜ.க அரசு தானே அனுமதி அளித்தது. அப்போதெல்லாம் விட்டுவிட்டு இப்போது ஏன் எதிர்க்கிறீர்கள்?

சேது சமுத்திர திட்டம் நிறைவேற்றப்பட்டால் தமிழகம் வளம் கொழிக்கும் மாநிலமாக மாறும் என்று அரசு கூறிகிறதே?

என்று வழக்கமாக கேட்கும் கேள்விகளையே கேட்டார்கள். ஒரு பெண் நிருபர் மட்டும் தமிழகத்தில் நீங்கள் நடத்தும் போராட்டத்திற்கு மக்கள் ஆதரவில்லையே என்று பொருள்படும்படியாக ஒரு கேள்வியை சுற்றி வளைத்து கேட்டார். (இதே பெண் நிருபர் கடந்த சில மாதங்களுக்கு முன்பு நியூ உட்லண்ட்ஸ் ஹோட்டலில் நடந்த பிரஸ் மீட்டிலும் இதே கேள்வியை கேட்டார்)

பிரஸ் மீட்

ராமர் பாலத்தில் உள்ள மிதக்கும் கல்

ராமர் பாலத்தில் இருந்து எடுத்து வரப்பட்ட ஒரு கல் செய்தியாளர் சந்திப்பில் மிதக்க வைத்து காண்பித்தார்கள். மாநாடு மாலை வரை நடைபெற்றது.

தஞ்சையில் நான்கு ஹிந்து இளம் பெண்கள் முஸ்லிமாக மதம் மாற்றப்பட்டனர்

2007-11-13T21:12:00.000-08:00

தஞ்சாவூர் - கும்பகோணம் நெடுஞ்சாலையில் உள்ள சக்கராப்பள்ளி ஒரு இஸ்லாமிய கிராமம். 1,500 ஆண்டுகள் பழமையான சக்ரவாகேஸ்வரர் ஆலயத்தைத் தவிர அங்கு ஹிந்துக்களுக்கு சொந்தம் என்று சொல்லிக்கொள்ள வேறு எதுவும் இல்லை. நான் காவிரி டெல்டாவில் இஸ்லாமிய ஆதிக்கம் பற்றி அறிவதற்காக சென்றபோது சக்கராப்பள்ளிக்கும் சென்றேன். அங்குள்ள மிக நீண்ட அக்ரஹாரம் முழுக்க முஸ்லிம்கள்தான் வாழ்கின்றனர். ஒரு சில வீடுகள் பழமை மாறாமல் அப்படியே இருக்கின்றன. 1,500 ஆண்டுகள் பழமையான சக்ரவாகேஸ்வரர் ஆலயத்தின் நுழைவுவாயிலை படம் எடுத்தபோது அந்த வாயில் வழியாக இரண்டு பர்தா பெண்கள் வருவதுபோன்ற காட்சி படத்தில் வந்திருந்தது. விஜயபாரதத்தில் அந்த படத்தைதான் அட்டைப் படமாக போட்டிருந்தோம்.

இப்படிப்பட்ட சக்கராப்பள்ளியில் அப்துல் ரசாக் ஜானி என்பவர் ரஜ்யா கிளினிக் என்ற பெயரில் மருத்துவமனை ஒன்றை நடத்தி வருகிறார். இந்த மருத்துவமனையில் பாபநாசம் அருகே உள்ள பசுபதி கோவில் கிராமத்தைச் சேர்ந்த கலைச்செல்வன் - சித்ரா தம்பதியரின் மகள்கள் லோகேஸ்வரி(22), அம்பிகா(20), ஷர்மிளா(19) மற்றும் அய்யம்பேட்டையைச் சேர்ந்த கார் டிரைவர் முருகானந்தத்தின் மகள் கலைச்செல்வி(20) ஆகிய நான்கு இளம் பெண்கள் வேலை பார்த்து வந்தனர். சில நாட்களுக்கு முன்பு இந்த நான்கு இளம்பெண்களும் நாங்கள் முஸ்லிம் மதத்திற்கு மாறிவிட்டோம் என்று கூற அவர்களது பெற்றோர்களும், ஊர் மக்களும் அதிர்ச்சி அடைந்தார்கள். இந்த துயரத்தை தாங்க முடியாமல் சில நாட்களுக்கு முன்பு தஞ்சை - கும்பகோணம் நெடுஞ்சாலையில் உள்ள அய்யம்பேட்டையில் கடையடைப்பு நடத்தி ஊர் மக்கள் தங்கள் எதிர்ப்பை தெரிவித்தார்கள்.

இதனால் பிரச்சினை பெரிதாவதை உணர்ந்த தமிழ்நாடு தவ்ஹித் ஜமாத் அமைப்பினர் அந்த நான்கு இளம் பெண்களையும் சென்னை மண்ணடியில் உள்ள தங்கள் தலைமை அலுவலகத்திற்கு அழைத்து வந்து தங்க வைத்துள்ளனர். நேற்று(13-11-2007) இந்த நான்கு பெண்களின் பெயரையும் சுபையா(லோகேஸ்வரி), அப்ரிதா(அம்பிகா), சாமிளா(ஷர்மிளா), சாகிரா(கலைச்செல்வி) என மாற்றி பர்தா அணிவித்து சென்னை கமிஷனர் அலுவலகத்திற்கு அழைத்து வந்து புகார் கொடுக்க வைத்துள்ளனர்.

நாங்கள் 18 வயதை கடந்து விட்டோம். பிளஸ் டூ வரை படித்துள்ளோம். எங்கள் விருப்பப்படி வாழ எங்களுக்கு உரிமை உள்ளது. இஸ்லாமிய மார்க்கத்தின் அடிப்படை கல்வியை கற்பதற்காக நாங்கள் சென்னை வந்துள்ளோம். நாங்கள் முஸ்லிம் வாலிபர்களைத்தான் திருமணம் செய்து கொள்வோம் என்று கூறியதாக பத்திரிகைகளில் செய்தி வந்துள்ளது.
இந்தச் சம்பவம் பற்றிய செய்திகளை நான் சேகரித்து வருகிறேன். கிடைத்ததும் முழு விரங்களை இங்கே வெளியிடுகிறேன்.

சக்கராப்பள்ளில் உள்ள 1,500 ஆண்டுகள் பழமையான சக்ரவாகேஸ்வரர் கோயில் நுழைவு வாயில்

தஞ்சை பகுதிகளில் இஸ்லாமியர்களின் ஆதிக்கம் நிலைபெற்று இருப்பதால் இந்து பெண்களை வசியப்படுத்தி முஸ்லிமாக மாற்றும் செயல் அதிகரித்து வருகிறது. நிறம் மாறும் தமிழகம் என்ற தலைப்பில் நான் எழுதிய கட்டுரைத் தொகுப்பில் இது போன்ற சில சம்பவங்களை குறிப்பிட்டிருந்தேன். இதுபோல பல சம்பவங்கள் நடந்தாலும் ஒரு சில மட்டுமே வெளி உலகத்திற்கு வருகிறது. அப்படி வந்த ஒரு சம்பவமே இது.

குமுதம் இதழில் படித்ததும் கிழித்ததும் என்ற தலைப்பில் எழுதி வரும் பாமரன் கோவையில் இந்து - முஸ்லிம் கலப்பு திருமணங்கள் அதிகரித்து வருவதாக மகிழ்ச்சியுடன் எழுதி உள்ளார். இதனால் நாம் கோவையில் ஒரு ஆய்வை நடத்த வேண்டும்.

இந்த நான்கு பெண்களும் இஸ்லாமிய மார்க்கத்தின் அடிப்படை கல்வியை கற்பதற்காகத்தான் சென்னை வந்துள்ளோம் என்று கூறி இஸ்லாமிய மார்க்கம் பற்றி தங்களுக்கு எதுவும் தெரியாது என்பதை தெளிவுபடுத்தி உள்ளனர். இதன் மூலம் அவர்கள் மதம் மாறவில்லை மதம் மாற்றப்பட்டுள்ளனர் என்பது உறுதியாகிறது. ஹிந்துப் பெற்றோர்கள் தங்கள் பெண் குழந்தைகளை கவனமாக பார்த்துக் கொள்வது ஒன்றுதான் இது போன்ற பிரச்சினைகளை எதிர்கொள்ள இப்போதைக்கு உள்ள ஒரே வழி.

இஸ்லாமிய மயமாகி வரும் கவிரி டெல்டா பற்றி எனது பதிவில் உள்ள கட்டுரைகளுக்கான லிங்க்

http://puduvaisaravanan.blogspot.com/2006/12/blog-post_6398.html

http://puduvaisaravanan.blogspot.com/2006/12/blog-post_3606.html

http://puduvaisaravanan.blogspot.com/2006/12/blog-post_1764.html

தம்மம்பட்டி போலீஸ் அராஜகத்தால் பாதிக்கப்பட்ட சிலரின் அதிர்ச்சி வாக்குமூலங்கள்!

2007-11-02T05:01:00.000-08:00

தம்மம்பட்டியில் நாமக்கல் எஸ்.பி ஜான் நிக்கல்சன் உள்ளிட்ட சில போலீஸ் அதிகாரிகளால் திட்டமிட்டு நடத்தப்பட்ட தடியடிக்கு பிறகு போலீசார் 500க்கும் அதிகமான பொதுமக்கள் மீது சட்டப் பிரிவு 307(கொலை முயற்சி) உள்ளிட்ட பல பிரிவுகளின் வழக்கு பதிவு செய்தனர். இவர்களில் 150க்கும் அதிகமானவர்களை இரவோடு இரவாக கைது செய்தனர். இவர்களை சமீபத்தில் நாங்கள் சந்தித்தோம். போலீசாரால் கொலை முயற்சி வழக்கில் கைது செய்யப்பட்டிருப்பவர்கள் இந்தச் சம்பவத்திற்கு துளியும் சம்மந்தம் இல்லாதவர்கள். என்ன நடந்தது என்பதை இதுவரைகூட அறிய முடியாத அப்பாவிகள் என்பதை அறிந்து அதிர்ச்சி அடைந்தோம்.

தம்மம்படடியைச் சேர்ந்த பலர் ஆத்தூரில் தங்கி அங்குள்ள காவல் நிலையத்தில் கையெழுத்துப் போட்டு வருகின்றனர். எந்தத் தவறும் செய்யாத அவர்கள் தாங்கள் பிறந்து வளர்ந்த தம்மம்பட்டிக்கு செல்ல முடியாமல் 15 கி.மீ தொலைவில் உள்ள ஆத்தூரில் தங்கியிருக்கின்றனர். இவர்களில் பலர் கூலி வேலை செய்து பிழைப்பு நடத்துவபர்கள். மாணவர்களைக்கூட போலீசார் விட்டுவைக்கவில்லை. இரண்டு பிளஸ்-டூ மாணவர்களையும் கைது செய்திருக்கிறார்கள்.

இதோ அவர்களில் சிலரின் வாக்குமூலங்கள். கேட்கும்போதே அதிர்ச்சியை வரவழைக்கிறது.

வி.பாலாஜி, தனியார் நிறுவன ஊழியர்

நான் என்ன பாவம் செய்தேன்?

"எனது சொந்த ஊர் தம்மம்பட்டி. புதுச்சேரியில் ஒரு தனியார் நிறுவனத்தில் பணியாற்றி வருகிறேன். கடந்த ஓர் ஆண்டாக நான் தம்மம்பட்டிக்கு வரவே இல்லை. விநாயகர் சதுர்த்தி சம்பவங்கள் தொடர்பாக அங்கே பிரச்சினைகள் நடந்தபோதும் நான் தம்மம்பட்டியில் இல்லை. ஆனால் என் மீது 307 உள்ளிட்ட எட்டுப் பிரிவுகளில் வழக்கு தொடர்ந்துள்ளனர். இதனால் இப்போது நான் ஆயிரக்கணக்கில் செலவு செய்து முன் ஜாமீன் பெற்றுள்ளேன். வேலைக்கும் செல்ல முடியவில்லை. நான் என்ன பாவம் செய்தேன். என்னை ஏன் இப்படி வதைக்கிறார்கள்?"

சி.துரை, வைத்தியர்

இப்படி கூட கொடுமை நடக்குங்களா?

"நான் திருச்சி மாவட்டம் துறையூர் அருகே உள்ள கொப்பம்பட்டியைச் சேர்ந்தவன். அங்கு `கிருஷ்ணா எலும்பு முறிவு வைத்திய சாலை' என்ற பெயரில் எலும்பு முறிவு வைத்தியசாலை வைத்துள்ளேன். 17-09-2007 தம்மம்பட்டிக்கு எலும்பு முறிவுக்கு சிகிச்சை அளிக்க வந்தபோது என்னை போலீசார் கைது செய்து சிறையில் அடைத்து விட்டனர். எதற்காக கைது செய்கிறார்கள் என்பது கூட தெரியாமல் வீட்டிற்குகூட தகவல் சொல்ல முடியாமல் நான் பட்ட அவஸ்தை இருக்கிறதே. ஆண்டவா இது போன்ற துயரத்தை யாருக்கும் கொடுத்து விடாதே. இப்போதுகூட நான் வீட்டிற்கு செல்ல முடியாமல் ஆத்தூரில் தங்கி போலீஸ் ஸ்டேசனில் தினமும் கையெழுத்திட்டு வருகிறேன். இப்படி கூட கொடுமை நடக்குங்களா?"

ஜி.ஜெயக்குமார், காய்கறி வியபாரி

நான் யார கொல செஞ்சேன்?

"ஆத்தூர் அருகே உள்ள கீரிப்பட்டிதான் எனது சொந்த ஊர். விவசாய நிலத்தை குத்தகைக்கு எடுத்து காய்கறி பயிரிட்டு வருகிறேன். சம்பவத்தன்று தக்காளி விற்பதற்காக சைக்கிளில் தம்மம்பட்டி வந்தபோது போலீசார் என்னையும் போலீஸ் ஜீப்பில் ஏற்றினார்கள். என்ன ஏது விசாரிக்ககூட அனுமதிக்க வில்லை. ஏருடா நாயே என்று ஆபாசமாத திட்டினார்கள். இப்போ என் மீது கொல கேசு என்கிறார்கள். நான் யார கொல செஞ்சேன்? என் மீது எதுக்கு கேசு. என்ன அநியாயம் சார்?"

பி.முனியப்பன், கட்டட மேஸ்திரி

என்ன நடக்குது இங்கே?

"நான் கட்ட மேஸ்திரி. செப்.17ந் தேதி கட்டடம் கட்டும் வேலைக்காக வந்தபோது என்னையும் கைது செய்து விட்டார்கள். என்ன நடந்தது என்பது இதுவரைக்கும் எனக்கு புரியவில்லை. இப்போ எனக்கு வருமானமும் இல்லை. சாப்பாட்டுக்கே கஷ்டப்படறோம்."

விஸ்வநாதன், 76 வயது முதியவர்.

நாம சனநாயக நாட்லதான் இருக்கோமா சார்?

தம்மம்பட்டி கன்னிகாபரமேஸ்வரி கோயிலுக்கு எதிரே கடந்த 5 ஆண்டுகளாக விநாயகர் சிலை வைத்து வரும் நாகராஜனின் தந்தை விஸ்வநாதனுக்கு 76 வயதாகி விட்டது. நடப்பதே கடினம். அவரையும் போலீஸ் விட்டுவைக்கவில்லை. நாகராஜனுக்கு நவம்பரில் திருமணம் நிச்சயிக்கப்பட்டுள்ளது. நாகராஜன் மசூதிக்கு எதிரே ஸ்டேஷனரி கடை வைத்துள்ளார். இவரது கடையில் முஸ்லிம்கள் பொருட்கள் வாங்கக்கூடாது என்று மசூதி ஒலி பெருக்கியில் அறிவித்தார்கள் என்பது குறிப்பிடத்தக்கது.

"எனக்கு 76 வயசாகுது. மூட்டு வலி. நடக்கறதே கஷ்டம். 17ந் தேதி வீட்டில் இருந்த போது என் மகன் நாகராஜனை விசாரிச்சுகிட்டு சில போலீஸ்காரங்க வந்தாங்க. அவன் வீட்ல இல்ல கல்யான வேலையை போயிருக்கான்னு சொன்னேன். அப்ப நீ வாடான்னு சொல்லி என்னை இழுத்துகிட்டு போயி போலீஸ் ஜீப்பில் ஏற்றினார்கள். அப்புறம்தான் என்னை கைது செஞ்சுட்டதா சொன்னாங்க. என் மவன் நாகராஜனுக்கு வர்ற மாசம் கல்யாணம். ஆனா நான் ஊருக்குள் நுழையக் கூடாதாம். இப்போ ஆத்தூரில் தங்கிட்டு தினமும் கையெழுத்து போட்டு வர்றேன். நடக்கவே முடியாத என் மேல கொல கேசு. நாம சனநாயக நாட்லதான் இருக்கோமா சார்?"

சி.சுகுமார், சி.சுரேஷ், சலவைத் தொழிலாளி எஸ்.சின்னையாவின் மகன்கள்

என்னடி உன் பையன்களுக்கு ரெண்டு ........ இருக்கா?

" எங்கப்பா சலவைத் தொழில் செய்யறார். எங்களுக்கும் அந்த வேலதான். தம்மம்பட்டி போலீஸ் ஸ்டேஷன்ல ஏட்டா இருக்கற அப்துல் கரீம் எங்கட்டதான் துணி வெளுக்க கொடுப்பாரு. ஆனா காசு கொடுக்க மாட்டாரு. கேட்டா ஏண்டா என்கிட்டயே காசு கேட்கிறியான்னு திட்டுவாரு. அதனால எங்கப்பா பயந்துட்டு கேட்க மாட்டாரு. ஆனா நாங்க ரெண்டு பேரும் கேட்போம். 17ம் தேதி அப்துல் துணி வாங்க வந்தாரு. காசு கேட்டோம். என்னடா கொழுப்பா? எங்கிட்டேயே காசு கேட்கிறீங்களா? உங்கள ஒரு கை பாத்துக்கிறேன்னு சொல்லிட்டு போயிட்டார்.

அதன் பிறகு எங்க வீட்டுக்கு போலீஸ் வந்து எங்க ரெண்டு பேரையும் கேட்டுருங்காங்க. நாங்க இல்லைன்னதும் எங்கப்பாவை கூட்டிட்டுப்போய் உள்ள தள்ளிட்டாங்க. இப்போ எங்க மேலயும் கொல கேசு போட்டிருங்காங்க. இப்ப நாங்க வேலையும் செய்ய முடியல. தம்மம்மட்டி போலீஸ் ஸ்டேஷன்ல ஏட்ட இருக்கிற சுந்தரமும், அப்துல் கரீமும் எங்க வீட்ல போயி எங்கம்மா கிட்ட என்னடி உன் பையன்களுக்கு ரெண்டு ........ இருக்கான்னு ஆபாசமா பேசியிருக்காங்க. நாங்க வீட்டுக்கு போன் பண்ணுனா அம்மா இத சொல்லி அழறாங்க சார்?"

ஷ்ரீராம், புரோகிதர்

எஸ்.பியே கொன்னுடுவேன்னு மிரட்டினா நாங்க என்ன பண்ண முடியும் சார்?

"நாங்க தம்மம்பட்டியில புரோகிதம் செஞ்சுட்டு வர்றோம். நாமக்கல் எஸ்.பி நிக்கல்சனும். சேலம் எஸ்.பி பாஸ்கரும் என்ன கூப்பிட்டு விநாயகர் சிலைக்கு பூஜை செய்ய சொன்னார். ஊர் கட்டுப்பாடு சார் பண்ண முடியாதுன்னு சொன்னேன். ஒழுங்கா பூஜ பண்ணு. இல்லைன்னா என்கவுன்டர்ல போட்டுருவேன்னு மிரட்டினார். "விநாயகர் சிலை வைத்தவர்கள் எல்லாம் தலைமறைவாகி விட்டார்கள். எனவே தம்மம்பட்டி கடை வீதியில் இருக்கும் நாங்கள் முறைப்படி பூஜைகள் செய்து விசர்ஜனம் செய்தோம்" அப்படின்னு எழுதி கையெழுத்து வாங்கிட்டார். எஸ்.பியே கொன்னுடுவேன்னு மிரட்டினா நாங்க என்ன பண்ண முடியும் சார்?"

ஆர். பூபாலசுந்தர், பூஜாரி

ஏறுடா நாயே?

