சொர்ணத்தேவரின் மகன் தமிழன் இல்லையா?

இராக்கின் அதிபராய் அமெரிக்காவை ஆட்டிப்படைத்து உலகத்தையே வியக்க வைத்த சதாம் உசேனை பக்ரீத்துக்கு 2 நாட்களுக்கு முன்பு தூக்கிலிட்டு குர்பானி பிரியாணியாக சமைத்து போட்டுள்ளார் ஜார்ஜ் புஷ். சதாம் உசேன் தூக்கலிடப்பட்டதற்கு ஈராக்கில் எதிர்ப்பைவிட ஆதரவே அதிகம். ஆனால் இந்தியாவில் அதுவும் தமிழகத்தில் முதல்வர் கருணாநிதி உட்பட பலர் சதாமின் பக்தர்களாகவே மாறி விட்டனர். நாடாளுமன்ற மைய மண்டபத்தில் மாறன் சிலைக்கு அருகில் மாவீரன் சதாமுக்கு சிலை வைக்க வேண்டும் என்று கருணாநிதி கோரிக்கை விடுத்தாலும் ஆச்சரியப்படுவதற்கில்லை.
சதாமுக்காக இரக்கப்பட்டு அறிக்கை விட்ட தமிழினத் தலைவர் தென்காசியில் படுகொலை செய்யப்பட்ட குமார் பாண்டியன் குடும்பத்திற்கு இதுவரை ஆறுதலும் கூறவில்லை. தான் முதல்வராக இருக்கும்போது நடந்த இந்த படுகொலையை கண்டிக்கவும் இல்லை. ஒருவேளை தென்காசி சொர்ணத் தேரின் மகன் தமிழன் இல்லை என்ற முடிவுக்கு கருணாநிதி வந்து விட்டாரா? சொர்ணத்தேவரின் மகன் தமிழனா? சதாம் உசேன் தமிழனா? தன்னை உலக தமிழர்களின் தலைவர் என்ற கூறிக்கொள்ளும் கருணாநிதிதான் பதில் சொல்ல வேண்டும்.