"எங்கப்பா கந்தையா 13 வருஷமா தம்மம்பட்டி போலீஸ் ஸ்டேஷன்ல இருக்கிற விநாயகர் கோயில்ல பூஜ பண்ணிகிட்டு வர்றார். நானும் பூஜை செய்வேன். ஆவணி கடைசில அந்த கோயிலுக்கு கும்பாபிஷேகம் நடக்க இருந்தது. அதுக்கு பொருட்கள் வாங்க நான் கட வீதிக்கு வந்தப்போ என்னையும் புடிச்சு உள்ள தள்ளிட்டாங்க. அய்யா நான் போலீஸ் ஸ்டேஷன் கோயில் பூஜாரின்னு சொல்லியும் கேட்காமா வாயா மூடுடா நாயேன்னு சொல்லி என் மேலயும் கொல கேசு போட்டுட்டாங்க சார்"

அசோக்குமார், மளிகைக் கடைக்காரர்

500ல் ஒருவனாக வேண்டுமா?

நாங்கள் தனம் மளிகை என்ற பெயரில் தம்மம்ப்ங்டடியில் மளிகை கடை நடத்துகிறோம். ஏட்டு அப்துல் கரீம் எங்கள் கடையில் ரூ 20,000க்கும் அதிகமாக மளிகை சாமான்கள் வாங்கினார். ஆனால் பணம் கொடுக்கவில்லை. பணம் கேட்டபோது 500ல் ஒருவனாக வேண்டுமா? என மிரட்டினார்.(போலீசார் 500 பேரை தேடப்படும் குற்றவாளிகளாக அறிவித்துள்ளனர்) அதன் பிறகு காலைக் கதிர் நாளிதழில் மளிகை கடைக்கு பணம் தராமல் போலீசார் மிரட்டுவது பற்றி செய்தி வந்தது. நீ தான் செய்தி கொடுத்தாயா? என்ற எல்லா கடைக்காரர்களையும் மிரட்டி வருகின்றனர்.

சண்முகம், வீடியோ கடை உரிமையாளர்

எஸ்.பியே வரம்பு மீறி நடக்கலாமா?

நான் தம்மம்பட்டியில் வீடியோ கடை வைத்துள்ளேன். தம்மம்பட்டியில் செப்டம்பர் 15 முதல் 17ம் தேதி நடந்த எல்லாவற்றையும் என் வீடியோ கேமராவில் பதிவு செய்து வந்தேன். ஊர் பெரியவர்கள் எல்லாவற்றையும் ரெக்கார்டு பண்ண சொன்னதால் நான் என் தொழிலை செய்தேன். இதில் போலீசாரின் அராஜகங்கள் முழுக்க பதிவாகி இருந்தது. 17ம் தேதி நாமக்கல் எஸ்.பி ஜான் நிக்கசல்சன் என்னிடம் வீடியோ கேசட்டை கொடு ஒரு காப்பி போட்டுவிட்டு தருகிறேன் என்றார். சார் என்னிடம் கம்ப்பியூட்டர் உள்ளது. உங்களுக்கு நானே ஒரு காப்பி தருகிறேன் என்றேன். இல்லை நான் போட்டுக் கொள்கிறேன். கேசட்டைக் கொடு என்று ஊனமுற்றவனான என்னிடமிருந்து வலுக்கட்டாயமாக கேசட்டை பறித்துக் கொண்டார். ஒரு எஸ்.பியே வரம்பு மீறி நடக்கலாமா?

அப்பாவி இளைஞர்களை அடித்து துவைத்த போலீசார்

ஒரு மாதத்திற்கு பிறகும் வடியாமல் இருக்கும் வீக்கத்தை காட்டுகிறார் கே.ஜீவானந்தம்

போலீசாரால் கண்மூடித்தனமாக தாக்கப்பட்ட கே. ஜீவானந்தம் மற்றும் கே.என்.சரவணன்

போலீசார் பல எதற்காக எங்களை கைது செய்தீர்கள் என்று கேட்ட பல இளைஞர்களை அடித்து துவைத்திருக்கிறார்கள். நாங்கள் பாதிக்கப்பட்டவர்களை ஆத்தூரில் சந்தித்து உரையாடியபோது மீன் கடை வைத்திருக்கும் கே. ஜீவானந்தம், டிரைவராக இருக்கும் கே.என். சண்முகம் ஆகியோர் போலீசார் தாக்கி ஒரு மாதத்திற்கு பிறகும் மறையாமல் இருக்கும் தடித்து வீங்கியிருக்கும் பகுதியை காட்டினார்கள். இத்தனைக்கும் இவர்களுக்கு அன்று என்ன நடந்தது என்பதே தெரியாது. தான் உண்டு வேலை உண்டு இருந்தவர்களுக்கு தான் இந்த கதி. போலீசாரின் அப்பட்டமான மனித உரிமை மீறல்களுக்கு சிறந்த உதாரணம் தம்மம்பட்டி. ஆனால் இதற்கு எந்த மனித உரிமை அமைப்புகளும் கண்டனம் தெரிவிக்கவில்லை. ஒருவேளை இந்துக்கள் பாதிக்கப்பட்டால் அது மனித உரிமை இல்லை என்று தீர்மானம் போட்டு விட்டார்களா?

தென்னிந்தியாவில் பா.ஜ.க. ஆட்சி : முதலா? கடைசியா?

2007-10-27T22:47:00.000-08:00

கர்நாடக அரசியலில் மீண்டும் பெரும் திருப்பம் ஏற்பட்டுள்ளது. மதச்சார்பற்ற ஜனதாதள கட்சியின் முக்கிய தலைவர்களில் ஒருவரான பிரகாஷ் (குமாரசாமி அமைச்சரவையில் உள்துறை அமைச்சராக இருந்தவர்) டில்லியில் காங்கிரஸ் கட்சியின் தலைவர்களை சந்தித்து பேசியதும் தேவகவுடாவுக்கு உதறல் எடுக்க ஆரம்பித்து விட்டது. பிரகாஷ் காங்கிரஸ் ஆதரவுடன் முதல்வராகிவிட்டால் தான் கர்நாடகத்தில் செல்லாக்காசாகி விடுவோம் என்ற பயத்தில் இப்போது பா.ஜ.கவிடம் அடைக்கலமாகி இருக்கிறார் துரோகத்திற்து பெயர் பெற்ற தேவகவுடா.

பா.ஜ.க ஆட்சி அமைப்பதற்கான ஆதரவு கடிதத்தை கவர்னரிடம் கொடுத்து கவர்னர் மாளிகைக்கு வெளியே போஸ் கொடுக்கும் குமாரசாமி

குமாரசாமி ஒப்பந்தப்படி அக்டோபர் 3-ம் தேதி பா.ஜ.கவிடம் ஆட்சியை ஓப்படைத்திருக்க வேண்டும். ஆனால் எப்படியாவது காங்கிரஸ் தயவில் ஆட்சியைத் தெடரலாம் என்ற நப்பாசையில் ஆட்சியை ஒப்படைக்க மறுத்து விட்டார். காங்கிரஸ் கட்சிக்கு ஏற்கனவே தேவகவுடாவின் துரோக அரசியலால் பாதிக்கப்பட்ட அனுவபம் இருந்ததால் குமாரசாமிக்கு கைகொடுக்கவில்லை. பா.ஜ.கவிடம் ஆட்சியை ஒப்படைக்காததால் குமாரசாமியின் இமேஜ் சரிந்து துரோகத்திற்கு ஓர் உதாரணமாய் அவர் சரித்திரத்தில் இடம்பெற்றார். இதனால் பா.ஜ.கவின் செல்வாக்கு உயர்ந்தது. கர்நாடக அரசியல் பல ஆண்டுகளாகவே ஜாதி அரசியலாக மாறிப்போனது. லிங்காயத்து சமூகத்தைச் சேர்ந்த எடியூரப்பா முதல்வராவதை தடுத்தவிட்டார் என்பதால் லிங்காயத்து மக்கள் தேவகவுடாவையும். குமாரசாமியையும் துரோகியைப்போல பார்க்க ஆரம்பித்தனர். இதனால் லிங்காயத்து சமூகமே பா.ஜ.க பக்கம் திரும்பியது.

ஆட்சி அமைக்க அழைப்பு விடுக்குமாறு கவர்னரிடம் கோரிக்கை விடுத்து திரும்பும் பா.ஜ.க தலைவர்கள்

தங்களை ஆட்சி அமைக்க அழைக்குமாறு பிரதமரிடம் முறையிட்டுவிட்டு திரும்பும் பா.ஜ.க தலைவர்கள்.(31-10-2007)

இப்போது எல்லாம் தலைகீழாக மாறியிருக்கிறது. தன் கட்சியை காப்பாற்றிக் கொள்வதற்காக தேவகவுடாவும், குமாரசாமியும் நடத்தும் நாடகத்திற்கு பா.ஜ.க உடன்பட்டதன் மூலம் பா.ஜ.க தனக்கிருந்த மரியாதையை இழக்கப்போகிறது. எடியூரப்பா தலைமையில் பா.ஜ.க அரசு அமைந்தால் தென்னகத்தில் முதன்முதலாக ஆட்சியை பிடித்த பெருமை பா.ஜ.கவுக்கு கிடைக்கும். தென்னிந்தியாவின் முதல் பா.ஜ.க முதல்வர் என்ற பெருமை எடியூரப்பாவுக்கு கிடைக்கும். ஆனால் இந்த முதல் பெருமையே இறுதியான பெருமையாக இருந்து விடக்கூடாதே.

வேறுவழியில்லாமல் போனபிறகு ஆதரவு கொடுக்க முன்வந்த தேவுகவுடா மற்றும் குமாரசாமியின் ஆதரவை பா.ஜ.க ஏற்றிருக்க கூடாது. அப்படி ஏற்க மறுத்திருந்தால் தேர்தல் வந்திருக்கும். தேர்தலில் பா.ஜ.க தனித்து ஆட்சியை பிடித்திருக்கும். ஆனால் முன்பு ஒரு முறை எடியூரப்பா பா.ஜ.கவை உடைத்துக் கொண்டு வெளியேற தயாராக இருந்ததை மறந்துவிட முடியாது. பா.ஜ.க மேலிடம் ஒருவேளை தேவகவுடாவின் ஆதரவை நிராகரித்திருந்தால் எடியூரப்பா தனி ஆவர்த்தனம் பாடியிருந்தாலும் பாடியிருப்பார். தேவகவுடாவின் ஆதரவோடு ஆட்சி அமைவது எடியூரப்பாவுக்கு நல்லது. பா.ஜ.கவுக்கு நல்லதல்ல. இதனால் பா.ஜகவின் எதிர்காலம் நிச்சயம் பாதிக்கப்படும்.

தம்மம்பட்டி : தடியடிக்காக நாமக்கல் எஸ்.பி ஜான் நிக்கல்சன் நடத்திய நாடகம்!

2007-10-26T00:58:00.000-08:00

தம்மம்பட்டி பேருந்து நிலையம் எதிரில் அமானுல்லாகான் என்பவர் ஷ்ரீ வெங்கடேஸ்வரா என்ற பெயரில் அசைவ ஹோட்டல் நடத்தி வருகிறார். சில ஆண்டுகளுக்கு முன்பு ஹிந்து ஒருவரிடம் இருந்து இந்த ஹோட்டலை வாங்கிய அமானுல்லாகான் பெயரை மட்டும் மாற்றவில்லை. அதோடு இந்த ஹோட்டலின் கல்லாபெட்டிக்கு பின்பு திருப்பதி வெங்கடாஜலபதி படமும் உள்ளது. ஆனாலும் இதனை ஊள்ளூர் ஹிந்துக்கள் பெரிதாக எடுத்துக்கொள்ளவில்லை. தம்மம்பட்டியில் விநாயகர் சதுர்த்திக்கு(15-09-2007) இரு வாரங்களுக்கு முன்புதான் `தமிழ்நாடு முஸ்லிம் முன்னேற்றக் கழகம்'(த.மு.மு.க) ஆரம்பிக்கப்பட்டது. ஷ்ரீ வெங்கடேஸ்வரா ஹோட்டலின் உரிமையாளர் அமானுல்லாகானின் மகன் சம்சுதீன் தான் தம்மம்பட்டி த.மு.மு.க கிளையின் தலைவர்.

தம்மம்பட்டி கன்னிகாபரமேஸ்வரி வாசவி மஹாலுக்கு எதிரே விநாயகர் சிலையை நாகரஜன் என்பவர் வைத்தபோது மசூதியில் இருந்து மண்வெட்டி வாங்கிதான் சிலை வைக்கும் இடத்தை சீரமைத்திருக்கிறார். அந்த அளவுக்கு இணக்கமாக இருந்த முஸ்லிம்களை தூண்டிவிட்டு பிரச்சினை செய்தவர்களில் சம்சுதீன் முக்கியமானவர். காங்கிரஸ் கட்சியின் பேச்சாளரும் தம்மம்பட்டி ஜாமியா மஸ்ஜித்தின் முன்னாள் முத்தவல்லியுமான கே.ஏ.ஜப்பாரின் மகன் ஜாபர் சாதிக் அலியும், சம்சுதீனும்தான் மசூதி ஒலிபெருக்கியில் இருந்து, "மானமுள்ள முஸ்லிம்களே வீதிக்கு வாருங்கள்..." என்று அழைப்பு விடுத்தவர்கள். ஜாபர் சாதிக் அலி தம்மம்பட்டி கூட்டுறவு வீடு கட்டும் சங்கத்தின் செயலாளராக இருக்கிறார்.

கன்னிகாபரமேஸ்வரி கோவிலையொட்டி கட்டப்பட்டுள்ள மசூதி( கோயில் 300 ஆண்டுகள் பழமையானது, மசூதி 50 ஆண்டுகளுக்கு முன்புதான் கட்டப்பட்டது)

விநாயகர் சிலையைப் பார்த்தால் வயிறு எரிகிறது

விநாயகர் சிலையை அகற்றக்கோரி முஸ்லிம்கள் சாலை மறியல் செய்ததும் ஹிந்து - முஸ்லிம் இரு தரப்பினருக்கிடையே பேச்சு வார்த்தை நடந்தது. இந்த பேச்சுவார்த்தையில் த.மு.மு.க தலைவர் சம்சுதீனும், தம்மம்பட்டி கூட்டுறவு வீடுகட்டும் சங்கத்தின் செயலாளர் ஜாபர் சாதிக் அலியும் பங்கேற்றனர். இவ்விருவரும்தான் "நாங்கள் தொழுகை முடித்து வரும்போது விநாயகர் சிலையை பார்த்தால் வயிறு எரிகிறது" என்று கூறியிருக்கிறார்கள். விநாயகர் சிலையை பார்த்தால் வயிறு எரிகிறது என்று கூறுபவர் எதற்காக தனது அசைவ ஹோட்டலுக்கு எதற்காக ஷ்ரீ வெங்கடேஸ்வரா என்று ஹிந்து பெயரை வைக்க வேண்டும்? பணம் சம்பாதிப்பதற்கு மட்டும் ஹிந்து கடவுள் வேண்டும். மற்றபடி ஹிந்து கடவுள்களைப் பார்ததால் வயிறு எரிகிறதா? ஷ்ரீ வெங்கடேஸ்வரா என்ற பெயரை உடனடியாக மாற்ற வேண்டும் என்று ஹிந்துக்கள் அவர்களிடம் கொதிப்புடன் கேள்வி எழுப்பி இருக்கிறார்கள். 16-09-2007 அன்று நடந்த 36 ஜாதி சங்கங்களின் பிரதிநிதிகள் பங்றே்ற கூட்டத்திலும் ஷ்ரீ வெங்கடேஸ்வரா என்ற பெயரை மாற்றக்கோரி தீர்மானம் நிறைவேற்றப்பட்டது.

கன்னிகாபரமேஸ்வரி கோவிலும், மசூதியும் அமைந்துள்ள வண்ணாரத் தெரு. (நீண்ட மசூதியின் மேற்கு முனையில் இருந்து எடுக்கப்பட்ட படம். இந்த முனையில்தான் ஓராண்டுக்கு முன்பு மசூதியின் வாயில் இருந்தது)

17-09-2007 அன்று உண்ணாவிரதம் ஹிந்து இளைஞர்களிடம் தம்மம்பட்டி சப் - இன்ஸ்பெக்டர் பழனிவேல் "இதுதான் சரியான சந்தர்ப்பம். ஷ்ரீ வெங்கடேஸ்வரா ஹோட்டல் பெயர்பலகையை அகற்றி விடுங்கள்" என்று உசுப்பி விட்டிருக்கிறார். சப் - இன்ஸ்பெக்டர் இப்படி சொன்னதும் அதன் உள்நோக்கத்தை புரிந்து கொள்ளாமல் கூட்டமாக ஷ்ரீ வெங்கடேஸ்வரா ஹோட்டலை நோக்கி ஓடியிருக்கிறார்கள். இதனால் கூட்டத்தில்
திடீரென தள்ளுமுள்ளு ஏற்பட்டது. உடனே இதற்காவே காத்திருந்த கிறிஸ்தவரான நாமக்கல் எஸ்.பி ஜான் நிக்கல்சன் தடியடி நடத்த உத்திரவிட்டார். உடனே போலீசார் வெறிபிடித்தவர்களைப்போல ஹிந்துக்களை அடித்து நொருக்கினார்கள். இதில் கர்ப்பிணி பெண்கள் உட்பட பல பெண்கள் பலத்த காயமடைந்தனர்.

போலீசாரால் தாக்கப்பட்டு காயமடைந்த தமிழரசி( சுருட்டு சுற்றி பிழைக்கும் இவருக்கு வயதுக்கு வந்த பெண் உட்பட 3 குழந்தைகள் உள்ளனர்)

தம்மம்பட்டியைச்சேர்ந்த ரவி என்பவரின் மனைவி தமிழரசியை போலீசார் அடித்து நொருக்கியதில் அவருக்கு முதுகு மற்றும் விலா பகுதிகளில் பலமான உட்காயம் ஏற்பட்டது. இதனால் அவர் மருத்துவமனையில் பல நாட்கள் சிகிச்சை பெற்றார். தமிழரசி சுருட்டு சுற்றி பிழைப்பு நடத்தி வருபவர். தமிழரசி மீதும் போலீசார் கொலை முயற்சி வழக்கு பதிவு செய்துள்ளனர். இதனால் அவர் முன் ஜாமீன் பெற்று ஆத்தூரில் தங்கி அங்குள்ள காவல்நிலையத்தில் தினமும் கையெழுத்துப்போட்டு வருகிறார். தமிழரசிக்கு வயதுக்கு வந்த ஒரு பெண் உட்பட மூன்று குழந்தைகள் உள்ளனர். தமிழரசியின் கணவர் மாலத்தீவில் இருக்கிறார். இதனால் இவரது குழந்தைகள் மூவரும் தாய், தந்தையைப் பார்க்க முடியாமல் தனியாய் தவித்து வருகின்றனர். ஹிந்துக்கள் மீது தடியடி நடத்த வேண்டும் என்பதற்காக நாமக்கல் எஸ்.பி ஜான் நிக்கல்சன் சப் - இன்ஸ்பெக்டர் பழனிவேல் மூலம் நடத்திய நாடகம் தான் இது. ஜான் நிக்கல்சனின் ஆலோசணையின்படிதான் எஸ்.ஐ பழனிவேல் ஹிந்து இளைஞர்களைத் தூண்டி விட்டார்.

கன்னிகாபரமேஸ்வரி கோயிலுக்கு அருகில் ஓராண்டுக்கு முன்பு மாற்றப்பட்ட மசூதியின் நுழைவு வாயில்.

போலீசார் தடியடி நடத்தி முடிந்ததும் விநாயகர் சிலை முன்பு வைக்கப்பட்டிருந்த தகர தடுப்பை அகற்றச் சென்ற கோட்டாட்சியர் பாஸ்கர பாண்டியன் அங்கு வந்தார். அவரிடம் காரணமில்லாமல் போலீசார் தடியடி நடத்தி கர்ப்பிணி பெண்களை தாக்கியது பற்றி புகார் தெரிவித்தனர். இந்த தடியடிக்கு காரணமானவர்கள் மீது புகார் கொடுங்கள் நடவடிக்கை எடுக்கிறேன் என்று உறுதியளித்தார். இதனால் நம்பிக்கையோடு ஹிந்துக்கள் புகார் மனு எழுதி கொடுத்தனர். ஆனால் அதன்பிறகு போலீசாரின் நடவடிக்கை மோசமாக அமைந்தது. தாங்கள் காரணமில்லாமல் நடத்திய தடியடிக்கு காரணம்தேடி அலைந்தார்கள். தம்மம்பட்டியில் கண்ணுக்கு தென்பட்டவர்களை எல்லாம் கைது செய்தார்கள். சேலத்தில் இருந்த பா.ஜ.க மாநிலப் பொதுச்செயலாளர் ஆடிட்டர் ரமேஷை பேச்சுவார்த்தைக்கு வாருங்கள் என அழைத்து நள்ளிரவில் சட்டப்பிரிவின் 307( கொலை முயற்சி) கீழ் கைது செய்தனர். 500க்கும் அதிகமானோர் மீது 307 பிரிவின் கீழ் வழக்குத் தொடுத்தனர்.

முதல்வர் முத்தமிழ் அறிஞர் கலைஞர் ரசித்த குத்தாட்டம் : சில காட்சிகள்

2007-10-25T23:17:00.000-08:00

முன்பெல்லாம் அரசு விழாக்ககள் தூங்கி வழியும். அரசு அதிகாரிகளும் அமைச்சர்களும் பேசுவார்கள். வேறு வழியின்று இருந்தே ஆக வேண்டும் என்கிற கட்டாயம் இருப்பவர்கள் மட்டுமே அரங்கில் இருப்பார்கள். இதையெல்லாம் சினிமாவுக்கு வசனம் எழுதிய முதல்வர் கருணாநிதி புரிந்து கொண்டார்போலும். இப்போதெல்லாம் அரசு விழாக்களில் நடிகைகளின் குத்தாட்டத்தைப் பார்க்க முடிகிறது. 84 வயது முதல்வரும் இதையெல்லாம் ரசிப்பதால் அமைச்சர்களுக்கும் அதிகாரிகளுக்கும் ஒரே கொண்டாட்டம். அதிகாரப்பூர்வமாகவே குத்தாட்டத்தை ரசிக்கிறார்கள். சமீபத்தில் சென்னையில் நடந்த சினிமா விருது வழங்கும் விழாவில் முதல்வரும் கவர்னரும் ரசித்த சில குத்தாட்டக் காட்சிகளை இங்கே நீங்கள் பார்க்கலாம்.

இதே குத்தாட்ட காட்சிகளை ஹோட்டலிலோ அல்லது தனி இடத்திலோ நடத்தினால் போலீசார் அவர்களை கைது செய்கிறார்கள். ஆபாச நடன அழகிகள் கைது! என்று மறுநாள் பத்திரிகைகளில் செய்தி வருகிறது. ஆனால் பகிரங்கமாக சில ஆயிரம் பேர் கூடியிருக்கும் அரங்கில் கவர்னர், முதல்வர், அமைச்சர்கள் என அதிகார வர்க்கம் முழுவதும் பார்க்க நடந்தால் அது குற்றமில்லையா? இதையெல்லாம் கலைஞரிடம் கேட்டால் சூத்திரன் நடனம் பார்க்க கூடாதா? அதற்கு தானே பெரியாரும் அண்ணாவும் எங்களுக்கு பகுத்தறிவை ஊட்டினார்கள் என்பார்.
நமக்கெதற்கு இதெல்லாம்....

முதல்வரோடு குத்தாட்டத்தை ரசித்தவர்கள்

ஞானிக்கு எதிரான கண்டனக் கூட்டம்

2007-10-23T04:02:00.000-08:00

நேற்று மாலை(20-10-2007) நான் வாணி மஹாலில் பத்திரிகையாளர் ஞாநி எழுதிய `விருப்பப்படி இருக்க விடுங்கள்' என்ற கட்டுரைக்கு கண்டனம் தெரிவித்து நடந்த கண்டனக் கூட்டத்தில் பங்கேற்றேன் . ஆனந்த விகடனில் ஞாநி எழுதிய இந்தக் கட்டுரை பற்றி
ஏற்கனவே மிகப்பெரிய விவாதமே நடந்து முடிந்து விட்டது. அந்த விவாதத்தை படித்த ஆர்வமே என்னவோ எனக்கு அந்த நிகழச்சிக்கு செல்லும் ஆர்வம் ஏற்பட்டது. அழைப்பிதழில் மாலை 6 மணிக்கு நிகழ்ச்சி தொடங்கும் என்று இருந்ததால் நான் மாலை 5.45 மணிக்கு வாணி மஹாலுக்கு சென்று விட்டேன். ஆனால் கூட்டம் திராவிடக் கலாச்சாரத்தை காப்பாற்றும் பொருட்டு தாமதமாக மாலை 6.40க்கு தான் துவங்கியது.

மேடையில்பேச வந்திருந்த பிரபலங்களைவிட பார்வையாளர்களில் வரிசையில் அமர்ந்திருந்த பிரபலங்களின் எண்ணிக்கை அதிகம். இந்தக் கூட்டம் ` தீம்புனல்' என்ற எழுத்தாளர்கள் அமைப்பின் சார்பில் நடப்பதாக அழைப்பிதழில் இருந்தது. மேடையின் பின்னே வைக்கப்பட்டிருந்த திரையிலும் தீம்புனல் என்ற பெயர் இருந்தது.( கம்யூனிஸ்டுகள் எத்தனை அமைப்புகள் வைத்திருக்கிறார்களோ தெரியவில்லை). வாணி மஹாலின் முகப்பில் கம்யூனிஸ்டுகள் கடை பரப்பி இருந்தார்கள். தமிழக பள்ளி கல்வித் துறை அமைச்சர் தங்கம் தென்னரசுவின் தங்கச்சி கவிஞர் தமிழச்சி, இரண்டாம் ஜாமங்களின் நாயகி கவிஞர் சல்மா , விடுதலை சிறுத்தைகள் கட்சியின் எம்.எல்.ஏ ரவிக்குமார், பேராசிரியர் வீ.அரசு , பத்திரிகையாளர், ஏ.எஸ் . பன்னீர்செ்லவம், கவிஞர் கரிகாலன், எழுத்தாளர் இமயம், கவிஞர் அறிவுமதி, ஏ.எஸ்.எஸ் மணி இவர்களைத் தவிர வழக்கம்போல மார்க்ஸ், மகேந்திரன் உள்ளிட்ட பலர் பேசினார்கள்.

மேடைக்குகீழே கலைஞரின் செல்ல மகள் கனிமொழி, அமைச்சர்கள் துரைமுருகன், தங்கம் தென்னரசு , டாக்டர் பூங்கோதை, திரைப்பட இயக்குனர் சீமான், நக்கீரன் இணை ஆசிரியர் காமராஜ், கிழக்கு பதிப்பகம் பத்ரி சேஷாத்ரி , மாஃபா பாண்டியராஜனின் மனைவி லதா ராஜன், தொலைக்காட்சிகளில் அடிக்கடி முகம் காட்டும் பர்வீன் சுல்தானா, சென்னை தூர்தர்ஷனின் செய்தி ஆசிரியர் ஆண்டாள் பிரியதர்ஷினி, கவிஞர் மனுஷ்யபுத்திரன், எழுத்தாளர் பிரபஞ்சன்... என பல பிரபலங்கள் அமர்ந்திருந்தனர்.

மாஃபாபாண்டியராஜனின் மனைவி லதா பாண்டியராஜனும் கனிமொழியும் காட்டிய நெருக்கத்தை பத்திரிகை புகைப்படக்காரர்கள் சுட்டுத் தள்ளினார்கள். கேமரா கண்கள் பட்டதும் அவர்களின் கொஞ்சல் அதிகமாகிப்போனது. அமைச்சர் டாக்டர் பூங்கோதையும் அந்த கொஞ்சலில் இணைந்து கொண்டார்.

நான்கவிஞர் சல்மா பேசிக் கொண்டிருக்கும்போதே நான் எழுந்து வந்து விட்டேன். அதன் பிறகு ஏ.எஸ் .பன்னீர்செல்வம், மகேந்திரன் பேசியிருப்பார்கள் . தான் கவிஞர் என்பதை நினைவு படுத்துவதற்காகவோ என்னவோ தமிழச்சி நன்னூலில் இருந்து சில வரிகளைப் படித்தார். அவ்வப்போது சில ஆங்கில வரிகளையும் உச்சரித்தார்( அப்போதுதான் அறிவு ஜீவி என்று ஏற்றுக் கொள்வார்கள் என்று நினைத்தாரோ என்னவோ)
விடுதலை சிறுத்தைகளின் தமிழ் மண் பத்திரிகையில் `பார்ப்பன வாத்தியார்கள்' என்ற கட்டுரை எழுதிய கவிஞர் அறிவுமதி பேச்சை நிறுத்துங்கள் என்ற துண்டு சீட்டு கொடுத்தும் நிறுத்தாமல் பேசிக் கொண்டிருந்தார். அவரது பார்ப்பன வாத்தியார்கள் கட்டுரை நம் சிந்தனை குழுமத்திலும் விவாதிக்கப்பட்டது நினைவிருக்கும். தனது இந்த கட்டுரை இணையத்தில் பெரிய தாக்கத்தை எற்படுத்தி இருப்பதாக அறிவுமதி பெருமிதப்பட்டுக்கொண்டார். அந்தக் கட்டுரைக்கு வந்த ஆதரவான பதில்களை எல்லாம் அவர் ஒரு புக்லெட்டாக தயாரித்து எடுத்து வந்திருந்தது ஒரு சுவாரஷ்யம். இனி எங்களுக்கு கவலை இல்லை. பெரியாரின் பிள்ளைகள் இணையத்திலும் போர் தொடுக்க ஆரம்பித்து விட்டார்கள். ஞாநி போன்ற பாப்பான்களுக்கு சவால் விட ஆரம்பித்து விட்டார்கள். அறிவை அறிவால் வெல்ல ஆரம்பித்து விட்டார்கள் என்று பேசிக் கொண்டே இருந்தார்.

பெரியார்பிராமணர்களை எதிர்த்ததால் அவர்கள் மயிலாப்பூர், மாம்பலம் என்று குடியேறி விட்டார்கள். இன்று பிராமணர்கள் நகரங்களில் வசதியான வாழ்க்கை வாழ்வதற்கு பெரியார்தான் காரணம் என்று ஒரு அரிய கண்டுபிடிப்பையு்ம அவர் வெளியிட்டார்.
மார்க்ஸ்பேசும்போது பெரியார் பெண் பித்தர் என்று காலச்சுவடு பத்திரிகையில் கட்டுரை எழுதினார்கள் என்று மேடையில் இருந்த எம்.எல்.ஏ ரவிக்குமாரை குறிவைத்து பேசினார்.( பெரியார் பெண்களுக்கு எதிரி என்று காலச்சுவட்டிலும், தமிழ் மண்ணிலும் கட்டுரை எழுதியவர் ரவிக்குமார் தான்) காலச்சுவடு பத்திரிகையின் ஆசிரியர் குழுவில் இருப்பவர்களில் மூன்று பேர் இங்கே இருக்கிறார்கள் . அவர்கள் ஏன் இதனை எதிர்க்கவில்லை.( கனிமொழி, சல்மா, ரவிக்குமார் ஆகியோர்தான் அந்த மூவர் ) ஞாநிக்குள் ஒளிந்திருக்கும் சோவை 6 ஆண்டுகளுக்கு முன்பே தான் கண்டுபிடித்து விட்டதாக அவர் அறிவிக்க சிலர் கைதட்டினார்கள்.

ஒருபத்திரிகையாளர் எழுதிய கட்டுரைக்கு மாநிலத்தில் உள்ள பிரபலங்கள் எல்லாம்கூடி ஒரு கண்டனக் கூட்டத்தை நடத்துவதுவதைவிட அந்த எழுத்தாளருக்கு பெரிய அங்கீகாரத்தை யாரும் கொடுத்துவிட முடியாது . அந்த வகையில் ஞாநி கொடுத்து வைத்தவர். கூட்டத்தில் பேசியவர்களில் கவிஞர் தமிழச்சி மட்டுமே நரேந்திர மோடியின் பெயரை உச்சரித்தார். இப்போதெல்லாம் மோடியின் பெயரை உச்சரிக்கமால் நம் நாட்டில் எந்தக்க கூட்டமும் நடப்பதில்லை . இங்கு அந்தக் குறையை போக்கிய தமிழச்சிக்கு நாம் நன்றி கூற கடமைப் பட்டிருக்கிறோம் . இந்தக் கூட்டத்திற்கு சென்று வந்த பிறகு எனக்கு ஒரு கவலை ஏற்பட்டிருக்கிறது. தமிழகத்தில் பேச்சாளர்கள் இல்லாமல் போய்விட்டார்களே என்ற கவலைதான் அது .

ஜெயலலிதா - சு.சுவாமி சந்திப்பு : தமிழக அரசியலில் மாற்றம் வருமா?

2007-10-23T03:49:00.001-08:00

சுப்பிரமணியசுவாமி இந்திய அரசியலில் நீண்ட காலமாக ஒரு அதிர்வை ஏற்படுத்தி வருபவர். அவர் சொல்லும் பல விஷயங்கள் நம்ப முடியாதவையாக இருக்கும். கடந்த 2006 மார்ச்சில் ஈரோட்டில் விஸ்வ ஹிந்து பரிஷத் மாநாடு நடந்தபோது அதற்கு சு.சுவாமி வந்திருந்தார். அவர் தங்கியிருந்த வீட்டில் விஜயபாரதத்திற்காக அவரைச் சந்தித்தேன். அப்போது ஆர்.எஸ்.எஸ்ஸின் இரண்டாவது தலைவர் ஷ்ரீகுருஜி கோல்வல்கரின் நூற்றாண்டு விழாவையொட்டி இந்த மாநாடு நடக்கிறது. உங்களுக்கு ஷ்ரீகுருஜி கோல்வல்கர் பற்றி ஏதாவது தெரியுமா? என்று கேட்டேன். என்ன இப்படி கேட்டு விட்டீர்கள்? நானும் ஷ்ரீகுருஜி கோல்வல்கரும் நெருங்கிய நண்பர்கள். அவர் டில்லி வரும்போதெல்லாம் என்னை அழைப்பார். அவருடன்தான் நான் தேநீர் அருந்துவேன் என்றார். இது நடந்தது எந்த வருடத்தில் என்றேன். 1973 என்றார். ஷ்ரீகுருஜி 1973ல் இறந்தார். ஆனால் அந்த வருடம் அவர் டில்லியில் இருந்த நாட்கள் குறைவுதான். சிகிச்சைக்காக அவர் மும்பை மற்றும் நாக்பூரில்தான் இருந்தார். சு.சுவாமி ஷ்ரீகுருஜியை சந்தித்து இருக்கலாம். ஆனால் ஷ்ரீகுருஜியும் நானும் நெருங்கிய நண்பர்கள் என்று சொல்வதெல்லாம் கொஞ்சம் ஓவர்தான். ஆனால் இப்படிகூட பேசாவிட்டால் சு.சுவாமிக்கும் மற்றவர்களுக்கும் வித்தியாசம் இல்லாமல் போய்விடுமே.

1996ல் தி.மு.க மீண்டும் ஆட்சியை பிடித்ததற்கு சு.சுவாமி ஜெயலலிதா மீது தொடர்ந்த வழக்குகள் ஒரு காரணம் என்பது எல்லோரும் அறிந்ததே. ஆனால் அடுத்த ஆண்டே அவர் ஜெயலலிதாவுடன் இணைந்து மதுரையில் வெற்றி பெற்று நாடாளுமன்றத்திற்குள் நுழைந்தார். அப்போது அவருக்கு ஜெயலலிதா மத்திய அமைச்சர் பதவி கேட்க பா.ஜ.க(வாஜ்பாய்) கொடுக்க மறுக்க... ஜெ. தனது சுயத்தை பா.ஜ.கவுக்கு புரிய வைத்த தருணங்கள அவை. அதன்பிறகு சோனியா, ஜெயலலிதா கலந்து கொண்ட ஒரு டீ பார்ட்டி நடத்தி வாஜ்பாய் ஆட்சியை முடிவுக்கு கொண்டு ஜெயலலிதாவுக்கே ஆப்பு சீவியர் சு.சுவாமி. ஜெ.வும் அதை புரிந்து கொண்டார். அதனால்தான் இதுவரை அவர் சு.சுவாமியை அண்ட விடவில்லை. அதன்பிறகு பா.ஜ.க ஆட்சியில் இருந்தவரை சு.சுவாமி பா.ஜ.க எதிர்ப்பு அணியில்தான் இருந்தார். 2004 தீபாவளி இரவு ஜெ. காஞ்சி சங்கராச்சாயாரை கைது செய்ததும் சு.சுவாமி விஸ்வ ஹிந்து பரிஷத்தின் கூட்டங்களில் பங்கேற்க ஆரம்பித்தார். அதன்பிறகு வி.ஹி.பரிஷத் மேடைகளில் சு.சுவாமி தவிர்க்க முடியாத ஓர் நபராகிப்போனார்.

வி.ஹி.பரிஷத் ராமர் பாலம் விவகாரத்தை கையெடுத்ததும் சு.சுவாமி அதற்காக சுப்ரீம் கோர்ட்டில் ஓர் வழக்கைத் தொடுத்து தன் பங்கை ஆற்றத் தொடங்கினார். இந்நிலையில் சு.சுவாமி நேற்று(22-10-2007) போயஸ் தோட்டத்தில் ஜெயலலிதாவைச் சந்தித்துள்ளார். அதே நாளில் ஜெ.வைச் சந்தித்த மற்றொரு பிரபலம் வை.கோ. சு.சுவாமி - ஜெ. சந்திப்பு தமிழக அரசியலில் ஏதாவது மாற்றத்தை ஏற்படுத்துமா? 21-10-2207 தூத்துக்குடியில் ஓரு நிகழ்ச்சியில் பேசிய வருங்கால மத்திய அமைச்சர் கனிமொழி சு.சுவாமி, சோ, ஜெ. ஞாநி ஆகியோர் ஒரு அணியில் திரண்டு விட்டார்கள் என்று பேசியிருப்பது இங்கே கவனிக்கத்தக்கது. மந்திரி பதவி என்ற கற்பக விருட்சத்தை கருணாநிதியாலும், ராமதாசாலும் ஒருபோதும் துறக்க முடியாது. இவர்கள் பதவிக்காக எதையும் துறக்க தயாராக இருப்பதால் சு.சுவாமி - ஜெயலலிதா சந்திப்பு தமிழக அரசியலில் மாற்றம் எதையும் ஏற்படுத்தாது என்றே நினைக்கிறேன். தமிழக அரசியலில் மாற்றம் வர வேண்டுமானால் இரண்டு விஷயங்களில் ஒன்றாவது நடக்க வேண்டும். ஒன்று மத்திய அரசியலில் மாற்றம் வர வேண்டும். மற்றொன்று உங்களுக்கே தெரியும்.

விருப்ப வழிபாடா? விளம்பர வழிபாடா?

2007-10-23T03:11:00.000-08:00

இந்தி நடிகர் சல்மான்கான் விநாயகர் சதுர்த்தியின்போது விநாயகரை வழிபட்டபோது எழுந்த சர்ச்சை ஒருவழியாக இப்போதுதான் முடிந்திருக்கிறது. ஆனால் சல்மான்கான் இப்போது மும்பையில் வைக்கப்பட்டிருந்த துர்கா தேவியின் சிலையை வழிபட்டு இருக்கிறார். இது விருப்ப வழிபாடா? அல்லது விளம்பரத்திற்கான வழிபாடு என்பது தெரியவில்லை. இப்போதெல்லாம் பிரபலம் ஆவதற்கு பல வழிமுறைகளை பின்பற்றுகிறார்கள். அந்த வழிமுறைகளில் இதுவும் ஒன்றாக இருக்கலாம். ஆனால் சல்மான்கான் ஹிந்து கடவுளை வழிபட்டதற்கு முஸ்லிம் அமைப்புகள் எதிர்ப்பு தெரிவித்துள்ளன. ராமேஸ்வரம் கோவிலுக்குள் ராமநாதபுரம் எம்.எல்.ஏ ஹசன் அலி சென்ற போது ஹிந்து அமைப்புகள் எதிர்ப்பு தெரிவித்தன. இந்துக்கள் தவிர வேறு யாரும் இதற்கு மேல் செல்லக்கூடாது என்ற அறிவிப்பு பலகையை உதாசினப்படுத்திவிட்டு அவர் சென்றதால் இந்து அமைப்புகள் ஹசன் அலிக்கு கண்டனம் தெரிவித்தன. ஹசன் அலி பொது இடங்களில் வைக்கப்படும் விநாயகரை வழிபட்டிருந்தாலும் ஹிந்து அமைப்புகள் வாழ்த்து தெரிவித்திருக்கும். ஹசன் அலிக்கு கண்டனம் எழுந்தபோது அதை கண்டித்தவர்கள் இப்போது சல்மான்கானுக்கு முஸ்லிம் அமைப்புகள் கண்டனம் தெரிவிக்கும்போது அமைதியாய் இருக்கிறார்கள்.

குமரி மாவட்டம் தக்கலையில் வசிக்கும் எழுத்தாளர் ஹெச்.சி.ரசூல் குரான் பற்றி மனுஷ்யபுத்திரனின் உயிர்மை இதழில் எழுதிய கட்டுரைக்காக ஜமாத்தால் ஊர்விலக்கம் செய்யப்பட்டார். ஒரு படைப்பாளிக்கு நேர்ந்த இந்தக் கொடுமை பற்றி பெரிய அளவில் கண்டனம் எழவில்லை. இப்படி முஸ்லிம்கள் எதை செய்தாலும் ஆதரிக்கும் போக்கு இருப்பதால்தான் கோவையில் குண்டு வைத்து நூற்றுக்கணக்கானவர்களை கொன்று குவித்தவர்களுக்குகூட விடுதலை கிடைக்கிறது. இதே நிலை தொடர்ந்தால் இனி என்னவெல்லாம் நடக்குமோ...?

நேற்று ஓமலூர் சுகன்யா! இன்று கடலூர் ஆனந்தவள்ளி! நாளை....?

2007-10-22T22:47:00.000-08:00

கடந்த 18-11-2006 அன்று சேலம் மாவட்டம் ஓமலூர் பாத்திமா பெண்கள் மேல்நிலைப்பள்ளியில் 12-ம் வகுப்பு படித்த சுகன்யா என்ற மாணவி பாதிரிகளால் பாலியல் கொடுமைகளுக்கு உள்ளாக்கப்பட்டு கிணற்றில் பிணமாக மிதந்தார். இந்தச் சம்பவத்தால் கொதித்துப்போன பொதுமக்கள் பாத்திமா பள்ளியை முற்றுகையிட்டு தாக்கினார்கள். போலீஸ் விசாரணையிலும், பிரேத பரிசோதணையிலும் மாணவி சுகன்யா கற்பழித்துக் கொல்லப்பட்டது உறுதிப்படுத்தப்பட்டது. ஆனாலும் சம்பந்தப்பட்ட பாதிரிகள் மீது அந்த நடவடிக்கையும் இல்லை. மாறாக பொதுமக்களின் ஆவேசத்தால் சேதமான பள்ளியை சீரமைக்க கருணாநிதி அரசு நிதி உதவி அளித்தது. இப்படி ஒர் இளம் பிஞ்சை கற்பழித்துக் கொன்றவர்களுக்கு கருணை காட்டியதன் விளைவு இன்று கடலூர் புனித அன்னாள் மேல்நிலைப்பள்ளியில் 12-ம் வகுப்பு படிக்கும் மாணவு ஆனந்தவள்ளி மர்மமான முறையில் கொல்லப்பட்டுள்ளார். ஆனந்தவள்ளி கடலூர் அருகே உள்ள குள்ளஞ்சாவடி சமுட்டிக்குப்பத்தை சேர்ந்த முந்திரி ஏற்றுமதியாளர் ராதாகிருஷ்ணின் மகள்.

தினந்தந்தி சென்னை பதிப்பில்(23-10-2007) வந்த செய்தி. பெரிதாக்கி படிக்கவும்

தினமலர் புதுச்சேரி பதிப்பில்(23-10-2007) வந்த செய்தி பெரிதாக்கி படிக்கவும்

ஓமலூர் சுகன்யாவைப் போலவே ஆனந்தவள்ளியும் விடுதியில் தங்கி படித்துள்ளார். சுகன்யா கிணற்றில் பிணமாக மிதந்தார். ஆனந்தவள்ளி பள்ளி வகுப்பறையில் தூக்கில் தொங்கினார். இதுபற்றி முழுவிவரங்கள் தெரியவில்லை. முழு விவரங்கள் சேகரித்ததும் இங்கே பதிவிடுகிறேன். இந்த நேரத்தில் சேலம் ஓமலூர் சுகன்யா படுகொலை பற்றி 8-12-2006 விஜயபாரதம் இதழில் நான் எழுதிய கட்டுரையை இங்கே பதிவிட்டுள்ளேன். கிறிஸ்தவ பாதிரிகளால் நம் இந்து மொட்டுகள் கருக்கப்படுவதைப் பாருங்கள்.

தூக்கில் பிணமாத மாணவி ஆனந்தவள்ளி(தினகரன், பாண்டிச்சேரி (23-10-2007))

பள்ளி நிர்வாகத்தை(பாதிரிகளை) கண்டித்து சாலை மறியல் செய்யும் பொதுமக்கள்(தினகரன், பாண்டிச்சேரி(23-10-2007)

மாணவிக்கு பாதுகாப்பு இல்லை. ஆனால் பள்ளிக்கு பாதுகாப்பு

சக மாணவி கொல்லப்பட்ட அதிர்ச்சியில் பள்ளி வாயில் முன்பு மாணவிகள்

நேற்று ஓமலூர்! இன்று கடலூர் ! நாளை?ஓமலூர் மாணவி சுகன்யா படுகொலை - முழு விவரம்

2007-10-22T21:37:00.000-08:00

ஓமலூர் பாத்திமா பெண்கள் மேல்நிலைப்பள்ளியில் 12-ம் வகுப்பு மாணவி சுகன்யா பாதிரிகளால் கற்பழித்துக் கொல்லப்பட்டார். அதுபற்றி 8-12-2006 அன்று விஜபாரதத்தில் நான் எழுதிய கட்டுரை.

சேலம் மாவட்டம் ஓமலூரில் இருக்கிறது கிறிஸ்தவப் பாதிரிகள் நடத்தும் பாத்திமா மகளிர் மேல்நிலைப் பள்ளி. கடந்த நவம்பர் 18-ம் தேதி 12-ம் வகுப்பு மாணவி சுகன்யா இப்பள்ளி வளாகத்தில் உள்ள கிணற்றில் பிணமாக மிதந்தாள். இந்தச் சம்பவம் தமிழகத்தையே அதிர்ச்சிக் குள்ளாக்கி இருக்கிறது. தர்மபுரி மாவட்டம் பென்னாகரம் அருகே உள்ள தோளூர் கிராமத்தைச் சேர்ந்த சண்முகம் என்பவரின் மகள்தான் சுகன்யா. ஓமலூர் பாத்திமா பள்ளி விடுதியில் தங்கி, அங்கு படித்துவந்த சுகன்யாவின் மர்ம மரணம் கிறிஸ்தவப் பாதிரிகளின் சுயரூபத்தைத் தோலுரித்துக் காட்டி யிருக்கிறது.

கற்பழித்துக் கொல்லப்பட்ட மாணவி 12-ம் வகுப்பு மாணவி சுகன்யா

பாதிரிகளால் மாணவி சுகன்யா கற்பழித்துக் கொல்லப்பட்டதாக செய்தி பரவியதை அடுத்து, பொதுமக்கள் அந்தப் பள்ளியை முற்றுகையிட்டு போராட்டம் நடத்தினார்கள். அதன்பிறகுதான் இந்தக் கொடூரம் வெளியில் வந்திருக்கிறது.

இந்தப் பள்ளியில் மாணவிகள் இறப்பது ஒன்றும் புதிதல்ல. கடந்த 20 ஆண்டுகளில் 15க்கும் மேற்பட்ட மாணவிகள், அதுவும் அழகான மாணவிகள் மர்மமான முறையில் இறந்திருக்கிறார்கள் என்று ஓமலூரில் மக்கள் சாதாரண மாகப் பேசிக்கொள்கிறார்கள். "இந்தப் பள்ளியில் பல மாணவிகள் இறந்ததாகப் பேசிக்கொள்கிறார்கள். நான் கேள்விப்பட்ட வரையில் பல வருடங்களுக்கு முன்னாடி சின்னம்மா..அப்புறம் இந்திரா, காவேரி, இப்ப சுகன்யான்னு நாலு மாணவிகள் மர்மமான முறையில் இறந்திருக்காங்க. இதே ஸ்கூலில் படிக்கும் எம் பொண்ணு, தேவையில்லாத ஆண்கள், ஸ்கூலுக்கு வந்து போறதா சொல்லியிருக்கா. இனி என் மகளை இந்தஸ்கூலுக்கு அனுப்பறதா இல்லை" என்று பத்திரிகையாளர்களிடம் கோபத்துடன் பொங்கி யிருக்கிறார் அபிராமி என்ற பெண்மணி(`நக்கீரன்' 25-11-06).

"15 வருஷத்துக்கு முன்ன எங்க மகள் சின்னம்மா அங்க படிச்சிக்கிட்டு இருந்தா. அவளை ஸ்கூல்ல ஒரு ரூமில் போட்டு அடிக்கிறாங்கன்னு கேள்விப்பட்டு ஓடினோம். கடைசியில் ஏரியில் பிணமாதான் கிடைச்சா. போலீஸில் அப்ப புகார் தந்தும் எந்த நடவடிக்கையும் இல்லை" என்கிறார் 15 வருடங்களுக்கு முன்பு இதே பள்ளியில் மர்மமான முறையில் இறந்த மாணவி சின்னம்மாவின் தாயார் பழனியம்மாள். இதேபோலவே கடந்த ஜூலை 29ம் தேதி காவேரி என்ற மாணவி தூக்கில் தொங்கினாள். "எந்தப் பிரச்சினையும் இல்லீங்க. திடீர்னு உங்க மகள் செத்துட்டான்னு சொன்னா எப்படி இருக்கும்? என்ன நடந்துச்சுன்னே தெரியலை. எங்க மகளை இழந்துட்டோம்" என கண்ணீருடன் பெருமூச்சு விட்டார் காவேரியின் அம்மா வளர்மதி.

நவம்பர் 16ம் தேதி வரை ஸ்கூலுக்கு வந்த சுகன்யா, அன்று மாலை ஹாஸ்டலுக்கு வரவில்லை. ஆனால் இரண்டு நாட்களுக்குப் பிறகுதான் அவள் ஹாஸ்டலுக்கு வரவில்லை என்ற தகவலை தோளூரில் உள்ள சுகன்யாவின் பெற்றோருக்குத் தெரிவித்துள்ளனர். அதன்பிறகு என்ன நடந்ததோ? ஸ்கூலுக்குப் பின்புறம் உள்ள கிணற்றில் சுகன்யாவின் உடல் மிதக்கறதா சொல்றாங்க என்கிறார்கள் பாத்திமா பள்ளி மாணவிகள்.

ஓமலூர் பாத்திமா பெண்கள் மேல்நிலைப்பள்ளி வளாகத்தில் நிரோத் மற்றும் பீர் பாட்டில்கள்

சனி, ஞாயிற்றுக் கிழமைகளில் ஸ்கூலுக்குள் இருக்கும் சர்ச்சில் பிரேயர் நடக்கும். அதில் வெளியிலிருந்து பல பாதிரிகள் வருவார்கள். பாதிரிகளுக்கு சேவை செய்தால் கடவுளின் கிருபை கிடைக்கும் என்று சிஸ்டர்ஸ்(கன்னியாஸ்திரிகள்) சொல்வாங்க. அதனால் அவங்களுக்கு டீ.,காபி டிபனெல்லாம் பரிமாறுவோம் என்கிறார்கள் மாணவிகள் அப்பாவியாக!
நவம்பர் 20ம் தேதி ஓமலூர் தொகுதி பா.ம.க எம்.எல்.ஏ தமிழரசு தலைமையில் அனைத்துக் கட்சி கூட்டம் நடந்தது. இந்தக் கூட்டத்தில் பேசிய 8ம் வகுப்பு மாணவி கிரிஜா, "ஒரு நாள் எங்க வகுப்பறை சுவர் முழுக்க ரத்தக்கறையும் பூவும் இருந்தது. அந்தக் கறையை மாணவிகளான எங்களைக் கழுவி சுத்தம் பண்ண வச்சு, அதுக்கு காசும் கொடுத்தாங்க" என்ற `பகீர்' குற்றச்சாட்டைக் கூறி பரபரப்பூட்டினாள்.

நக்கீரன் வாரமிருமுறை இதழுக்கு பேட்டு அளிக்கும் அபிராமி

இவ்வளவு நடந்த பிறகும், `இது தற்கொலைதான். கொலை அல்ல. பெருச்சாளி எலியை கடித்ததால் ஏற்பட்டது தான் அந்த ரத்தக் கறை' என்று முழு பூசணிக்காயை சோற்றில் மறைக்க முயன்றுள்ளார் சேலம் மாவட்ட பிஷப் சிங்கராயன். கொலையை மறைக்க பல முயற்சிகளைப் பாதிரிகள் செய்து வருகின்றனர். இதற்காக போலீஸாரின் உதவியுடன் மாணவி சுகன்யாவின் உடலை சட்டத்திற்கு விரோதமாக எரிக்க வைத்துள்ளனர். `பா.ம.க எம்.எல்.ஏ தமிழரசு நடத்தும் மெட்ரிகுலேஷன் பள்ளியை வளர்க்க எங்கள் பள்ளிமீது அவதூறு பரப்புகிறார்' என ஆசிரியைகள்மூலம் வதந்தியைப்பரப்பி விட்டுள்ளனர்பாதிரிகள். "எங்கள்பள்ளி மெட்ரிகுலேஷன் பள்ளி. அவர்களது சாதாரண பள்ளி. நான் எதற்கு அந்தப் பள்ளியை போட்டியாகக் கருதுகிறேன்" என்று இதற்கு பதிலடி கொடுத்துள்ளார் பா.ம.க எம்.எல்.ஏ தமிழரசு.
இந்து முன்னணி நிறுவனத் தலைவர் இராம.கோபாலன் நவம்பர் 23ம் தேதி இந்தக் கொடூரத்தைக் கண்டித்து ஆர்ப்பாட்டம்நடத்தப் போவதாகஅறிவித்தார். ஆனால் சதாம் உசேனை விடுவிக்கவேண்டும் என்பதற்காக நடத்தப்படும் ஆர்ப்பாட்டத்திற்குக் கூட அனுமதி தரும் போலீசார், இதற்கு அனுமதி தரவில்லை. சம்பந்தப்பட்ட பள்ளியை பார்வையிடவும் அனுமதிக்க வில்லை.போலீசார் பாதிரிகளுக்கு ஆதரவாக செயல்படுவதையே இது காட்டுகிறது.
இப்போது ஆளும் கட்சி உதவியுடன் தப்பித்துக் கொள்ளபாதிரிகள் திட்டமிடுவதாக பொதுமக்கள் பேசிக் கொள்கிறார்கள். இதை நிரூபிக்கும் வகையில் போஸ்ட் மார்ட்டம் ரிப்போர்ட் பாதிரிகளுக்கு சாதகமாகவே வந்துள்ளது. மாணவி சுகன்யாவுக்குநீதி கிடைக்குமா? நீதி தேவதைக்கு வெற்றி கிடைக்குமா? அல்லது கிறிஸ்தவர்களின் ஓட்டுக்கு வெற்றி கிடைக்குமா? என்பதைப் பொறுத்திருந்துதான் பார்க்கவேண்டும்.

(குறிப்பு: மாணவி சுகன்யா ஹிந்துவாகப் பிறந்த குற்றத்தினால் அவருக்கு முதல்வர் கருணாநிதி உள்ளிட்ட அரசியல்வாதிகள் யாரும் குரல் கொடுக்க வில்லை. இப்படி ஒரு சம்பவம் நடந்ததாகவே அவர்கள் காட்டிக் கொள்ளவுமில்லை)

கன்னியாஸ்திரிகளுடன் பாதிரிகள் உல்லாசம்!

ஓமலூர் பாத்திமா மேல்நிலைப் பள்ளியில் பாதிரிகள் தங்கும் அறைகளில் வெளிநாட்டு மது பாட்டில்களும், காண்டம்களும் போலீசாரால் கைப்பற்றப்பட்டன. இந்தப் பள்ளியில், வெளிமாநிலங்களிலிருந்து பாதிரிகள் வந்து வெள்ளிக்கிழமை இரவிலிருந்து சில நாட்களுக்கு தங்குவது வழக்கம். அந்த நேரத்தில் பாதிரிகள் கன்னியாஸ்திரிகளுடன் மது அருந்திவிட்டு உல்லாசமாக இருப்பார்களாம். இப்படி உல்லாசமாக இருக்கும் பாதிரிகளுக்கும், கன்னியாஸ்திரிகளுக்கும் விடுதியில் தங்கிப் படிக்கும் அழகான மாணவிகள்தான் உணவு உள்ளிட்ட பொருட்களை (?) எடுத்துச் சென்று பரிமாறுவார்களாம்.

பொதுமக்கள் எழுப்பும் கேள்விகள்?

பிளஸ் 1-ல் மாணவி சுகன்யா மூன்றாவது ரேங்க் எடுத்துள்ளார். ஆனால் சேலம் மறைமாவட்ட ஆயர் சிங்கராயன் சுகன்யா சரியாக படிக்கமாட்டார் என்று பேட்டி அளித்துள்ளார். சிங்கராயன் ஏன் பொய் சொல்கிறார்?

மாணவி சுகன்யாவின் பெற்றோரிடம் ரூ.7 லட்சம் வரை பேரம் பேசியதாக செய்தி வந்துள்ளது. ஏற்கனவே மர்மமான முறையில் இறந்த மாணவிகளின் பெற்றோருக்கும் லட்சக்கணக்கில் பணம் கொடுக்கப்பட்டுள்ளதாக புகார் வந்துள்ளது. இதுபற்றி காவல்துறையினர் ஏன் நடவடிக்கை எடுக்கவில்லை?

மர்ம மரணம் என்றால் பிரேத பரிசோதனைக்குப் பிறகு உடலைப் புதைப்பதுதான் வழக்கம். ஆனால் மாணவி சுகன்யாவின் உடலை போலீசார் எரித்துள்ளனர். இதற்கு என்ன காரணம்?

பாத்திமா பள்ளியில் படிக்கும் மாணவிகள் பூ வைக்கவும், வளையல் அணியவும் அனுமதிக்கப் படுவதில்லை. ஆனால் பெண்கள் பள்ளி என்றால் பூ, வளையல் இருக்கத்தான் செய்யும் என்று பாதிரி சிங்கராயன் பேட்டி அளித்துள்ளார். அவர் ஏன் உண்மையை மறைக்கிறார்?

ஓமலூர் பாத்திமா பள்ளியில் கடந்த 20 ஆண்டுகளில் 15 மாணவிகள் மர்மமான முறையில் இறந்துள்ளதாகச் செய்திகள் வந்துள்ளன. இதுவரை காவல்துறை எந்த நடவடிக்கையும் எடுக்கவில்லையே ஏன்?

அழகான மாணவிகள் மட்டும் இறப்பது ஏன் என்று மகளிர் அமைப்புகள் கேள்வி எழுப்பியுள்ளது. இதற்கு பள்ளி நிர்வாகம், போலீசாரின் பதில் என்ன?

240 மாணவிகள் தங்கியுள்ள விடுதிக்கு வெளி மாநிலங்களிலிருந்து வந்து பாதிரிகள் பலர் இரவு தங்குகிறார்களே எதற்காக? இது சிறுபான்மை கிறிஸ்தவ அமைப்பு நடத்தும் பள்ளி. இது அரசுப் பள்ளி அல்ல. அதனால் இங்கு பணியிலிருக்கும் 86 பேரையும் மாற்றமுடியாது என்று சேலம் மறைமாவட்ட பிஷப் ஆணவமாக பேட்டி அளித்துள்ளார். எந்த தைரியத்தில் பிஷப் இப்படி பேசுகிறார்?

பொதுவாக குற்றம் நடந்த இடத்தில் குற்றவாளி எனக் கருதப்படுவோரை தங்க போலீசார் அனுமதிக்க மாட்டார்கள். ஆனால் கற்பழிப்பு குற்றம் சுமத்தப்பட்டுள்ள பாதிரிகள், சம்பந்தப்பட்ட பாத்திமா பள்ளியிலேயே தங்கியுள்ளனரே ஏன்?

மாணவி சுகன்யா கற்பழித்து கொல்லப்பட்ட வழக்கில் முதல் 3 குற்றவாளிகளை இருதய நோயாளிகள் என்பதற்காக கைது செய்யவில்லை என்று சேலம் மாவட்ட எஸ்.பி பாஸ்கரன் தெரிவித்துள்ளார். இருதய நோயாளிகள் கொலை, கொள்ளை, கற்பழிப்பில் ஈடுபட்டால் போலீசார் அவர்களை கைது செய்யாமல் விட்டுவிடுவார்களா? இல்லை கிறிஸ்தவப் பாதிரிகளுக்கு மட்டும் இந்த சலுகையா?

பா.ஜ.க தவிர மற்ற அரசியல் கட்சிகள் இந்த விவகாரத்தில் மௌனம் சாதிக்கின்றனரே ஏன்? கிறிஸ்தவர்களின் ஓட்டுகளுக்காக ஹிந்து மாணவி கற்பழிக்கப்பட்டாலும் பரவாயில்லை என்று நினைக்கிறார்களா?

மாணவியர் விடுதியில் `கோஹினூர்' காண்டம், `மார்கோபோலோ' பீர் பாட்டில்

கிறிஸ்தவப் பாதிரிகளால் மாணவி சுகன்யா கற்பழித்துக் கொல்லப்பட்டதாகக் கூறப்படும் ஓமலூர் பாத்திமா மேல்நிலைப் பள்ளி விடுதியில் ஏராளமான கோஹினூர் `காண்டம்'களும், `மார்கோபோலா' பீர் பாட்டில் உட்பட வெளிநாட்டு மதுபாட்டில்கள் கண்டெடுக்கப்பட்டுள்ளன. ஒதுக்குப்புறமான பகுதிகளில் ஆங்காங்கே பீர்பாட்டில்களும் காலி வெளிநாட்டு மது பாட்டில்களும் குவியல் குவியலாக இருப்பதும் கண்டுபிடிக்கப்பட்டுள்ளன.

கன்னியாஸ்திரிகளுடன் பேட்டி அளிக்கும் பிஷப் சிங்கராயன்

பொதுமக்களின் எதிர்பார்ப்புகள்...

மாணவி சுகன்யா மட்டுமல்ல 15-க்கும் மேற்பட்ட அழகான மாணவிகள் மர்மமான முறையில் இறந்ததாகக் கூறப்படும் பாத்திமா மேல்நிலைப் பள்ளியை அரசே ஏற்று நடத்த வேண்டும்.

அரசு உதவியுடன் நடந்து வரும் பாத்திமா மேல்நிலைப் பள்ளியில் பாதிரிகள் மற்றும் கன்னியாஸ்திரிகள் தங்குவதற்கு தடைவிதிக்க வேண்டும். அங்கு ஜெபம் என்ற பெயரில் நடக்கும் மதமாற்றத்தையும் தடுக்க வேண்டும்.

கடந்த 20 ஆண்டுகளில் இறந்துபோன 15-க்கும் மேற்பட்ட மாணவிகளின் மர்ம மரணம் பற்றி விசாரணை நடத்தி உண்மையை வெளி வரவழைக்க வேண்டும்.

இது கிறிஸ்தவப் பள்ளி. ஆசிரியர்களை இடமாற்றம் செய்யமுடியாது என்று ஆணவமாகப் பேசிய சேலம் மாவட்ட பிஷப் சிங்கராயன் மீது போலீசார் நடவடிக்கை எடுக்க வேண்டும்.

டில்லியில் பிரியதர்ஷிணி மட்டூவை கற்பழித்து கொலை செய்ததற்காக வழக்கறிஞர் சந்தோஷ் சிங்கிற்கு நீதிமன்றம் மரண தண்டனை விதித்துள்ளது. அதுபோல மாணவிகளைக் கற்பழித்து கொன்றதாகக் கூறப்படும் பாதிரிகளுக்கும் விசாரணை நடத்தி மரண தண்டனை விதிக்க வேண்டும்.

நாடுமுழுவதும் கிறிஸ்தவப் பாதிரிகள் நடத்தும் பள்ளிகள், கல்லூரிகளில் கற்பழிப்பு குற்றச்சாட்டுகள் அடிக்கடி வருகின்றன. எனவே நாடுமுழுவதும் உள்ள கிறிஸ்தவ கல்வி நிறுவனங்களை முழுமையாக ஆய்வு செய்து அரசு வெள்ளை அறிக்கை தாக்கல் செய்ய வேண்டும்.

சேலம் மாவட்டத்தைச் சேர்ந்த மாநில அமைச்சர் ஒருவர் உதவியுடன் பாதிரிகள் இந்த விஷயத்தை அமுக்கப் பார்ப்பதாக செய்திகள் வருகிறது. அதனால் இந்த வழக்கை வேறு மாநிலத்தில் நடத்த வேண்டும். மேலும் இந்த வழக்கை சி.பி.ஐயிடம் ஒப்படைக்க வேண்டும்.

"வேதனை தரும் அவலம்" - வீ. ரங்கசாமித் தேவர் 31- 03 - 1989 அன்று வெளியிட்ட அறிக்கை

2007-10-20T00:34:00.000-08:00

23-03-1989 அன்று தம்மம்பட்டியில் ஹிந்துக்கள்மீது போலீசார் நடத்திய துப்பாக்கிச் சூட்டில் இரண்டு ஹிந்துக்கள் கொல்லப்பட்டனர். இந்த துயர சம்பவம் பற்றி கருத்து தெரிவித்த முதல்வர் கருணாநிதி நடந்த சம்பவங்களுக்கு ஆர்.எஸ்.எஸ்தான் காரணம் என்று அவதூறுகளை அள்ளி விட்டிருந்தார். கருணாநிதியின் இந்த குற்றச்சாட்டுகளுக்கு பதில் அளித்து அப்போதைய ஆர்.எஸ்.எஸ் மாநிலத் தலைவர் வீ.ரங்கசாமித் தேவர் வெளியிட்ட அறிக்கையை 7-4-1989 விஜயபாரதம் இதழ் பதிவு செய்துள்ளது. அவற்றின் சுருக்கம்.

"மசூதி முன்பு இசை எழுப்புவது மரபுக்கு விரோதம் என்கிறார் முதல்வர் கருணாநிதி. இந்த மரபு தொடங்கியது எப்போது என்பதை அவர் ஆராய்ந்து பார்க்கட்டும். அன்னிய அடக்குமுறை ஆட்சியில் ஹிந்துக்கள் மீது திணிக்கப்பட்ட பழக்கம்தான் இது. இப்படிப்பட்ட ஒரு அவமானகரமான பழக்கத்தை அற்புதமான மரபு என்று கொண்டாடுவது ஹிந்துக்களின் உணர்வுகளைக் குத்திப் புண்ணாக்கும் செயல். அதுவும் ஹிந்துக்கள் தங்கள் சுதந்திர நாட்டிலேயே இப்படி அவமதிக்கப்படுவதா?
"அன்னிய அடிமைத்தனத்தின் இத்தகைய மிச்ச சொச்சங்களை ஆர்.எஸ்.எஸ் கடுமையாக எதிர்க்கிறது. இவற்றிற்கு முற்றுப்புள்ளி வைக்க தளர்வற்ற போராட்டத்தை ஆர்.எஸ்.எஸ் துவக்கி உள்ளது. அத்துடன் ஹிந்துக்கள் தங்கள் சொந்த நாட்டில் கௌரவத்துடனும் சுயமரியாதையுடனும் வாழ அவர்களுக்கு தன்னம்பிக்கை ஊட்டும் பணியினையும் ஆர்.எஸ்.எஸ் செய்து வருகிறது. நாங்கள் மேற்கண்ட நிலை சரியானது என்பது தம்மம்பட்டி உள்பட பல ஊர்களில் நிரூபணமாகி உள்ளது என்பதில் பெருமிதம் கொள்கிறோம்.
"உள்ளது உள்ளபடி அனைவரும் உணரும் வகையில் கீழ்க்கம்ட விஷயங்களை குறிப்பிட விரும்புகிறேன். தம்மம்பட்டியில் நடந்தது பாரம்பரிய ஹிந்து சமயத் திருவிழா. இதுபோல தமிழகத்தின் ஒவ்வொரு கிராமத்திலும் நகரத்திலும் நடப்பது சகஜம். இந்தத் திருவிழா முதலமைச்சர் வர்ணித்ததுபோல ஆர்.எஸ்.எஸ் நடத்திய நிகழ்ச்சி அல்ல. ஆர்.எஸ்.எஸ் பெயரை இதில் அவர் இழுத்தது அனாவசியமானது. ஆர்.எஸ்.எஸ்ஸை தூற்றுவதையே தொழிலாகக் கொண்ட முஸ்லிம் லீக், இடது கம்யூனிஸ்ட் எம்.எல்.ஏக்கள் தந்த தகவல்களை ஆதாரமாக எடுத்துக் கொள்வது தீய அறிகுறி.

"அமைதியான முறையில் ஊர்வலமாகச் செல்லும் ஹிந்துக்களுக்கு பாதுகாப்பு அளிப்பது காவல்துறையின் பொறுப்பு. அவ்வூர் மசூதியில் பயங்கர ஆயுதங்களுடன் ஏராளமான முஸ்லிம்கள் மிரட்டும் போக்கில் திரண்டதாக கூறப்படுகிறது. அவர்களை காவல்துறை கட்டுப்படுத்தும் என்று எதிர்பார்க்கப்பட்டது. இதை செய்யத் தவறிய காவல்துறை பரிதாபத்துக்குரியதாகிறது.

"துப்பாக்கிச் சூடு நடந்த இரண்டு நாட்களுக்குப் பிறகு ஹிந்துக்கள் தங்கள் உரிமைகளை நிலைநாட்ட எடுத்த ஆணித்தரமான நடவடிக்கைகளுக்கு பிறகு முஸ்லிம்கள் இறங்கி வந்தனர். இனி எந்த நாளிலும் எந்த நேரத்திலும் வாத்திய இசையுடன் மசூதிக்கு முன்னால் ஹிந்துக்கள் ஊர்வலமாகச் செல்வதை எதிர்க்கும் அறிவீனத்தை கைவிடப்போவதாக அறிவித்திருப்பது சுவாரஸ்யமானது. சுதந்திர பாரதத்தில் ஹிந்துக்கள் தங்களுடைய நியாயமான உரிமைகளை நிலை நாட்டுவதற்காக இரண்டு பேரின் இன்னுயிரை பலி கொடுக்க வேண்டியிருக்கிறது. இது வேதனை தரும் அவலம்"

தம்மம்பட்டி துப்பாக்கிச் சூடு பற்றி ஷ்ரீரங்கம் எம்.எல்.ஏ வெங்கடேஸ்வர தீட்சிதர் 30-03-1989 அன்று தமிழக சட்டப்பேரவையில் ஆற்றிய உரை

2007-10-20T00:15:00.000-08:00

30-03-1989 அன்று நடந்த சட்டப்பேரவை கூட்டத்தில் ஷ்ரீரங்கம் சட்டமன்ற உறுப்பினர் ஒய்.வெங்கடேஸ்வர தீட்சிதர் தம்மம்பட்டயில் ஹிந்துக்கள் மீது போலீசார் நடத்திய துப்பாக்கிச் சூடு பற்றி பேசி அரசின் கவனத்தை ஈர்த்தார். இந்த துப்பாக்கிச் சூடு பற்றி ஒத்திவைப்பு தீர்மானம் கொண்டுவரக்கோரி தீட்சிதர் ஆற்றிய உரை 7-4-1989 வியபாரதம் இதழில் பதிவு செய்யப்பட்டுள்ளது. அவற்றின் சுருக்கம்.

"மரியாதைக்குரிய சபாநாயகர் அவர்களே! திருச்சியிலிருந்து ஆர்.எஸ்.எஸ்காரர்களை ஏதோ ரயிலிலோ, ஹெலிகாப்டரிலோ ஏற்றிக் கொண்டுவந்து ஆத்தூர் பக்கத்தில் உள்ள தம்மம்பட்டியில் நான் இறக்கியிருப்பதாக லத்தீப் சொல்கிறார். லத்தீப் ஒரு தரப்பாக கூறியதை நீங்கள் அனுமதித்து இருக்கிறீர்கள். நாங்கள் இரண்டு பேரும் இங்கேதான் இருக்கிறோம். நானும் பத்திரிகையில்தான் பார்த்தேன். அவரும் பத்திரிகையில் பார்த்ததுதான். அவரும் கேட்டதைதான் சொல்கிறார். நானும் கேட்டதைத்தான் சொல்கிறேன். தம்மம்பட்டியில் மொத்தம் 5 பேர் இறந்திருக்கிறார்கள். அவர்கள் அனைவரும் ஒரே சமூகத்தைச் சேர்ந்தவர்கள் அதாவது ஹிந்துக்கள். அதை நீங்கள் உணர வேண்டும். அங்கே என்ன நடந்தது? கலவரத்திற்கு காரணம் என்ன? போலீஸ் தலையிட்டு துப்பாக்கிச்சூடு நடத்தியிருக்க வேண்டுமா? இதுபோன்ற பிரச்சினைகள் இருக்க ஏதோ ஆர்.எஸ்.எஸ்காரர்கள் எங்கிருந்தோ வந்து இறங்கினார்கள் என்று லத்தீப் கூறுகிறார்.

"பாதுகாப்பிற்காகத்தானே போலீசார் வருகிறார்கள். பிறகு எதற்கு அடிக்கிறார்கள்? மைனாரிட்டி என்ற பெயரை வைத்துக்கொண்டு சிலபேர் லாபம் அடைகிறார்கள். எங்கெங்கோ குடியேறுகிறார்கள். அந்தப் பக்கத்தில் மேளம் அடிக்கக் கூடாது என்கிறார்கள். எங்கே வேண்டுமானாலும் குடியேறுகிறார்கள். மேளம் அடிக்காமல் இருக்க முடியுமா? பங்குனி உத்திரத் திருவிழா என்பது இன்றைக்கு ஏற்பட்ட ஒன்றா? முருகன் கோயில் ஏற்பட்டது எத்தனையோ காலத்திற்கு முன்னால். அந்த உற்சவத்தில் மேளம் அடிக்கக் கூடாது என்கிறார்கள். அப்போதும் மேளம் அடிக்காமல் போனபோது வம்பு வந்துவிட்டது. துப்பாக்கிச் சூடு நடந்திருக்கிறது. முதலில் இரண்டு ஆர்.எஸ்.எஸ்காரர்கள் இறந்திருக்கிறார்கள் என்று ஒருபத்திரிகை செய்தி வெளியிட்டது. மொத்தத்தில் ஹிந்துக்கள் இறந்திருக்கிறார்கள். இறந்தவர்களின் எண்ணிக்கை 5 ஆக உயர்ந்திருக்கிறது. அதைப் பற்றி விரிவாக இந்த அவையில் பேசுவது நமது சமூகங்களுக்கிடையே ஒற்றுமையை ஏற்படுத்துவதற்காகத்தான்"

தம்மம்பட்டியில் 1989-ல் நடந்தது என்ன?

2007-10-19T22:29:00.000-08:00

தம்மம்பட்டியில் மண்மலை முருகன் கோயில் என்ற புகழ்பெற்ற முருகன் கோயில் உள்ளது. இங்கு ஆண்டுதோறும் நடக்கும் பங்குனி உத்திரத் திருவிழா அந்தப் பகுதியில் மிகவும் பிரசித்திப் பெற்றது. இந்தப் பங்குனி உத்திரத் திருவிழாவின் இரண்டாவது நாள் நடக்கும் காவடி ஊர்வலத்தில் ஆயிரக்கணக்கான பக்தர்கள் காவடி ஏந்திச் செல்வார்கள். இந்த ஊர்வலம் பல நூறு ஆண்டுகளாக கன்னிகாபரமேஸ்வரி கோயில் அமைந்துள்ள வண்ணாரத்தெரு வழியாகத்தான் உற்சாகத்தோடு பவனி வரும். அங்கு மசூதி வந்தபிறகும் அந்த வழியாகத்தான் ஊர்வலம் மேளதாளத்தோடு சென்று கொண்டிருந்தது. 22-03-1989ல் காவடி ஏந்தி ஆயிரக்கணக்கானோர் ஊர்வலமாகச் சென்றபோது, மசூதி வழியாக செல்லக் கூடாது என்று முஸ்லிம்கள் பிரச்சினை செய்தார்கள். ஆனாலும் காவடி ஊர்வலம் மசூதி வழியாகச் சென்றது. முஸ்லிம்கள் தடுத்து நிறுத்த முயற்சித்த போதும் அந்தத் தடுப்பு முயற்சிகளை எல்லாம் முறியடித்துவிட்டு காவடி ஊர்வலம் மேளதாளத்துடன் மசூதியைக் கடந்துச் சென்றது.

அப்போது தி.மு.க ஆட்சி நடந்து கொண்டிருந்ததால் உற்சாகம் அடைந்த முஸ்லிம்கள் காவடி ஊர்வலம் முடிந்ததும் ஹிந்துக்களின்மீது குற்றம் சாட்டி போலீசில் புகார் செய்தனர். இதனால் அப்போது மிகப்பெரிய அளவில் பதட்டம் ஏற்பட்டது. ஆயிரக்கணக்கில் போலீஸ் பட்டாளம் குவிக்கப்பட்டது. "நாங்கள் கோயில் அருகில் பெருந்தன்மையாக மசூதி கட்ட அனுமதித்தோம். ஆனால் இன்று அந்த மசூதியைக் காரணம் காட்டி எங்கள் ஊர்வலம் வரக்கூடாது என்பதா?" என்று ஹிந்துக்கள் கொதித்துப் போனார்கள். ஹிந்துக்கள் போராட்டத்தில் குதித்தார்கள். கடைகள் அடைக்கப்பட்டன.

ஹிந்துக்கள் போராட்டத்திற்கு தயாரானதும் அரசு அதிகாரிகள் பேச்சுவார்த்தைக்கு அழைப்பு விடுத்தனர். ஆனால் ஹிந்துக்கள் சத்தாபரணம் நிகழ்ச்சி முடிந்த பிறகுதான் பேச்சுவார்த்தைக்கு வரமுடியும் என்று கூறிவிட்டனர். காவடி ஊர்வலம் முடிந்ததும் முருகன் அலங்கரிக்கப்பட்டு வீதி உலா வருவார். இந்நிகழ்ச்சிக்கு சத்தாபரணம் என்று பெயர். சத்தாபரண நிகழ்ச்சியின் போதும் சுவாமி மசூதி உள்ள தெரு வழியாகத்தான் வீதி உலா வருவார். அப்படி சுவாமி வீதி உலா வரும்போது மசூதி முன்பு மேளம் வாசிக்கக் கூடாது என்று முஸ்லிம்கள் பிரச்சினை செய்தனர். இதனால் தம்மம்பட்டி மீண்டும் பதட்டமான சூழ்நிலைக்கு திரும்பியது.
ஆத்தூர் துணை போலீஸ் சூப்பிரண்டெண்டு பாலசுப்பிரமணியம் தலைமையில் தம்மம்பட்டி காவல்நிலையத்தில் ஹிந்து - முஸ்லிம் பிரதிநிதிகளுக்கிடையே அமைதி பேச்சுவார்த்தை நடந்தது. இந்தப் பேச்சுவார்த்தையில் ஆடிட்டர் வி.ரமேஷ், விஸ்வ ஹிந்து பரிஷத்தின் முழுநேர ஊழியர் ஜெகதீசன், மண்மலை முருகன் கோயிலின் தர்மகர்த்தா கந்தசாமி போன்றவர்கள் ஹிந்துக்களின் சார்பில் பங்கேற்றனர். தம்மம்பட்டியில் திராவிடர் கழகத்தினர் விநாயகர் படத்திற்கு செருப்பு மாலை அணிவித்து ஊர்வலமாகச் சென்றனர். இதற்கு தம்மம்பட்டியைச் சேர்ந்த முஸ்லிம் ஒருவர் பெரிதும் துணை புரிந்தார். எனவே அவர்மீது நடவடிக்கை எடுக்குமாறு ஹிந்துக்கள் போராட்டம் நடத்தினார்கள். இந்தப் போராட்டத்தின் முடிவில் சம்பந்தப்பட்ட முஸ்லிம் பிரமுகரை ஒரு மாதத்திற்குள் தம்மம்பட்டியில் இருந்து வெளியேற்றி விடுவதாக ஜமாத் உறுதி அளித்திருந்தது. ஆனால் அந்த முஸ்லிம் நபர் ஊரைவிட்டு வெளியேற்றப் படவில்லை.பேச்சுவார்த்தை ஆரம்பமானதும் இந்தப் பிரச்சினையை எழுப்பி ஜமாத் அளித்த உறுதிமொழிப்படி அந்த முஸ்லிம் நபர் ஏன் வெளியேற்றப்படவில்லை என்று ஹிந்துப் பிரதிநிதிகள் கேள்வி எழுப்பினார்கள். "இது பற்றி நான் விசாரிக்கிறேன். ஆனால் மசூதி முன்பு மேளம் அடிக்காமல் ஊர்வலம் செல்லுங்கள்" என்று டி.எஸ்.பி பாலசுப்பிரமணியம் கூறினார்.

"முன்பு ஆர்.எஸ்.எஸ் ஊர்வலம் நடந்தபோது மசூதிக்கு முன்பு பேண்டு வாத்தியம் வாசிக்கக் கூடாது என்றீர்கள். பிறகு இதனையே காரணம் காட்டி விநாயகர் ஊர்வலத்தின்போதும் மேளம் வாசிக்கக் கூடாது என்று தடை விதித்தீர்கள். `இம்முறை மட்டும் மேளம் அடித்துச் செல்ல வேண்டாம். அடுத்த முறை மேளம் அடித்துச் செல்லலாம்' என்று ஒவ்வொரு வருடமும் இதனையே சொல்கிறீர்கள். அதனால் இந்த முறை நாங்கள் விட்டுக் கொடுக்க மாட்டோம். முஸ்லிம்கள்தான் விட்டுக் கொடுக்க வேண்டும்" என்று மண்மலை முருகன் கோயிலின் தர்மகர்த்தா கந்தசாமி பேசினார். மசூதி முன்பு மேளம் வாசித்துச் செல்லலாம் என்று சுப்ரீம் கோர்ட்டே தீர்ப்பளித்துள்ளது என்று அந்தத் தீர்ப்பை மேற்கோள்காட்டி வாத்திய இசையுடன் ஊர்வலம் செல்ல அனுமதிக்குமாறு ஆடிட்டர் ரமேஷ் போலீஸ் அதிகாரிகளை கேட்டுக் கொண்டார். இந்த சுப்ரீம் கோர்ட் தீர்ப்பைப் படித்து விவரம் அறிவதற்கு காலஅவகாசம் தேவை என்று டி.எஸ்.பி பாலசுப்பிரமணியம் இதற்கு பதிலளித்தார்.

முஸ்லிம்கள் தொழுகை நடக்காத ஒரு நேரத்தைக் குறிப்பிட்டால் அந்த நேரத்தில் நாங்கள் ஊர்வலம் சென்று விடுகிறோம் என்று பிரச்சினைக்குத் தற்காலிகமான தீர்வு ஒன்றைச் சொன்னார் ஆடிட்டர் ரமேஷ். ஆனால் இதனையும் ஏற்க மறுத்த முஸ்லிம்கள், `24 மணி நேரமும் தொழுகை நேரம்தான். எனவே கால அவகாசம் தரமுடியாது' என்று மறுத்து விட்டனர். முஸ்லிம்களின் பிடிவாதத்தால் பேச்சுவார்த்தை இப்படி நீண்டு கொண்டிருப்பதைக் கண்ட டி.எஸ்.பி பாலசுப்பிரமணியம் இப்பிரச்சினைக்கு தீர்வு காண 01-04-2007 தேதி உதவி கலெக்டர், தாசில்தார் தலைமையில் அமைதிக் கூட்டம் நடக்கும். அதில் ஒரு முடிவு காணப்படும் என்று அறிவித்தார். மேளம் அடிக்காமல் ஊர்வலம் செல்வதாக இருந்தால் நான் இப்போதே அனுமதி அளிக்கிறேன். இல்லையெனில் சட்டப் பிரிவு 30(2)ன் கீழ் ஊர்வலத்திற்கு அனுமதி அளிக்க முடியாது என்றும் டி.எஸ்.பி பாலசுப்பிரமணியம் அறிவித்தார். சட்டப் பிரிவு 30(2) மத ஊர்வலங்களுக்குப் பொருந்தாது என்பதை ஜெகதீசன் எடுத்துக் கூறியும் டி.எஸ்.பி அதனை ஏற்காமல் நிராகரித்ததால் ஹிந்துப் பிரதிநிதிகள் வெளிநடப்புச் செய்தனர். டி.எஸ்.பி வெளிநடப்பு செய்ய வேண்டாம் என்று வற்புறுத்தியதால் பொதுமக்களிடம் பேசி அவர்களின் கருத்தை அறிந்து கொண்டு வருகிறோம் என்று கூறிவிட்டு ஹிந்துப் பிரதிநிதிகள் வெளியேறினார்கள்.

பிறகு ஹிந்துப் பிரதிநிதிகள் பொதுமக்களிடம் பேச்சுவார்த்தை நடத்தினார்கள். அப்போது மூன்று விதமான முடிவுகள் சொல்லப்பட்டு அதில் ஒன்றை தேர்ந்தெடுக்கும் பொறுப்பு பொதுமக்களிடம் விடப்பட்டது.

அவை.

1. உதவி கலெக்டர், தாசில்தார் தலைமையில் பேச்சுவார்த்தை நடக்க இருக்கும் 01-04-1989 வரை ஊர்வலத்தை ஒத்திவைத்து பேச்சுவார்த்தையில் எடுக்கப்படும் முடிவுகளுக்கு ஏற்ப ஊர்வலம் நடத்துவது.

2. இன்றைக்கே(23-03-1989) மசூதி முன்பு மேளதாளத்துடன் ஊர்வலம் செல்வது. தடுக்கப்பட்டால் அதே இடத்தில் சப்பரத்தை விட்டுவிட்டு வந்துவிடுவது

3. இன்றைக்கே(23-03-1989) மசூதி முன்பு மேளம் அடிக்காமல் ஊர்வலம் நடத்துவது.

இதில் இரண்டாவது முடிவை பொதுமக்கள் ஏற்று இன்றைக்கே மேளதாளத்துடன் ஊர்வலம் நடத்துவோம். தடுத்தால் சப்பரத்தை அங்கேயே விட்டுவிட்டு வந்துவிடுவோம் என்று முடிவு செய்தனர். பொதுமக்கள் தம்மம்பட்டி காவல்நிலைய்ததிற்கு வந்து இந்த முடிவை டி.எஸ்.பியிடம் தெரிவித்தனர். ஆனால் டி.எஸ்.பி இன்று ஊர்வலம் நடத்த அனுமதிக்க முடியாது என்று மறுத்தார். ஆனால் பொதுமக்கள் அனைவரும் ஒரே குரலில் இன்று மசூதி முன்பு மேளதாளத்துடன் ஊர்வலம் நடந்தே தீரும் என்று கூறிவிட்டு காவல் நிலையத்தை விட்டு வெளியேறினார்கள். உடனே ஆடிட்டர் ரமேஷ் அவர்களும், ஜெகதீஷ் அவர்களும் ஊர்வலம் துவங்கும் மண்மேடு பகுதிக்கு வந்தனர். அங்கு வந்த டி.எஸ்.பி பாலசுப்பிரமணியம், தம்மம்பட்டி இன்ஸ்பெக்டர், சப்- இன்ஸ்பெக்டர் ஆகியோர் ஆடிட்டர் ரமேஷ் மற்றும் ஜெகதீஷிடம், "நீங்கள் இருவரும் தேவையில்லாமல் இந்தப் பிரச்சினையில் தலையிடுகிறீர்கள். உள்ளூர் மக்கள் ஒத்துக் கொண்டாலும் நீங்கள் தூண்டி விடுகிறீர்கள். எனவே உங்கள் இருவரையும் கைது செய்யப் போகிறோம்" என்று மிரட்டல் விடுத்தனர். போலீஸ் அதிகாரிகள் இருவரையும் மிரட்டுவதைக் கண்ட பொதுமக்கள் இது நாங்கள் அனைவரும் சேர்ந்து எடுத்த முடிவு. இதற்காக அவர்களைக் கைது செய்யக் கூடாது என்று ஒரே குரலில் கோஷமிட்டனர்.
ஆனால் பொதுமக்கள் கூறியதைக் கண்டுகொள்ளாத காவல்துறையினர் ஊர்வலம் துவங்கினால் ஆடிட்டர் ரமேஷ் மற்றும் ஜெகதீஷ் இருவரையும் கைது செய்வோம் என்றனர். "நாங்கள் இருவரும் இந்தப் பிரச்சினைக்காகப் போராடி வருகிறோம். இதற்காக கைது செய்யப்பட்டால் மிகவும் பெருமை அடைவோம்" என்று இருவரும் கூற, போலீஸ் அதிகாரிகள் இருவரின் முகவரிகளைப் பெற்றுக் கொண்டு அங்கிருந்துச் சென்றனர். திட்டமிட்டபடி 23-03-1989 அன்று சத்தாபரண ஊர்வலம் மேளதாளத்துடன் அலங்கரிக்கப்பட்ட விளக்குகளுடன் இரவு 9.30 மணிக்கு துவங்கியது. பக்தர்கள் எழுப்பிய"அரோகரா" "அரோகரா" என்ற கோஷம் விண்ணைப் பிளந்தது. ஊர்வலம் துவங்கும்போது சுமார் 700 பேர் இருந்தனர். நேரம் செல்லச் செல்ல 2,000க்கும் அதிகமானோர் ஊர்வலத்தைப் பின்தொடர்ந்தனர். பஸ்நிலையம் அருகே சாலை மறிக்கப்பட்டு போலீஸ் ஜீப்புகள் நிறுத்தப்பட்டன. ஊர்வலம் நெருங்க நெருங்க தடுப்புகள் நீக்கப்பட்டு ஜீப்புகள் விலக்கிக் கொள்ளப்பட்டன.

அமைதியாகச் சென்று கொண்டிருந்த ஊர்வலம் குறுகலான ஒரு தெரு வழியாக வந்து கொண்டிருந்தபோது துப்பாக்கிகளுடனும், தடிகளுடனும் போலீசார் வழிமறித்தனர். அவர்களுக்கு முன் டி.எஸ்.பி, தாசில்தார், தம்மம்பட்டி இன்ஸ்பெக்டர், சப் - இன்ஸ்பெக்டர் ஆகியோர் நின்று கொண்டிருந்தனர். ஊர்வலத்தின் முன் அணியில் வந்து கொண்டிருந்த ஆடிட்டர் ரமேஷ் மற்றும் ஜெகதீஷ் இருவரையும் பேச்சுவார்த்தைக்கு டி.எஸ்.பி அழைத்தார். இருவரிடமும் என்ன செய்யப் போகிறீர்கள் என்று தாசில்தார் கேட்டார். " ஊர்வலம் திட்டமிட்டபடி நடக்கும்" என்றார் ஆடிட்டர் ரமேஷ். மசூதி முன்பு மேளம் அடிக்காமல் சென்றால் அனுமதிக்கிறேன். இல்லையெனில் துப்பாக்கிச் சூடு நடத்தப்படும் என்று தாசில்தார் மிரட்டினார்.

"மக்களிடம் உணர்ச்சி பொங்கும் இந்த நேரத்தில் எங்களுடன் ஒத்துழையுங்கள். இந்த நேரத்தில் மேளம் அடிக்காமல் செல்லுங்கள் என்று மக்களிடம் வேண்டுகோள் வைப்பது சாத்தியமல்ல. வேண்டுமானால் எங்களில் 10 பேரை கைது செய்யுங்கள். ஊர்வலத்தை ரத்து செய்து விடுகிறோம்" என்று ஆடிட்டர் ரமேஷ் கூறினார். இதனைக் கேட்ட டி.எஸ்.பி, "நாங்கள் உங்களை கைது செய்ய வரவில்லை. சுட வந்திருக்கிறோம்" என்றார். "அப்படியானால் சுடுங்கள். அதனை சந்தோஷமாக ஏற்கிறோம்" என்றார் ஜெகதீசன். அப்போது தாசில்தார் ஆடிட்டர் ரமேஷிடம், "உங்களில் 10 பேரை கைது செய்தால் ஊர்வலத்திற்கு வந்திருப்பவர்களை திரும்பிப் போகச் சொல்ல முடியுமா?" என்று கேட்டார். முடியும் என்று கூறி கூட்டத்தினரை நோக்கி ஊர்வலத்தை விட்டு கலைந்துச் செல்லுமாறு வெண்டுகோள் விடுக்க முயற்சிக்கும்போது ஆடிட்டர் ரமேஷ், ஜெகதீஷ் இருவரையும் போலீசார் கீழே தள்ளி தடியால் அடித்தனர்.
ஆடிட்டர் ரமேஷ் மற்றும் ஜெகதீஷ் இருவரையும் போலீசார் அடிப்பதைக் கண்ட ஆர்.எஸ்.எஸ் முழுநேர ஊழியர் செல்வராஜ், பொதுமக்களை போலீசார் அடிக்காமல் தடுப்பதற்காக போலீசார் முன்பாக வந்து நின்றார். அப்போது தம்மம்பட்டி காவல்நிலையத்தில் எழுத்தராக இருக்கும் முஸ்லிம் போலீஸ்காரர் துப்பாக்கியின் முனையில் இருக்கும் கத்தியால் செல்வராஜின் வயிற்றில் குத்திக் குடலை உருவினார். துடித்துக் கொண்டிருந்த செல்வராஜ் பிழைத்துக் கொண்டுவிடுவோரா என்று அவரது நெஞ்சில் சுட்டார் அந்த முஸ்லிம் எழுத்தர். செல்வராஜ் துடிதுடித்து உயிர் துறந்தார். செல்வராஜைக் கொன்றதோடு அந்த முஸ்லிம் எழுத்தரின் வெறி அடங்கவில்லை பழனிச்சாமி என்பவரையும் அவர் சுட்டுக் கொன்றார். இந்தச் சமயத்தில் போலீசார் ஊர்வலத்தில் திரண்டிருந்த ஹிந்துக்கள்மீது கண்மூடித்தனமாக தாக்குதல் நடத்தினார்கள். மக்களைத் துரத்தி துரத்தி துப்பாக்கியால் சுட்டனர். இதில் பலர் பலத்த காயமடைந்தனர். இந்த நேரத்தில் போலீசாரால் மின்சார இணைப்பு துண்டிக்கப்பட்டது. இந்தத் தாக்குதலில் 5 பேர் போலீசாரால் கொல்லப்பட்டதாகவும் மூன்று பேரின் உடல்களை போலீசார் ரகசியமாக அப்புறப்படுத்தி விட்டதாகவும் பொதுமக்கள் பேசிக்கொண்டனர்.(30-03-1989ல் சட்டப்பேரவையில் பேசிய ஷ்ரீரங்கம் எம்.எல்.ஏ வெங்கடேஸ்வர தீட்சிதர் 5 பேர் கொல்லப்பட்டதாக குறிப்பிட்டார்) போலீசார் தாங்கள் நடத்திய துப்பாக்கிச் சூட்டை நியாயப்படுத்துவதற்காக தங்கள் ஜீப் கண்ணாடியை தாங்களாகவே உடைத்துக் கொண்டு ஒரு நாடகத்தை அரங்கேற்றினார்கள்.

அத்தோடு போலீசாரின் வெறி அடங்கவில்லை. அன்று நள்ளிரவு வீடுவீடாகச் சென்று ஹிந்துக்களை மிரட்டி கைது செய்தனர். யார் யார் கைது செய்யப்பட்டார்கள் என்ற விவரத்தையும் போலீசார் வெளியிடவில்லை. போலீசார் நடத்திய துப்பாக்கிச் சூட்டில் இருவர் கொல்லப்பட்டதும், பலர் படுகாயம் அடைந்ததும், பலர்மீது பொய் வழக்குகள் போடப்பட்டதும் தம்மம்பட்டி ஹிந்துக்கள் கொதித்துப் போனார்கள். உடனே அனைத்துச் சமூகத்தினரும் ஒன்றுகூடி முஸ்லிம்களுடன் எந்தவிதத் தொடர்பும் வைத்துக் கொள்வதில்லை என்று முடிவு செய்தனர். அவர்களுக்கு பால் உட்பட எந்தப் பொருளும் விற்பதில்லை. அவர்களிடம் இருந்து எந்தப் பொருளையும் வாங்குவதில்லை என்று முடிவு செய்தனர். முஸ்லிம்களுக்கு சவரம் செய்ய எந்த சவரத் தொழிலாளியும் முன்வரவில்லை. துணி வெளுக்க, சலவை செய்ய சலவைத் தொழிலாளர்கள் மறுத்து விட்டனர். ஊரே முஸ்லிம்களைப் புறக்கணிக்க முடிவு செய்து அதனைச் செயல்படுத்த ஆரம்பித்ததும் அரசு நிர்வாகம் பணிந்தது. பேச்சுவார்த்தைக்கு அழைத்தது.

தம்மம்பட்டி ஹிந்துக்கள் முஸ்லிம்களை புறக்கணித்த ஆரம்பித்ததும் சேலம் ஆர்.டி.ஓ ஜக்மோகன் சிங் ராஜூ இரு தரப்பினரிடையே அமைதியை எற்படுத்தப் போகிறேன் என்று கூறி உண்ணாவிரதம் இருந்தார். உண்ணாவிரதம் இருந்த ஆர்.டி.ஓ ஜக்மோகன் சிங் ராஜூவை முஸ்லிம் பிரதிநிதிகள் சந்தித்துப் பேசினார்கள். இனி எக்காலத்திலும் சுவாமி ஊர்வலம் மேளதாளத்துடன் மசூதி வழியாகச் செல்லலாம் என்று எழுத்து மூலமாக அவரிடம் உறுதி அளித்தனர். முஸ்லிம்கள் எழுத்து மூலமாக உறுதி மொழி அளித்ததால் இப்பிரச்சினை அப்போது முடிவுக்கு வந்தது.

இந்தப் பிரச்சினையில் ஆடிட்டர் ரமேஷ், விஸ்வ ஹிந்து பரிஷத் முழுநேர ஊழியர் ஜெகதீசன், மண்மலை முருகன்கோயில் தர்மகர்த்தா கந்தசாமி உட்பட 22 பேர் போலீசார் வழக்குத் தொடர்ந்தனர். இந்த வழக்கு விசாரணைக்கு வந்தபோது இந்த 22 பேரையும் விடுதலை செய்து வழக்கை தள்ளுபடி செய்து நீதிபதிகள் உத்தரவிட்டனர். "ஹிந்துக்களின் மத சம்பிரதாயப்படி மேளதாளத்துடன் தாரை தப்பட்டை முழங்க மத ஊர்வலங்கள் நடப்பதை போலீசார் தடை செய்ய முடியாது. அப்படி மத சம்பிரதாயங்களுடன் ஊர்வலங்கள் நடப்பதற்கு போலீசார் பாதுகாப்பு அளிக்க வேண்டும். இப்படி நடக்கும் ஊர்வலத்தை தடுப்பவர்கள் மீது போலீசார் நடவடிக்கை எடுக்க வேண்டும்" என்று நீதிபதிகள் தீர்ப்பளித்தனர். 22 பேர் மீது போலீசார் தொடுத்த பொய் வழக்கு தள்ளுபடி செய்யப்பட்டதும், அப்போது நீதிபதிகள் அளித்த தீர்ப்பும் ஹிந்துக்களின் நியாயமான போராட்டத்திற்கு கிடைத்த மிகப்பெரிய வெற்றியாகும்.

தம்மம்பட்டி ஹிந்துக்கள் நிறைவேற்றிய தீர்மானங்கள்!

2007-10-13T04:28:00.000-08:00

தம்மம்பட்டி ரெட்டியார் மண்டபத்தில் 36 ஜாதிகளைச் சேர்ந்த 135க்கும் மேற்பட்ட பிரதிநிதிகள் பங்கேற்ற கூட்டம் நடைபெற்றது. இக்கூட்டத்தில் ஒருமனதாக எட்டு முக்கிய தீர்மானங்கள் நிறைவேற்றப்பட்டன. அவற்றின் சுருக்கம்.

தம்மம்பட்டி வாசவி மஹால் அருகில் வைக்கப்பட்ட விநாயகர் சிலையை மறைத்து முஸ்லிம்களின் கோரிக்கையை ஏற்று அரசு அதிகாரிகளால் வைக்கப்பட்டுள்ள திரைச்சீலையையும், தகரத் தடுப்பையும் உடனடியாக அகற்ற வேண்டும். அது வரை தம்மம்பட்டி நகரத்தில் வைக்கப்பட்டுள்ள அனைத்து விநாயகர் சிலைகளையும் விசர்ஜனம் செய்யப் போவதில்லை.

15.09.2007 அன்று கமிஷனர் தலைமையில் அமைதிப் பேச்சுவார்த்தை நடைபெற்றது. அப்போது தம்மம்பட்டி கூட்டுறவு வீடுகட்டும் சங்கத்தின் செயலாளராக இருக்கும் ஜாபர் சாதிக் அலி ஹிந்துப் பெரியவர்களை நோக்கி "உங்கள் நாடு நேபாளம். அங்கு சென்று பிழைத்துக் கொள்ளுங்கள். நேபாளத்திற்குச் சென்று விநாயகர் சிலையை வைத்துக் கொள்ளுங்கள்" என்று பேசியிருக்கிறார். அரசு ஊழியரான ஜாபர் சாதிக் அலியின் இந்தப் பேச்சை, இந்தக் கூட்டம் வன்மையாகக் கண்டிக்கிறது. அவர் அரசு பணியாற்ற தகுதியற்றவர்.

வாசவி மஹால் அருகில் வைக்கப்பட்டுள்ள விநாயகர் சிலையை மறைத்து வைக்கப்பட்டுள்ள தகரத் தடுப்பினை உடனடியாக அகற்றாவிட்டால் கடையடைப்பு, உண்ணாவிரதம் மற்றும் சாலை மறியல் போராட்டம் நடத்தப்படும். 17.09.2007 காலை 8 மணிக்கு பஸ் நிலையம் முன்பு உண்ணாவிரதம் நடைபெறும்.

மைனாரிட்டி மக்களுக்காக பெரும்பான்மை ஹிந்து சமுதாயத்தைப் புறக்கணிக்கும் அரசாங்கத்தின் நடவடிக்கைகள் கண்டிக்கத்தக்கது.

முஸ்லிம்கள் ஆக்கிரமித்துள்ள கோயில் நிலங்களை அவர்களிடம் இருந்து உடனடியாக மீட்க நடவடிக்கை எடுக்க வேண்டும்.

பஸ் நிலையத்தின் முன்பு வெங்கடேஸ்வரா ஹோட்டல் என்ற பெயரில் முஸ்லிம் மதத்தைச் சேர்ந்த ஒருவர் ஹோட்டல் நடத்துவதை இக்கூட்டம் வன்மையாகக் கண்டிக்கிறது. உடனடியாக இந்தப் பெயரை மாற்ற அரசு நடவடிக்கை எடுக்க வேண்டும்.

விநாயகர் சிலையை மறைத்து வைக்கப்பட்டுள்ள தகரத் தடுப்பு அகற்றப்படாவிட்டால் ஹிந்துக்களாகிய நம் ஒவ்வொருவர் வீட்டிலும் கருப்புக் கொடி ஏற்றி நமது எதிர்ப்பினைத் தெரிவிக்க வேண்டும்.

வாசவி மஹால் அருகே வைக்கப்பட்டுள்ள விநாயகர் சிலைக்கு தினசரி பூஜைகள் சிறப்பாக நடத்தப்படும். ஹிந்துக்கள் தங்களால் இயன்றவரை பிரசாதங்கள் வினியோகம் செய்து விநாயகரை வழிபட வேண்டுமென இக்கூட்டம் வலியுறுத்துகிறது.

தம்மம்பட்டியில் நடந்தது என்ன?

2007-10-13T04:22:00.000-08:00

15.09.2007 அன்று வாசவி மஹால் அருகே வழக்கம்போல விநாயகர் சிலை பிரதிஷ்டை செய்யப்பட்டது.

15.09.2007 காலை பத்துமணிக்கு தம்மம்பட்டி மசூதியில் இருந்து, "மானமுள்ள முஸ்லிம்கள் உடனடியாக ரோட்டிற்கு வரவேண்டும். ஹிந்துக்களின் கடைகளில் பொருட்கள் வாங்கக் கூடாது" என்ற அறிவிப்பு வெளியிடப்பட்டது.

மசூதி ஒலிபெருக்கியில் இருந்து அழைப்பு வந்ததும் பெண்கள் உட்பட நூற்றுக்கணக்கான முஸ்லிம்கள் சாலை மறியலில் ஈடுபட்டனர்.

முஸ்லிம்கள் சாலை மறியலில் ஈடுபட்டதற்கு எதிர்ப்பு தெரிவித்து 15.09.2007 மாலை 3 மணிக்கு 3,000க்கும் அதிகமான ஹிந்துக்கள் தம்மம்பட்டி நெடுஞ்சாலையில் குவிந்தனர். யாரும் அழைப்பு விடுக்காத நிலையில் தாங்களாகவே ஹிந்துக்கள் அனைவரும் கடையடைப்பு நடத்தினார்கள்.

15.09.2007 இரவு 7 மணிக்கு கமிஷனர் கோபாலகிருஷ்ணன், டி.ஐ.ஜி செண்பகராமன் தலைமையில் அமைதிப் பேச்சுவார்த்தை நடந்தது. அப்போது தம்மம்பட்டி கூட்டுறவு வீடுகட்டும் சங்கத்தின் செயலாளராக இருக்கும் ஜாபர் சாதிக் அலி ஹிந்துப் பெரியவர்களை நோக்கி "உங்கள் நாடு நேபாளம். அங்கு சென்று பிழைத்துக்கொள்ளுங்கள். நேபாளத்திற்கு சென்று விநாயகர் சிலையை வைத்துக் கொள்ளுங்கள்" என்று பேசினார். இதனால் பேச்சுவார்த்தை முறிந்தது.

15.09.2007 இரவு 9 மணிக்கு மீண்டும் பேச்சுவார்த்தை நடந்தது. இதில் பா.ஜ.கமாநிலப் பொதுச்செயலாளர் ஆடிட்டர் ரமேஷ், இந்து முன்னணி மாவட்டத் தலைவர் எஸ்.சி.தண்டபாணி, பா.ஜ.க மாவட்டப் பொறுப்பாளர் பி.கந்தசாமி உள்ளிட்ட 10 பேர் ஹிந்துக்கள் தரப்பில் பங்கேற்றனர். ஹிந்துப் பிரதிநிதிகள் வன்முறையைத் தவிர்ப்பதற்காக விநாயகர் சிலைக்கு முன்பு திரைச்சீலை அமைக்க வேண்டும். தொழுகை நேரத்தில் பூஜை கூடாது போன்ற போலீசாரின் நிபந்தனைகளுக்கு உடன்பட்டனர். இதனை பொதுமக்கள் ஏற்கவில்லை.

16.09.2007 அன்று 36 ஜாதிகளைச் சேர்ந்த 135 க்கும் மேற்பட்ட பிரதிநிதிகள் பங்கேற்ற கூட்டம் நடைபெற்றது. இதில் 8 முக்கியத் தீர்மானங்கள் நிறைவேற்றப்பட்டன.

ஊர்க் கூட்டத்தில் நிறைவேற்றப்பட்ட தீர்மானங்களில் மறுநாள் 17.09.2007 அன்று பஸ்நிலையத்தில் உண்ணாவிரதம் நடைபெற்றது.

அமைதியாக உண்ணாவிரதப் போராட்டத்தில் ஈடுபட்ட ஹிந்துக்கள்மீது நாமக்கல் எஸ்.பி.நிக்கல்சன் தடியடி நடத்த உத்தரவிட்டார். அவரது உத்தரவை ஏற்று நடந்த தடியடியில் கர்ப்பிணிப் பெண்கள் உட்பட ஏராளமானோர் படுகாயம் அடைந்தனர்.

போலீசார் தாங்கள் நடத்திய தடியடிக்குக் காரணம் காட்டுவதற்காக பா.ஜ.க மாநிலப் பொதுச் செயலாளர் ஆடிட்டர் ரமேஷ் உட்பட 500 க்கும் அதிகமான அப்பாவி ஹிந்துக்கள்மீது கொலை முயற்சி, பொதுச் சொத்துக்களுக்கு சேதம் விளைவித்தல் போன்ற கடுமையான பிரிவின்கீழ் வழக்கு பதிவு செய்தனர்.

கோவை மேற்கு மண்டல ஐ.ஜி.ராஜேந்திரன் தம்மம்பட்டிக்கு வந்து விசாரணை நடத்தினார். அதன் பிறகு தம்மம்பட்டி இன்ஸ்பெக்டர் ஜகந்நாதன் டிரான்ஸ்பர் செய்யப்பட்டு காத்திருப்பவர் பட்டியலில் வைக்கப்பட்டார்.

தம்மம்பட்டியில் உண்ணாவிரதம் இருந்த ஹிந்துக்கள் மீது போலீசார் தடியடி - பொய் வழக்கு!

2007-10-13T03:55:00.000-08:00

கடந்த செப்டம்பர் 15 ஆம் தேதி காலை 10 மணிக்கு சேலம் மாவட்டம் தம்மம்பட்டியில் உள்ள மசூதியின் ஒலிபெருக்கி திடீரென அலறியது. "மசூதியின் வாசல் எதிரே விநாயகர் சிலை வைக்கப்பட்டிருக்கிறது. அந்தச் சிலையை அகற்றப் போராட்டம் நடத்த வேண்டும். இனி ஹிந்துக் கடைகளில் பொருள்கள் வாங்கக்கூடாது. மானமுள்ள முஸ்லிம்கள் உடனடியாக ரோட்டிற்கு வரவேண்டும்" என்று அந்த ஒலிபெருக்கியிலிருந்து கட்டளை, காற்று வழியாக பறந்து வந்தது. உடனே 100 க்கும் மேற்பட்ட முஸ்லிம்கள் தம்மம்பட்டி - திருச்சி நெடுஞ்சாலையின் குறுக்கே அமர்ந்து மறியல் செய்தனர். இந்த மறியலில் குறிப்பிடத் தக்க அளவில் முஸ்லிம் பெண்களும் பங்கேற்றனர்.

சாலை மறியலில் ஈடுபட்ட முஸ்லிம்கள் தம்மம்பட்டி காவல் நிலையத்தையும் முற்றுகையிட்டனர். முஸ்லிம்கள் ஹிந்துக்களுக்கு எதிராக சாலை மறியலில் ஈடுபடும் செய்தி பரவியது. தம்மம்பட்டியில் பதட்டம் ஏற்பட்டது. இதனால் இந்து முன்னணி போன்ற ஹிந்து இயக்கத் தலைவர்களை காவல்துறையினர் பேச்சுவார்த்தைக்காக அழைத்துச் சென்றனர். ஹிந்து இயக்கத் தலைவர்கள் காவல்நிலையத்திற்கு அழைத்துச் செல்லப்பட்ட செய்தி பரவியதும், ஹிந்துக்கள் அனைவரும் வீதிக்கு வரத் தொடங்கினர். மாலை 3 மணி அளவில் யாரும் எந்த அழைப்பும் விடுக்காத போதும் ஹிந்துக்கள் அனைவரும் தங்கள் கடைகளை அடைத்துவிட்டு வீதியில் குவிந்தனர்.

ஹிந்துக் கடைகளில் பொருட்கள் வாங்காதீர்கள் என்றும் மானமுள்ள முஸ்லிம்கள் வீதிக்கு வரவேண்டும் என்றும் மசூதி ஒலிபெருக்கியில் அறிவித்தது ஹிந்துக்களைக் கொதிப்படையச் செய்தது. 1989 இல் தம்மம்பட்டியில் முருகன் கோயில் ஊர்வலத்தின் போது முஸ்லிம்கள் நடத்திய கலவரமும் அதில் இரண்டு ஹிந்துக்கள் கொல்லப்பட்டதும் மக்களின் மனதில் மறையாத வடுவாக இருந்ததால் இந்த முறை ஹிந்துக்கள் விழிப்புடன் போராடத் தயாரானார்கள்.

செப்டம்பர் 15 ஆம் தேதி தம்மம்பட்டியில் அனைத்துக் கடைகளும் அடைக்கப்பட்டன. தம்மம்பட்டி - திருச்சி நெடுஞ்சாலையில் 3000 க்கும் அதிகமான ஹிந்துக்கள் கூட்டமாகத் திரண்டிருந்தனர். இந்தச் சூழ்நிலையில் இரவு 7 மணிக்கு கமிஷனர் கோபாலகிருஷ்ணன், டி.ஐ.ஜி.செண்பகராமன் தலைமையில் ஹிந்து - முஸ்லிம் பிரதிநிதிகளுக்கிடையே பேச்சுவார்த்தை நடந்தது. இந்தப் பேச்சுவார்த்தையின் போது முஸ்லிம் பிரதிநிதிகள், குறிப்பாக வீட்டு வசதி சங்கச் செயலாளர் ஜாபர் சாதிக் அலி, "பாகிஸ்தான் ஜிந்தாபாத்! இது முஸ்லிம்கள் நாடு. நீங்கள் நேபாளத்திற்கு போங்கள். அங்கு போய் சிலை வையுங்கள்" என்று ஆணவமாகப் பேசியதால் பேச்சு வார்த்தை முறிந்தது.

ஹிந்துக்களை `நேபாளத்திற்குப் போங்கள்' என்று முஸ்லிம்கள் பேசிய தகவல்கிடைத்ததும் நடுரோட்டில் திரண்டிருந்த ஹிந்துக்களின் உள்ளம் கொதித்தது. ஹிந்து இயக்கத் தலைவர்கள் அவர்களை அமைதிப்படுத்தினார்கள். இந்த நிலையில் கோட்டாட்சியர் பாஸ்கரபாண்டியன் தலைமையில் இரவு 9 மணிக்கு மீண்டும் பேச்சுவார்த்தைத் துவங்கியது. ஹிந்துக்கள் தரப்பில் பா.ஜ.க மாநிலப் பொதுச் செயலாளர் ஆடிட்டர் ரமேஷ், ஹிந்து முன்னணி மாவட்டத் தலைவர் எஸ்.சி.தண்டபாணி, பா.ஜ.க மாவட்டப் பொறுப்பாளர் பி.கந்தசாமி உள்ளிட்ட 10 பேர் கலந்து கொண்டனர். அப்போது விநாயகர் சிலை ஏன் மசூதி வாசல் அருகில் வைக்கப்பட்டது? என்ற கேள்வி எழுப்பப்பட்டது. "மசூதி வாசல் சில ஆண்டுகளுக்கு முன்புதான் இடமாற்றம் செய்யப்பட்டது. முன்பு மேற்குப் புறத்தில் இருந்த வாசல் இப்போது கன்னிகா பரமேஸ்வரி ஆலயத்தின் முன்பு மாற்றப்பட்டுள்ளது. அந்த இடத்தில்தான் ஆண்டுதோறும் விநாயகர் சிலை வைக்கப்பட்டு வருகிறது. முஸ்லிம்கள் மசூதி வாசலை மாற்றிவிட்டு சிலை வைக்கக்கூடாது என்று சொல்வது எந்த விதத்தில் நியாயம்?" என்று ஹிந்துக்கள் தரப்பில் பதிலளிக்கப்பட்டது. இதனை தம்மம்பட்டி காவல் உதவி ஆய்வாளர் அம்சவள்ளி அவர்களும் உறுதிப்படுத்தினார்.
விநாயகர் சிலை வைப்பதற்கு அனுமதி பெறப்பட்டதா? என்ற கேள்விக்கு, "பல வருடங்களாக எங்கு விநாயகர் சிலை வைக்கப்பட்டாலும் காவல்துறைக்கு தகவல் கொடுத்து விட்டே வைக்கிறோம். இந்த ஆண்டும் தகவல் கொடுக்கப்பட்ட பிறகே சிலை வைக்கப்பட்டது. முஸ்லிம்கள் பிரச்சினை செய்யும் கன்னிகா பரமேஸ்வரி கோயில் அருகிலும் அனுமதி பெற்றே சிலை வைத்தோம். காவல்துறை எவ்வித ஆட்சேபணையும் தெரிவிக்கவில்லை" என்பதை ஹிந்துப் பிரதிநிதிகள் சுட்டிக்காட்டினார்கள்.

ஹிந்துக்கள் தரப்பில் நியாயம் இருந்ததால் பேச்சுவார்த்தை ஹிந்துக்களுக்கு சாதகமாகவே சென்று கொண்டிருந்தது. ஆனால் காவல்துறையின் பெரும்பகுதியினர் விநாயகர் சிலையை அப்புறப்படுத்துவதிலேயே குறியாக இருந்தனர். ஆளும் கட்சி மற்றும் காவல்துறையின் ஹிந்து விரோதப் போக்கின் காரணமாக கையெழுத்துப் பெற்று சிலையை அகற்றுவது அல்லது ஹிந்துப் பிரதிநிதிகளை தேசியப் பாதுகாப்புச் சட்டத்தின் கீழ் சிறையில் அடைத்துவிட்டு, சிலையை அகற்றுவது என்று போலீசார் திட்டமிட்டிருந்தனர். இதற்காக வெளியே கூடியிருந்த ஆயிரக்கணக்கான ஹிந்துக்கள் மீது தடியடி நடத்திடவும் போலீசார் திட்டமிட்டிருந்த செய்தியினை அவர்களின் நடவடிக்கையின் மூலம் ஹிந்துப் பிரதிநிதிகள் அறிந்து கொண்டனர்.

எக்காரணத்தை முன்னிட்டும் கலவரம் ஏற்பட்டுவிடக் கூடாது. இந்தப் பிரச்சினையால் எந்த ஒரு ஹிந்துவுக்கும் பாதிப்பு ஏற்பட்டுவிடக் கூடாது' என்பதில் ஹிந்துப் பிரதிநிதிகள் உறுதியாக இருந்தனர். இதனால் போலீசாரின் ஒரு சில நிபந்தனைகளுக்கு ஒப்புதல் அளித்தனர். அதன்படி மசூதி மற்றும் விநாயகர் சிலை இவற்றிற்கு நடுவே திரைச்சீலை அமைப்பது என்றும், தொழுகை நேரத்தில் மேளதாளங்கள் ஒலிப்பதில்லை என்றும் விருப்பம் இல்லாவிட்டாலும் ஹிந்துக்கள் பொது அமைதி கருதி இவற்றிற்கு ஒப்புக்கொண்டனர். இது நடந்த போது இரவு 11.30 மணி. அந்த நேரத்தில் ஹிந்துப் பிரதிநிதிகள் வெளியே வந்து, திரண்டிருந்த ஆயிரக்கணக்கான பொதுமக்களிடம் நிலைமையை எடுத்துக் கூறினர். அவர்களிடம், சிலையை ஏன் மறைக்க வேண்டும்? பூஜை நேரத்தை ஏன் மாற்றவேண்டும்? என்று சரமாரியாக மக்கள் கேள்வி எழுப்பினார்கள். இதனால் பதட்டம் அதிகரித்தது. இந்தப் பதட்டம் கலவரமாக மாறிவிடக் கூடாது என்பதால், "உடனடியாகக் கலைந்து செல்லுங்கள். நாளை (செப்டம்பர் 16) காலை 10 மணிக்கு பஸ்நிலையம் அருகில் உள்ள ஊராட்சித் துவக்கப்பள்ளிக்கு அனைவரும் வாருங்கள்" என்று கூறி சூழ்நிலையை சுமூகமாக்கினார்கள்.

செப்டம்பர் 16 ஆம் தேதி ஞாயிறன்று தம்மம்பட்டி நகரமே மயான அமைதியில் ஆழ்ந்தது. கடைகள் அனைத்தும் அடைக்கப்பட்டன.பொதுமக்கள் அனைவரும் பஸ்நிலையம் அருகில் உள்ள ஊராட்சி துவக்கப்பள்ளியில் திரண்டனர். திரைச்சீலை வைப்பதற்கு ஒப்புதல் பெற்ற போலீசார், விநாயகர் சிலையைச் சுற்றி தகர சீட்களை வைத்து அடைத்தனர். திரைச்சீலை வைத்து மறைப்பதையே ஏற்றுக்கொள்ளாத ஹிந்துக்கள் காவல்துறையின் இந்த முறைகேடான செயலால் கொதிப்படைந்தனர். இதனால் சூழ்நிலை மேலும் மோசமாகியது. ஆயிரக்கணக்கான மக்கள் பஸ் நிலையம் அருகில் உள்ள ஊராட்சித் துவக்கப்பள்ளியில் குவிந்தனர். அவர்கள் மத்தியில் பேசிய இந்து முன்னணி மாவட்டத் தலைவர் எஸ்.சி.தண்டபாணி செப்டம்பர் 15 ஆம் தேதி பேச்சுவார்த்தையின் போது நடந்தது என்ன என்பதையும், எந்த ஒரு ஹிந்துவும் ஒரு சொட்டு ரத்தம் கூட சிந்தக் கூடாது என்பதற்காகவும், ஹிந்துக்களின் உடைமைகளுக்கு சேதம் ஏற்படக் கூடாது என்பதற்காகவும் விருப்பம் இல்லாத போதிலும் சில நிபந்தனைகளை ஏற்றுக்கொள்ள வேண்டும் என்பதை விளக்கினார். ஆனால் போலீசார் ஒப்புக்கொண்ட படி நடந்து கொள்ளவில்லை. முஸ்லிம்களுக்கு ஆதரவாக நடந்து கொண்டனர். அதனால் இனி ஊர்மக்கள் அனைவரும் சேர்ந்து எடுக்கும் எந்த ஒரு முடிவுக்கும் இந்து முன்னணி மற்றும் இந்து இயக்கங்கள் உடன்படும் என்று தெரிவித்தார்.
இதனை ஏற்றுக்கொண்ட ஊர்மக்கள் இனி நாமே முடிவு செய்வோம் என்றனர். இங்குக் கூட்டம் அதிகமாக இருப்பதால் மாலை 3 மணிக்கு ரெட்டியார் மண்டபத்தில் நடக்கும் கூட்டத்தில் அனைத்து ஜாதிகளைச் சேர்ந்த பிரதிநிதிகள் மட்டும் பங்கேற்கும் கூட்டம் நடைபெறும் என அறிவித்தனர். மாலை 4 மணிக்கு ஜாதிக்கு மூன்று பேர் என 36 ஜாதிகளை சேர்ந்த 135 க்கும் மேற்பட்டோர் கூடி விவாதித்தனர். அப்போது மண்டபத்தில் 2,000 க்கும் அதிகமான பொதுமக்கள் கூட்டம் நடந்த உணவுக் கூடத்திற்கு வெளியே காத்திருந்தனர். இந்த ஆலோசனைக் கூட்டத்தில் 8 தீர்மானங்கள் நிறைவேற்றப்பட்டன. (பார்க்க : பெட்டிச் செய்தி) இந்தத் தீர்மானங்களில் அனைத்து ஜாதிப் பிரதிநிதிகளும் கையெழுத்திட்டனர். இரவு 8 மணிக்கு இந்தத் தீர்மானத்தின் நகலைக் காவல்துறையிடம் ஒப்படைப்பது என முடிவு செய்தனர். அதற்குள் பொதுமக்களின் இரண்டு நாள் தொடர் போராட்டம், 3,000 க்கும் அதிகமான மக்களின் கூட்டம் இவற்றைக் கண்ட காவல்துறை விநாயகர் சிலைக்கு முன்பு இருக்கும் தகரத் தடுப்பை மட்டும் அகற்றியது.

தகரத் தடுப்பு அகற்றப்பட்ட செய்தியை கேள்விப்பட்ட மக்கள் அந்தச் சிலையை வழிபட ஊர்வலமாகச் சென்றனர். காவல்துறையினர் ஹிந்துக்களுக்கு விரோதமாக இருக்கும்போது ஆயிரக் கணக்கான மக்கள் ஊர்வலமாக சென்றால் விளைவுகள் எப்படி வேண்டுமானாலும் இருக்கலாம். காவல்துறையினர் ஹிந்துக்களின்மீது தடியடி நடத்தலாம் என்பதால் ஹிந்து இயக்கப் பொறுப்பாளர்களும், ஊர்த்தலைவர்களும் மக்கள் ஊர்வலமாகச் செல்வதை தடுத்தனர். மக்களை சிறிது சிறிதாகக் கலைத்து வீட்டுக்கு அனுப்பினர். ஆனால் மண்டப வாயிலில் கூடியிருந்த மக்கள் வீட்டுக்குச் செல்ல மனமில்லாமல் பேருந்து நிலையத்தில் கூடினார்கள். அந்த இரவிலும் 2,000 க்கும் அதிகமான பொதுமக்கள் அங்கு திரண்டிருந்தனர். சூழ்நிலை மிகவும் அபாயகரமாக இருந்தது. திரண்டிருந்த 2,000 ஹிந்துக்களைச் சுற்றி காவல்துறையினர் ஒரு வளையம் அமைத்தனர். இதனால் ஹிந்து இயக்கத்தினர் உதவியுடன் இளைஞர்கள் தனித்தனியாக பேசி மக்கள் அனைவரையும் அங்கிருந்து வீட்டிற்கு அனுப்பினார்கள்.
இந்நிலையில் இரவு 11 மணிக்கு கோட்டாட்சியாளர் பாஸ்கரபாண்டியன் ஹிந்துக்களை மீண்டும் பேச்சுவார்த்தைக்கு அழைத்தார். பேச்சுவார்த்தை நடந்து கொண்டிருக்கும் போது சேகர் என்ற தனிநபர் காவல் துறையினரின் கைப்பாவையாக மாறி ஊர்த் தலைவர்கள் எடுத்த முடிவுக்கு எதிராக சில கருத்துக்களைக் கூறி நிலைமையைக் குழப்பினார். ஊர்த் தலைவர்கள் சேகரின் கருத்துக்கு எதிர்ப்பு தெரிவித்தனர். ஆனாலும் காவல் துறையினர் கூட்டம் முடிந்து விட்டது என்று அவசர அவசரமாக வெளியேறிவிட்டார்கள்.

செப்டம்பர் 16 ஆம் தேதி காலை நடந்த ஊர்க் கூட்டத்தில் எடுக்கப்பட்ட தீர்மானத்தின் படி மறுநாள் (செப்டம்பர் 17) ஹிந்துக்கள் அனைவரும் தங்கள் வீடுகளில் கருப்புக் கொடிகளை ஏற்றினார்கள். கருப்பு பேச் அணிந்து பஸ்நிலையத்தில் உண்ணாவிரதம் இருக்கவும் முடிவு செய்தனர். இதனால் மூன்றாவது நாளும் மயான அமைதியுடனே விடிந்தது. மூன்றாவது நாளாக அன்றும் கடைகள் அடைக்கப்பட்டன. இந்த மூன்று நாளும் கடைகளை அடைக்க வேண்டும் என்று யாரும் கூறவில்லை. மக்கள் தாமாகவே முன்வந்து கடைகளை அடைத்தனர் என்பது குறிப்பிடத்தக்கது.

செப்டம்பர் 17 ஆம் தேதி காலை 10 மணிக்கு சுமார் 750 க்கும் மேற்பட்டவர்கள் கருப்பு பேச் அணிந்து பஸ் நிலையத்தில் உண்ணாவிரதம் இருக்கத் தொடங்கினார்கள். நேரம் செல்ல செல்ல கூட்டம் அதிகரித்தது. சுமார் 12 மணி அளவில் 500 பெண்கள் உட்பட 2,000 க்கும் அதிகமானோர் உண்ணாவிரதப் பந்தலில் அமர்ந்திருந்தனர். இந்த உண்ணாவிதரம் கலவரத்தில் முடிந்துவிடக் கூடாது என்பதற்காக ஹிந்து இயக்கப் பொறுப்பாளர்களும், ஊர்த்தலைவர்களும் மைக்கில் பேசுவதைக் கூட தவிர்த்தனர். ஹிந்து மக்களின் ஒற்றுமையையும் போராட்ட வேகத்தையும் கண்ட அரசு பணிய ஆரம்பித்தது. கோட்டாட்சியர் பாஸ்கர பாண்டியன் தலைமையில் ஒரு அரசு அதிகாரிகள் குழு முஸ்லிம்களிடம் பேச்சுவார்த்தைக்குச் சென்றது. 12.30 மணிக்கு பஸ் நிலையத்தில் உண்ணாவிரதம் நடந்து கொண்டிருந்த இடத்துக்கு வந்த கோட்டாட்சியர் பாஸ்கர பாண்டியன் ஹிந்துப் பிரதிநிதிகள் மீண்டும் பேச்சுவார்த்தைக்கு வரவேண்டும் என்று அழைத்தார். எதுவாக இருந்தாலும் பொதுமக்கள் முன்னிலையில் தான் பேசவேண்டும் என்று ஹிந்துப் பிரதிநிதிகள் கூறிவிட்டனர். செப்டம்பர் 16 ஆம் தேதி இரவு பேச்சுவார்த்தைக்கு அழைத்துப் பேச வாய்ப்பளிக்காததைச் சுட்டிக்காட்டி கோட்டாட்சியர் பாஸ்கரபாண்டியனின் அழைப்பை ஹிந்துப் பிரதிநிதிகள் நிராகரித்தனர்.

"நான் முஸ்லிம்களிடம் பேச்சுவார்த்தை நடத்தினேன். அவர்கள் ஹிந்துக்கள் இல்லாமல் நாங்கள் வாழ முடியாது. ஹிந்துக்களுடன் இணக்கமாகவே வாழ விரும்புகிறோம். எங்கள் சமூகத்தை சேர்ந்த சில இளைஞர்கள் வழி தவறிப்போய் அரசியல் ஆதாயத்திற்காக பிரச்சினை செய்துவிட்டனர். அவர்கள் விநாயகர் சிலையை வைத்துக் கொள்ளட்டும். திரையை எடுத்து விடலாம் என்றும் முஸ்லிம்கள் கூறினார்கள். எனவே என்னுடன் வாருங்கள். திரையை அகற்றிவிடலாம் " என்று கோட்டாட்சியர் பாஸ்கர பாண்டியன் அவராகவே முன்வந்து ஹிந்துப் பிரதிநிதிகளிடம் கூறினார். உடனடியாக ஹிந்து முன்னணி மாவட்டத் தலைவர் எஸ்.சி.தண்டபாணி தலைமையில் சிலர், கோட்டாட்சியர் பாஸ்கர பாண்டியனுடன் சேர்ந்து திரையை அகற்றி விநாயகர் சிலைக்கு பூஜை செய்து வழிபட்டனர்.
தம்மம்பட்டி பஸ் நிலையம் அருகே வெங்கடேஸ்வரா என்ற பெயரில் முஸ்லிம் ஒருவர் கடை நடத்தி வருகிறார். `ஹிந்துக் கடவுளின் பெயரில் முஸ்லிம் கடை நடத்தக் கூடாது. பெயரை மாற்றவேண்டும்' என்று உண்ணாவிரதப் பந்தலில் இருந்த மக்கள் காவல்துறைக்குக் கோரிக்கை விடுத்தனர். உண்ணாவிரதம் இருந்த சில இளைஞர்கள் இப்போதே வெங்கடேஸ்வரா என்ற பெயர்ப் பலகையை எடுக்க வேண்டும் என்று குரல் கொடுத்தனர். இந்த நேரத்தில் நாமக்கல் எஸ்.பி.நிக்கல்சன் ஹிந்துக்கள்மீது தடியடி நடத்த உத்தரவிட்டார். எஸ்.பி.உத்தரவிட்டதும் போலீசார் காட்டுமிராண்டித்தனமாக ஹிந்துக்களை தாக்கத் தொடங்கினார்கள். போலீசாரின் இந்த மனிதாபிமானமற்ற தடியடியில் கர்ப்பிணிப் பெண் உட்பட 9 தாய்மார்கள் பலத்த காயமடைந்தனர். ஹிந்து இயக்கத் தலைவர்களும், ஊர்த் தலைவர்களும் கோட்டாட்சியர் பாஸ்கர பாண்டியனுடன் விநாயகர் சிலையை வழிபடச் சென்றிருந்த 20ஆவது நிமிட நேரத்தில் இந்தச் சம்பவம் நடந்தது. உண்ணாவிரதம் நடந்த இடத்திற்கு திரும்பிய ஹிந்து இயக்கத் தலைவர்கள் எஸ்.பி.யிடம் "ஏன் தடியடி நடத்தினீர்கள்? கர்ப்பிணிப் பெண்களை ஏன் தாக்கினீர்கள்" என்று வாக்குவாதம் செய்தனர். தடியடி நடத்திய காவல்துறை அதிகாரிகள்மீது ஹிந்துக்கள் போலீசில் புகார் அளித்தனர். இவ்வளவு சம்பவமும் மதியம் 1.30 மணிக்குள் நடந்து முடிந்தது.

தேவையில்லாமல் ஹிந்துக்கள்மீது நடத்திய தடியடிக்கு காரணம் தேடியும், முஸ்லிம்களை திருப்திப்படுத்துவதற்காகவும் காவல்துறை மதியம் 2.15 மணிக்கு மேல் தனது கோர முகத்தை காட்டத் தொடங்கியது. 3 நாள் தொடர் பந்த் நடத்தியும் எந்த வித வன்முறையிலும் ஈடுபடாமலும் அமைதி காத்த ஹிந்துக்கள்மீது காவல்துறை தனது சுய முகத்தை காட்டத் துவங்கியது. காவல்துறையினர் முஸ்லிம்களுக்கு ஆதரவாகச் செயல்பட்டதால் தம்மம்பட்டியில் பொதுமக்கள் காவல்துறையினருக்கு எந்த வசதியும் அளிக்க மறுத்துவிட்டனர். மூன்று நாட்களும் கடையடைப்பு நடந்ததால் போலீசாருக்கு தம்மம்பட்டியில் உணவுக்கும் வழியில்லை. 1989 ஆம் ஆண்டு கலவரத்தின்போது முஸ்லிம்கள் ரெட்டியார் மண்டபத்தில் தங்கியிருந்தனர். அப்போது போலீசார் ஹிந்துக்கள்மீது துப்பாக்கிச் சூடு நடத்தியதால் ரெட்டியார் சமூகத்தினர் போலீசாருக்கு மண்டபம் தரமுடியாது எனக் கூறி மண்டபத்தை மூடிவிட்டனர். அதனால் போலீசார் தம்மம்பட்டி உடையார்பாளையம் ஷ்ரீனிவாசா திருமண மண்டபத்தில் தங்கினார்கள். செப்டம்பர் 15-ம் தேதியிலிருந்து போலீசாரின் நடவடிக்கைகளால் வெறுத்துப்போன மண்டப உரிமையாளர் ஊர்மக்களுடன் ஒத்துப்போக வேண்டும் என்று கூறி மண்டபத்தைக் காலி செய்யுமாறு போலீசாரிடம் கூறிவிட்டார். ஆனாலும் காவலுக்கு வந்த பெண் போலீசாருக்கு மட்டும் தங்கள் வீடுகளில் தங்க அனுமதித்தனர்.

இதனால் கோபமடைந்த காவல்துறையினர் ஹிந்துக்களை வேட்டையாடத் தொடங்கினார்கள். செப்டம்பர் 17 ஆம் தேதி மாலை 5 மணிக்குள் 89 அப்பாவி ஹிந்துக்களைக் கைது செய்தனர். அதோடு போலீசாரின் வெறி அடங்கவில்லை. கன்னிகா பரமேஸ்வரி கோயிலுக்கு அருகே வைக்கப்பட்டிருந்த விநாயகர் சிலையை உடனடியாக அப்புறப்படுத்தினார்கள். தம்மம்பட்டியில் பல இடங்களில் விநாயகர் சிலை வைக்கப்பட்டிருந்தது. அவர்களையெல்லாம் மிரட்டி நாளைக்குள் (செப்டம்பர்18) அனைத்து விநாயகர் சிலைகளையும் எடுத்துவிட வேண்டும் என்று மிரட்டத் தொடங்கினார்கள். போலீசார் தங்கள் கண்ணில் தென்படும் ஹிந்துக்களை எல்லாம் கைது செய்தனர். பா.ஜ.க மாநிலப் பொதுச்செயலாளர் ஆடிட்டர் ரமேஷை ஐ.ஜி பேச்சுவார்த்தைக்கு அழைக்கிறார் என்று கூறி அழைத்துச் சென்று நள்ளிரவில் கைது செய்தனர். கைது செய்த ஹிந்துக்கள் அனைவர் மீதும் 307(கொலை முயற்சி)பிரிவின் கீழ் வழக்குப் பதிவு செய்தனர். ஆனால் முஸ்லிம்கள் தரப்பில் கைது செய்யப்பட்ட 30 பேர் மீதும் சாதாரண பிரிவுகளில் வழக்குப் பதிவு செய்தனர்."கூட்டமாக நின்று மறியல் செய்தனர். கலைந்து செல்லுங்கள் என்று கூறியதும் கலைந்து சென்று விட்டார்கள்" என்று முஸ்லிம்கள்மீது எஃப்.ஐ.ஆர் பதிவு செய்தனர். அதே நேரத்தில் 30 ஹிந்துக்கள் மீது `கொன்று விடுவேன் என மிரட்டியது, பொதுச் சொத்துக்களுக்கு சேதம் விளைவித்தது' எனக் கடுமையான பிரிவுகளில் வழக்குப் பதிவு செய்தனர். ஆனால் மூன்று நாட்கள் தொடர் பந்த் நடந்தும் தம்மம்பட்டியில் எந்தவித வன்முறை சம்பவங்களும் நிகழவில்லை. இதனைக் காவல்துறையே ஒப்புக் கொண்டுள்ளது. காவல்துறை நீதிமன்றத்திற்கு சமர்ப்பித்த மனுவில், "1000க்கும் மேற்பட்டோர் கலவரத்தில் ஈடுபட்டனர் என்றும் அதன்மூலம் ரூ.2,000 மதிப்புள்ள பொருட்கள் சேதமடைந்தன" என்றும் கூறியுள்ளது. இதன்மூலம் ஹிந்துக்கள்மீது பொய் வழக்குகள் தொடுக்கப்பட்டதை காவல்துறையே பகிரங்கமாக ஒப்புக் கொண்டுள்ளது.

இவ்வளவு செய்தும் காவல்துறையினருக்கு வெறி அடங்கவில்லை. முஸ்லிம்களைத் திருப்தி படுத்துவதற்காக தொடர் நடவடிக்கைகளில் இறங்கினார்கள். செப்டம்பர் 17 ஆம் தேதி இரவு ஹிந்து இயக்கப் பொறுப்பாளர்களின் வீடுகளுக்குள் அத்துமீறி நுழைந்த போலீசார் பெண்களிடம் அநாகரிமாக நடந்துள்ளனர்.அவமானப்படுத்தியுள்ளனர். தேடிவந்த நபர் இல்லாதபோது வீட்டில் இருந்த தந்தை அல்லது தம்பியை அழைத்துச் சென்று 307வது பிரிவின் கீழ் வழக்குப் பதிவு செய்தனர். மேலும் ஹிந்துக்களில் 22 நபரை தேடப்படும் நபர்களாக அறிவித்து மொத்தம் 525 பேர் மீது 307வது பிரிவின் கீழ் வழக்குப் பதிவு செய்தனர். காவல்துறையின் இந்த ஹிந்து விரோத நடவடிக்கையின் காரணமாக தம்மம்பட்டி பொதுமக்கள் சோகத்தில் ஆழ்ந்தனர்.

போலீசாரின் இந்த அராஜகத்தை எதிர்த்து ஹிந்துக்கள் போராட ஆயத்தமானார்கள். இதனால் கோவை! மேற்கு மண்டல ஐ.ஜி ராஜேந்திரன் தம்மம்பட்டிக்கு வந்து விசாரணை நடத்தினார். இந்நிலையில் தம்மம்பட்டி காவல்நிலைய ஆய்வாளர் ஜகந்நாதன் திடீரென டிரான்ஸ்பர் செய்யப்பட்டு காத்திருப்போர் பட்டியலில் வைக்கப்பட்டார். தம்மம்பட்டி இன்ஸ்பெக்டர்மீது எடுக்கப்பட்ட இந்த நடவடிக்கை போலீசார் நடத்திய அராஜகத்தை உறுதிப்படுத்துகிறது. பேச்சுவார்த்தையின் போது `பாகிஸ்தான் ஜிந்தாபாத்' என்று கோஷமிட்டு, `நேபாளத்திற்கு போங்கள்' என்று கூறிய வீட்டு வசதி சங்க செயலாளர் ஜாபர் சாதிக் அலிமீது நடவடிக்கை எடுக்க வேண்டும். முஸ்லிம்களைத் தூண்டிவிட்டு பிரச்சினையைப் பெரிதாக்கிய தமிழ்நாடு முஸ்லிம் முன்னேற்றக் கழகம் (த.மு.மு.க) நிர்வாகிகள்மீது நடவடிக்கை எடுக்க வேண்டும். அமைதியாக உண்ணாவிரதம் இருந்த ஹிந்துக்கள்மீது தடியடி நடத்திய நாமக்கல் எஸ்.பி.நிக்கல்சன் மீதும் கோட்டாட்சியர் பாஸ்கரபாண்டியன் கூறியவாறு நடவடிக்கை எடுக்க வேண்டும். இல்லையேல் தம்மம்பட்டி சகஜ நிலைமைக்குத் திரும்பாது என்கிறார்கள் அங்குள்ள ஹிந்துக்கள். ஆனால் ஆளும் கட்சியாக முஸ்லிம்களுக்குச் சாதகமான தி.மு.க அரசு இருப்பதால் காவல் துறையினர் முஸ்லிம்களுக்கு ஆதரவாகவே செயல்படுகின்றனர். தமிழக அரசு காவல் துறை, முஸ்லிம்கள் ஆகியவற்றின் சதிகளையெல்லாம் மீறி தம்மம்பட்டியில் அமைதி ஏற்படுமா? தம்மம்பட்டி ஹிந்துக்களுக்கு விடிவுகாலம் பிறக்குமா? தம்மம்பட்டியில் போலீசார் முஸ்லிம்களுக்கு ஆதரவாக நடத்திய அட்டூழியங்களைப் பார்க்கும்போது இந்தியா ஒரு ஜனநாயக நாடுதானா என்ற சந்தேகம் எழுவதை தவிர்க்க முடியவில்லை.

NO COMMENTS

2007-10-10T06:12:00.001-08:00

NO COMMENTS

2007-10-10T05:45:00.001-08:00

என் புகைப்படத் தொகுப்பை கிளிக் செய்து கொண்டிருந்தபோது கிடைத்த படம் இது. இன்றைய கர்நாடக அரசியலையும், இந்தப் படத்தையும் பார்த்து யாரும் குழப்பம் அடைய வேண்டாம்.